Chelsea ka bërë kërdinë në portën e Stokes, duke shënuar shtatë gola. Një fitore e lartë e Chelseat me rezultat 7:0 kundër Stokes, në kuadër të javës së 36-të të premierligës.

Chelsea shënoi fitore me shifra të larta për ta përmirësuar gol-dallimin dhe njëherësh ka marrë edhe kryesimin në tabelë me 80 pikë. Chelsea aspak mëshire s’ka pasur për rivalin, duke e bombarduar me gola. Kalou e nisi me gola në minutën e 24-të e 31-të, për ta vazhduar Lampard në minutën e 44-të nga penalltia.

Epërsinë në 4:0 e ka ngritur futbollisti Kalou pikërisht në minutën e 68-të, për çka ka qenë edhe goli i tretë i tij në ndeshje. Lampard shtoi epërsinë në 5:0 në minutën e 81-të, ndërsa Sturridge shënoi për 6:0 në minutën e 87-të.

Rezultatin përfundimtar e ka shënuar Malouda pikërisht në minutën e 89-të. Chelsea fitoi me shifra 7:0 dhe kryeson tabelën me 80 pikë, duke e lënë pas vetes me 79 pikë Manchester Unitedin. Liverpooli ka qenë mrekullia tjetër e javës së 36-të dhe që ka tronditur me rezultat 4:0 Burnleyn në shtëpi të veten.

Liverpooli gradualisht po kthehet në formë dhe kërkon të zë trenin e fundit. Gerrard ka qenë më i qarti në lojë si me angazhim po ashtu edhe me dy gola. Në minutën e 52-të Gerrard shënoi për 1:0, ndërsa e shtoi në 2:0 pas shtatë minutave. Maxi Rodriguez në minutën e 74-të ka ngritur shifrat në 3:0 dhe Babel në minutën e katërt shtesë të lojës realizoi për epërsinë përfundimtare 4:0.

Livepooli zë vendin e shtatë me 62 pikë dhe është vetëm dy pikë larg vendit të katërt, Tottenham.

Rezultatet

Manchester United – Tottenham 3:1

Bolton – Portsmouth 2:2

Hull City – Sunderland 0:1

West Ham United – Wigan Athletic 3:2

Wolves – Blackburn Rovers 1:1

Arsenal – Manchester City 0:0

Chelsea – Stoke City 7:0

Aston Villa – Birmingham City 1:0

Burnley – Liverpool 0:4

Everton – Fulham 2:1

Tabela

1. Chelsea 36 25 5 6 93:32 80

2. Manchester United 36 25 4 7 81:28 79

3. Arsenal 36 22 6 8 78:39 72

4. Tottenham 35 19 7 9 63:37 64

5. Aston Villa 36 17 13 6 51:35 64

6. Manchester City 35 17 12 6 69:42 63

7. Liverpool 36 18 8 10 61:33 62

8. Everton 36 15 12 9 59:49 57

9. Birmingham City 36 12 11 13 35:44 47

10. Sunderland 36 11 11 14 47:53 44

11. Blackburn 36 11 11 14 38:54 44

12. Fulham 35 11 10 14 36:39 43

13. Stoke 35 10 13 12 33:44 43

14. Bolton 36 9 9 18 40:65 36

15. Wolves 36 8 11 17 29:52 35

16. Wigan Athletic 36 9 8 19 35:69 35

17. West Ham United 36 8 10 18 44:62 34

18. Hull City 36 6 10 20 32:73 28

19. Burnley 36 7 6 23 37:78 27

20. Portsmouth 36 6 7 23 31:64 16 (-9)

Aaron Ramsey, mesfushor i skuadrës së futbollit Arsenalit, i cili javë më parë ka thyer këmbën pas një ndërhyrje të tmerrshme që ka pasur nga njëri prej futbollistëve të Stokes.

Ramsey me gjithë lëndimin e rëndë, ka thënë se shumë shpejtë do të kthehet në fushë dhe do të jetë më i mirë se kurrë.

“Më kujtohet shumë qartë se çfarë ndodhi dhe pas duelit unë u zgjova të shoh, dhe pashë se këmba ime ishte thyer dhe qëndronte në një kënd. Është vështirë për tu përballuar, por jam i ri dhe e kam jetën përpara.

Unë u operova javën e kaluar, por do të marr kohë derisa të shërohem, por jam i përkushtuar dhe i fokusuar që të kthehem më i fortë dhe më në formë se kurrë.”, tha Ramsey.

Futbollistët e Stokës mrekulluan me lojë dhe mposhtën me rezultat 3:1 skuadrën e Arsenalit, në ndeshjen e vlefshme të Cup FA të Anglisë ë futboll.

Kjo ishte humbje e papritur e Arsenalit, të cilët u eliminuan nga kjo garë e kupës. Stoke qysh në minutën e parë ka shënuar golin e epërsisë falë golit të Fullerit, pastaj e barazoi rezultatin 1:1 Denilson në minutën e 42-të.

Skuadra e Stokes në 15 minutat e fundit të ndeshjes ka shkëlqyer me lojë. Futbollistët Fuller në minutën e 77-të dhe Whitehead në atë të 85-të realizuan golat për fitoren 3:1. Stoke arriti fitore që as në ëndërr nuk e kishe parë, por dëshmoi angazhim dhe lojë cilësore, e cila ka dhënë edhe frytet e veta.

Futbollistët e Liverpoolit megjithëse udhëhoqën me shifrat 0:1 nuk e ruajtën këtë epërsi deri në fund në ballafaqim me Stoken.

Golin e epërsisë e ka shënuar futbollisti Kyrgiakos pikërisht në minutën e 57-të kundër Stokes. Mirëpo, mikpritësit morën frerët e lojës në duart e veta, me disa veprime të rrjedhshme e barazuan rezultatin 1:1 në minutën e 90-të nëpërmjet futbollisti Huth.

Liverpooli po kalon njëra nga kriza më të mëdha viteve të fundit dhe ky barazim e ka lënë edhe më larg ambicieve për titullin e kampionit. Liverpooli radhitet i shtati me 34 pikë, ndërsa Stoke zë vendin e dhjetë me 25 pikë.