Zinedine Zidane, ka bërë të ditur se ai do të punojë më pranë trajnerit të Real Madridit, Jose Mourinho, si drejtor futbolli.

“Unë do të jem drejtor futbolli për ekipin e parë”.

“Mourinho e influencoi këtë vendim, por edhe Florentino Perez. Të shohim se cilat do të jenë detyrat e mia nga e hëna deri në fund të sezonit”, ka thënë Zidane për AS.

Legjendës së futbollit, Zinedine Zidanes, po i vjen shumë keq ish-klubi i tij Juventus, pas rezultateve zhgënjyese nga Zonja e Vjetër sezoneve të fundit.

“Më dhemb kur e shoh Juventusin në këtë pozitë, sepse ky klub gjithmonë duhet të fitojë. Gjërat kanë ndryshuar. Merr kohë. Por, emri i Agnellit është garanci dhe shpresoj se Agnelli do të bëjë punë të mirë. A e keni parë golin e Del Pieros fundjavën e kaluar? Më befason që ai mund të luajë në këtë nivel”.

“Unë drejtor i Juventusit? Kurrë mos thuaj kurrë. Kjo për shkak se nëse je Bianconer, atëherë je Bianconer përgjithmonë”, tha ‘Zizou’.

Mesfushori i Real Madridit dhe i përfaqësueses së Gjermanisë, Mesut Ozil, ka dhënë komplimente për mediet spanjolle në adresë të bashkëlojtarit të tij, Cristiano Ronaldo.

“Ronaldo ka shënuar shumë gola në këtë stinor dhe kjo tregon se është një lojtar i madh”, tha Ozil, i cili në klubin mbretëror erdhi stinorin e kaluar. Turku me nënshtetësi gjermane, ka folur edhe për ish-futbollistin e Realit, Zinedine Zidane, tash këshilltar i presidentit të klubit Florentino Perez.

“Zidane është ishulli im. I kam shikuar pothuajse të gjitha ndeshjet e tij dhe ai ka qenë lojtar i shkëlqyer. Goli i tij në finalen e Ligës së Kampionëve ndaj Levrekuzenit në vitin 2002, ka qenë marramendës dhe nuk do ta harroj kurrë”, tha Ozil.

Mesfushori i Bayernit të Munichut, Bastian Schweinsteiger ka thënë se Zinedine Zidane është idoli i tij, ndërsa zbuloi poashtu se disfatat në ndeshjet e mëdha janë burim inspirimi për të.

“Unë motivohem nga disfatat. Sikurse në gjysmëfinalen e Botërorit ndaj Spanjës, ashtu edhe ndaj Interit në Ligën e Kampionëve”.

“Natyrisht, idoli im është Zidane. Eric Cantona ishte poashtu i mirë, por Zidane ndikon në mua si lojtar”, u shpreh Schweinstieger.

wMbrojtësi i Interit, Marco Materazzi, është shprehur për takimin e tij më të fundit me Zinedine Zidanen në Milano.

“Zidane e parkoi veturën e tij pranë times dhe unë e shfrytëzova rastin për t’i thënë disa gjëra të cilat mbetën mes nesh. Le të them se unë isha ai që foli më shumë dhe kur në fund ai ma zgjati dorën, unë e shtrëngova dhe nuk e lëshova derisa më shikoi në fytyrë”.

“Kjo është ajo që kërkova. Ishte mirë për mua, nuk e di se si është ndier ai”, tha Materazzi.

Marco Materazzi njihet për goditjen me kokë të pësuar nga Zidane në gjoks në finalen e Botërorit 2006, pas një konflikti verbal të ndodhur mes tyre në fushë.

Katari ia vlen të jetë nikoqir i Kupës Botërore 2022 sipas Zinedine Zidane, i cili ndihmoi këtë vend gjatë fushatës.

Zizou është i famshëm për dy golat të cilat i shënoi në finalen e Kupës së Botës në vitin 1998 për Francën, por ai mbetet krenar për prejardhjen e tij algjeriane dhe është i ngazëllyer që shfaqja më e madhe e futbollit do të shkojë në botën arabe për të parën herë.

“Përveç fitores së Katarit, kjo është një fitore për botën Arabe dhe për Lindjen e Mesme. Kjo është ajo që më preku më së shumti. Është bukur të kesh diçka të re. Është bukur të tregosh se futbolli i takon gjithkujt”.

“Ata thanë se Katari ishte më së paku favorit për të fituar, pasi është një vend i vogël. Por Katari përfaqëson botën Arabe dhe sot kjo është një logjikë që ka triumfuar. Jam krenar për këtë fitore”, ka thënë Zidane.

Para Katarit, Kupa Botërore do të organizohet në Brazil në vitin 2014 dhe në Rusi në vitin 1018.

Goditja me kokë në gjoks, të cilën Zinedine Zidane ia dhuroi Marco Materazzit në finalen e Kampionatit botëror 2006, mes Francës dhe Italisë, ishte njëri prej incidenteve më të përfolura në histori të klubit.

Reprezentuesi kamerunas nuk u ndëshkua, mirëpo mund të dënohet në prova televizive. Eto’o arriti të shënojë gol në minutën e 92-të, por Chievo fitoi 2-1.

httpv://www.youtube.com/watch?v=kRoGBhZGquM

Legjenda e Real Madridit, Zinedine Zidane, thotë se Jose Mourinho mund t’i sjellë trofe klubit mbretëror.

Zidane ka deklaruar se Mourinho ka sjellë në Madrid atë pjesë që mungonte dhe ai pret që klubi të bëjë diçka të madhe këtë sezon.

“Nuk e kam parë ndeshjen ndaj Mallorca, isha jashtë, por Madrid ende është duke u përgatitur. Mourinho na ka sjellë atë që ka munguar në ekip. Barcelona po ia del mirë, por këtë vit Madrid mund të arrijë diçka të rëndësishme”, ka thënë Zidane për sportiven AS.

Ish-kapiteni i Francës, Zinedine Zidane, në një deklaratë dhënë të hënën, ka pohuar se Raymond Domenech nuk është trajner dhe për këtë arsye Franca nuk ka skuadër të mirëfilltë.

Sipas tij, barazimi i Francës me Uruguain në takimin e parë të këtij botërori jep pak shpresa për lojë më të mira në vazhdim. “Gjëja më e vështirë është se nuk kemi ekip që punon bashkërisht. Lojtarët nuk luajnë së bashku, ata janë shumë individualistë. Futbollistët duhet të marrin më shumë përgjegjësi për vetvete dhe të ecin më tutje”, ka thënë Zidane për “Canal plus”.

Legjenda e futbollit francez që u pensionua katër vjet më parë, thotë se lojtarët nuk janë fajtorët e vetëm. Ai drejton gishtin nga seleksionuesi Domenech që nuk ka arritur ta komponojë skuadrën. “Domenech nuk është trajner. Ai duhet ta bëjë skuadrën të luajë së bashku. Bashkëpunimi i lojtarëve është gjëja kryesore në fushë. Është pikërisht mosbashkëpunimi i tyre, fajtori për barazimin kundër Uruguait”, ka thënë Zidane.

Zidane ka shënuar dy gola në finalen e Botërorit të vitit 1998, ku Franca fitoi 3:0 kundër Brazilit. Zidane ka ndihmuar Francën edhe në fitimin e titullit të Evropës në vitin 2000, ndërsa katër vjet më parë, Zidane ndihmoi këtë ekip deri në finale të botërorit “Gjermania 2006″.

Ndeshjen e radhës Franca e luan kundër Meksikës, të enjten në Polokwane.

Këshilltari i Real Madridit, Zinedine Zidane, mendon se futbollisti i Bayernit, Franck Ribery, e ka vendin në Real Madrid.

“Ribery është i lindur për të luajtur në Real Madrid”, tha Zidane.

Përveç që tha se Ribery e ka vendin në Real, e ka lavdëruar edhe futbollistin Benzema.

“Benzema ka një talent të madh dhe duhet të bëjë atë që klubi kërkon nga ai”, tha Zidane.

Duhet shtuar se Ribery të martën mbrëma ka qenë autorë i golit për Bayernin në fitoren 2:1 kundër Manchester Unitedit.