Është luajtur ndeshje e kthimit çerekfinale e Kupës së 58-të të Shqipërisë, mes Teutës dhe Gramozit.

Në “Niko Dovana“ të Durrësit janë ballafaquar Teuta dhe Gramozi, në sfidën e dytë për t’u kualifikuar në gjysmëfinale të këtij aktiviteti kombëtar.

Rezultati ka qenë i bardhë, 0:0, por goli në fushën kundërshtare i “djemve të detit“, në barazimin 1:1, arritur dy javë më parë, ka dërguar Teutën për më tej, ndërkohë që kolonjarët i thonë “lamtumirë“ Kupës së Shqipërisë. Kjo ndeshje ka qenë mjaft e fortë dhe me raste të mira shënimi.