Edwin Van der Saar, portier i Manchester Unitedit, është i sigurt se do të shkojnë në çerekfinale të Champions League në futboll.

Portieri i Manchester Unitedit në asnjë mënyrë nuk i trembet Milanit, por sipas tij pret lojë të mrekullueshme të skuadrës së tij, që t’i kënaq adhuruesit me fitore. “ Nuk dua të nënçmoj Milanin, por unë dua të jem i sigurt se nuk do të bëjmë gabimet e njëjta si disa vite më parë kur ata na eliminuan në gjysmëfinale.

Ata luajtën mirë si edhe këtu kur ne i mposhtëm 3:2 dhe kur ata fituan 3:0 në ndeshjen kthyese në San Siro. Seedorf ishte fantastik në të dyja ndeshjet.

Por ne arritëm një rezultat të mirë muaj më parë në San Siro dhe tani duhet të përfundojmë një natë magjike në Old Trafford”, tha Van der Saar.