Shqipëria ka ngjitur 23 vende në renditjen e FIFA-s të muajit prill duke arritur kështu vendin e 50.

Kjo është renditja më e mirë e historisë së përfaqësueses sonë që kur organizmi drejtues i futbollit botëror (FIFA) ka filluar publikimin e përmuajshëm të këtij klasifikimi në vitin 1993.

Vazhdon të kryesojë këtë renditje përfaqësuesja kampione në fuqi e botës, Spanja. Në vend të dytë renditet Hollanda. Brazili në vend të tretë ka lënë pas Gjermaninë dhe Argjentinën, vetëm në vend të nëntë Italia.

Shqipëria ka ngjitur vetëm një pozicion në renditjen e FIFA-s për muajin janar që ka publikuar paraditen e sotme organizmi drejtues i futbollit botëror.

Shqipëria është ngjitur në vendin e 64-të me 497 pikë nga vendi i 65 në të cilin ndodhej në dhjetorin e vitit të kaluar, njofton TCH.

Siç pritej, nuk ka shumë ndryshime në renditjen e parë të FIFA-s për vitin 2011. Spanja vazhdon të kryesojë renditjen e ndjekur nga Holanda. Gjermania në vendin e tretë.

Në vend të katërt renditet Brazili, ndërsa Argjentina ndodhet e pesta në këtë klasifikim.

Ndryshimi i vetëm në dhjetëshen e parë është ngjitja e Kroacisë në vendin e nëntë dhe zbritja e Egjiptit në të dhjetin.

Ndërsa është konfirmuar miqësorja me Slloveninë, Shqipëria ka humbur 7 vende në renditjen e përmuajshme të FIFA-s, duke e mbyllur vitin 2010 në vendin e 65-të.

Kombëtarja kuqezi ishte e 58-ta në muajin nëntor, që ishte një rekord historik për të, por barazimi në miqësoren me Maqedoninë duket se ka ndikuar jo pak në këtë klasifikim.

Në muajin dhjetor Shqipëria ka humbur edhe 23 pikë, duke u kaluar edhe nga skuadra shumë modeste si Kuba apo Xhamajka. Ndërkohë, renditja kryesohet nga Spanja e Holanda.

Shqipëria nuk ka arritur të nxjerrë rezultat pozitiv përballë Bjellorusisë, në duelin e zhvilluar në Minsk, të vlefshëm për Grupin D të kualifikimeve për Euro 2012.

Bjellorusët ishin më të mirët që nga filimi i takimit, një gjë kjo e cila u vërtetua dhe nga rastet e treguara për vendasit. Kombëtarja jonë pothuaje nuk tregoi asgjë, por performanca jo e mirë e më të dashurve tanë mund të justifikohet me mungesat e viganëve të tillë si Lorik Cana dhe Erjon Bogdani.

Goli i parë erdhi që në fillim të takimit. Vitali Rodionov kaloi në epërsi Bellorusinë vetëm pas dhjet minutash lojë, duke e zhbllokuar rezultatin në 1-0, rezultat ky që mbeti deri në fund të pjesës së parë.

Edhe në pjesën e dytë Shqipëria nuk tregoi asgjë dhe dënimi erdhi 13 minuta pa përfunduar takimi, kur Krivets (77’) realizoi për 2-0 dhe rezultatin përfundimtar të këtij takimi.

Pas rrethit të katërt të kualifikimeve Shqipëria mund të krenohet me pesë pikë në pozitën e tretë, kurse Bjellorusia e sheh veten lidere të Grupit D me tetë pikë.

Ky barazim zbeh dukshëm gjasat e Shqipërisë për t’u kualifikuar për Euro 2012, pasi që Franca nga ana tjetër do ta mposhtë Luksemburgun dhe do krijojë distancë të madhe me përfaqësuesen e kombëtares tonë.

Marrëveshja për themelimin e Ligës Rajonale të basketbollit, në të cilën do të garojnë skuadrat nga Shqipëria, Kosova, Maqedonia dhe Mali i Zi, pritet të nënshkruhet muajin e ardhshëm në Tiranë. Këtë e ka bërë të ditur të enjten Avni Ponari, kryetar i Federatës Shqiptare të Basketbollit.

Sipas Ponarit, liga do të quhet “Uniqa” dhe do të sponsorizohet nga kjo kompani e sigurimeve. Ai ka thënë se nuk ka ndonjë pengesë për themelimin e Ligës dhe pjesëmarrjen e ekipeve kosovare në të.

“Në Ligën Rajonale që do të quhet ‘Uniqa” do të paraqiten nga dy ekipe nga Shqipëria, Kosova, Maqedonia dhe Mali i Zi. Ideja është që të zhvillohet ligë e rregullt. Do të luhet një xhiro në javë, me sistem vajtje-ardhje. Sponsori dhe mjetet për funksionimin e ligës janë të sigurta. Kompania ‘Uniqa’ do të sponsorizojë ligën”, ka thënë Avni Ponari për gazetën. Ai është edhe drejtor i përgjithshëm i kompanisë së sigurimeve “Sigal”.

Njeriu i parë i basketbollit të Shqipërisë, Ponari, ka thënë se idenë për krijimin e ligës rajonale e ka shpalosur para drejtuesve të Federatave të tri vendeve e të tjera. Thotë se ka marrë përkrahjen.
“Federatat janë shumë burokratike dhe për këtë arsye deri tani nuk është nënshkruar marrëveshja.

Shpresoj se marrëveshja do të nënshkruhet muajin tjetër në Tiranë dhe që liga të nisë brenda këtij viti. Në takimin që do të kemi në Tiranë do të merremi vesh për detajet si puna e bordit, komisioneve e gjëra të tilla”, ka shtuar Ponari. Ai thotë se Liga “Uniqa” do të rritet nga viti në vit. Sipas tij, synohet që kjo ligë për një kohë të shkurtër të bëhet kryesorja në rajon. Ekipet pjesëmarrëse, sipas Ponarit, do të caktohen nga vetë federatat.
Drejtori i klubit Sigal Prishtina, Artan Rugova, ka thënë se kampionia e Kosovës është e gatshme të paraqitet në këtë ligë.

“Nëse formohet liga ne do të marrim pjesë. Mendojmë se kemi kapacitet financiar, por edhe cilësi për të garuar me ekipe nga Shqipëria, Mali i Zi dhe Maqedonia”, ka thënë Rugova. Ai është edhe nënkryetar i Federatës së Basketbollit të Kosovës.

Aktualisht në rajon ekzistojnë dy liga rajonale për basketbollistë, Liga e Adriatikut dhe ajo Ballkanike. Në asnjërën prej tyre nuk paraqiten ekipet nga Kosova. Ekipeve kosovare u është ndaluar pjesëmarrja me arsyetim se FBK-ja nuk është e pranuar në FIBA. Në Ligën e Adriatikut paraqiten ekipe nga Sllovenia, Kroacia, Bosnjë-Hercegovina, Mali i Zi dhe Serbia, ndërsa në Ligën e Ballkanit garojnë skuadra nga Bullgaria, Kroacia, Bosnjë-Hercegovina, Rumania, Mali i Zi, Serbia dhe Maqedonia.

Në të vërtetë, në stinorin 20034, ekipit të femrave Universiteti i qe lejuar të marrë pjesë në ligën rajonale “Trocal”, por pas një viti u përjashtua, ndonëse arriti në plejof dhe ishte ekipi më i përcjellë nga tifozët.

Vazhdimi i serisë me fitore minimale dhe protagonist, Hamdi Salihin ka qenë edhe ndeshja e së martës në Tiranë, kur Shqipëria ka mposhtur me rezultat minimal Luksemburgun (1:0).

Goli i shënuar nga “austriaku”, Salihi në minutën e 36-të ka qenë dallimi i vetëm ndërmjet dy skuadrave gjatë 90 minutëshit të dytë të kuqezinjëve në kampanjën e kualifikimeve për Euro 2012.

Fitorja e pritur i ka dhënë jetë barazimit të së premtes në Rumani (1:1), por nuk ka lënë shumë shpresa për ndeshjet e ardhshme. Kuqezinjtë vashdojnë të vuajnë në krijimin e lojës, sidomos me kombëtare me të vogla.

Mysafirët nga minuta 58, kanë mbetur me një lojtarë më pak kur, Mutsch ka lëshuar fushën i detyruar për shkak të dy kartonëve të verdhë dhe një të kuq.

Kuqezinjtë kanë pasur përkrahjen e mjaftueshme nga tribunat, por kjo sikur nuk ka mjaftuar për një fitore më bindëse. Luksemburgu ka luajtur lojë agresive, ndonëse nuk ka pasur ndonjë rast që duhet theksuar në drejtim të portës së Beqajt, i cili nuk ka qenë sa duhet i mbështetur nga reparti i mbrojtjes, i cili ka qaluar.

Në ndeshjen e ardhshme, që luhet më 8 tetor, Shqipëria do të jetë nikoqire e Bosnje e Hercegovinës.

Shqipëria – Luksemburgu 1:0 (1:0)

(Salihi 36’)

Stadiumi: “Qemal Stafa”, në Tiranë. Shikues:

Arbitri: Richard Trutz (Sllovaki). Kartoni i verdhë: Bogdani, Bulku – Peters. Kartoni i kuq: Mutsch (L)

Shqipwria: Beqaj, Dallku, Cana, Curri, Agolli, Bulku, Duro (Lila 90’), Skela, Salihi, Muzaka (Hyka 80’), Bogdani – Trajner: Josip Kuzhe

Luksemburgu: Joubert, Kintziger, Blaise, Hoffmann, Schnell, Peters, Laterza (Martino 81’), Bettmer (Collette 90’), Da Mota, Payal, Mutsch – Trajner: Luc Holtz

Mbrëmje e befasive

Janë shënuar disa rezultate befasuese në ndeshjet e së martës për kualifikime në Euro 2012.

Sllovakia në grupin B, ka lënë gojëhapur rusët me fitoren nërpërmjet golit të shënuar nga Stoch.

Mali i zi, i cili bën gara në grupin G, ndonëse debutues në kualifikime për evropian, ka arritur të marrë pikë të plota dhe në Sofje ndaj Bullgarisë nikoqire (1:0).

Në grupin H, Norvegjia ka shfrytëzuar mungesën e super yllit, Cristiano Ronaldo për të mposhtur Portugalinë (1:0).

Në grupin I, ka qenë befasues rezultati i ndeshjes, ku Çekia është mposhtur para popullit të vet nga Letonia (1:0).

Franca ka filluar rimëkëmbjen e grupit D në Bosnje e Hercegovinë, duke gjetur fitoren e parë prej kohësh me golat e shënuar nga Benzema dhe Malouda.

Euro 2010 – Ndeshjet dhe grupet

Grupi A

Turqia – Belgjika 3:2

Austria – Kazakistani 2:0

Gjermania – Azerbajxhani 6:1

1. Gjermania 2 2 0 0 7:1 6

2. Turqia 2 2 0 0 6:2 6

3. Austria 1 1 0 0 2:0 3

4. Belgjika 2 0 0 2 2:4 0

5. Azerbajxhani 1 0 0 1 1:6 0

6. Kazakistani 2 0 0 2 0:5 0

Më 8 tetor, takohen: Kazakistani – Belgjika, Austria – Azerbejxhani, Gjermania – Turqia

Grupi B

Rusia – Sllovakia 0:1

Maqedonia – Armenia 2:2

Irlanda – Andorra 3:1

1. Irlanda 2 2 0 0 4:1 6

2. Sllovakia 2 2 0 0 2:0 6

3. Rusia 2 1 0 1 2:1 3

4. Armenia 2 0 1 1 2:3 1

5. Maqedonia 2 0 1 1 2:3 1

6. Andorra 2 0 0 2 1:5 0

Më 8 tetor, takohen: Armenia – Sllovakia, Andorra – Maqedonia, Irlanda – Rusia

Grupi C

Serbia – Sllovenia 1:1

Italia – Ishujt Faro 5:0

1. Italia 2 2 0 0 7:1 6

2. Serbia 2 1 1 0 4:1 4

3. Irland V. 1 1 0 0 1:0 3

4. Estonia 2 1 0 1 3:3 3

5. Sllovenia 2 0 1 1 1:2 1

6. I. Faro 3 0 0 3 1:10 0

Më 8 tetor, takohen: Slovenia – Ishujt Faro, Serbia – Estonia, Irlanda e Veriut – Italia

Grupi D

Bjellorusia – Romania 0:0

Shqipëria – Luksemburgu 1:0

Bosnja-Hercegovina – Franca 0:2

1. Shqipwria 2 1 1 0 2:1 4

2. Bjellorusia 2 1 1 0 1:0 4

3. Bosnja H. 2 1 0 1 3:2 3

4. Franca 2 1 0 1 2:1 3

5. Rumania 2 0 2 0 1:1 2

6. Luksemburgu 2 0 0 2 0:4 0

Më 8 tetor, takohen: Luksemburgu – Bjellrusia, Shqipëria – Bosnja e Hercegorivina

Grupi E

Suedia – San Marino 6:0

Holanda – Finlanda 2:1

Hungaria – Moldavia 2:1

1. Suedia 2 2 0 0 8:0 6

2. Holanda 2 2 0 0 7:1 6

3. Hungaria 2 1 0 1 2:3 3

4. Moldavia 2 1 0 1 3:2 3

5. Finlanda 2 0 0 2 1:4 0

6. San Marino 2 0 0 2 0:11 0

Më 8 tetor, takohen: Hungaria – San Marino, Moldavia – Holanda

Grupi F

Gjeorgjia – Izraeli 0:0

Malta – Letonia 0:2

Kroacia – Greqia 0:0

1. Kroacia 2 1 1 0 3:0 4

2. Izraeli 2 1 1 0 3:1 4

3. Letonia 2 1 0 1 2:3 3

4. Gjeorgjia 2 0 2 0 1:1 2

5. Greqia 2 0 2 0 1:1 2

6. Malta 2 0 0 2 1:5 0

Më 8 tetor, takohen: Gjeorgjia – Malta, Greqia – Letonia

Grupi G

Bullgaria – Mali i zi 0:1

Zvicra – Anglia 1:3

1. Anglia 2 2 0 0 6:1 6

2. Mali i zi 2 2 0 0 2:0 6

3. Zvicra 1 0 0 1 1:2 0

4. Uellsi 1 0 0 1 0:1 0

5. Bullgaria 2 0 0 2 0:5 0

Më 8 tetor, takohen: Uellsi – Bullgaria, Mali i zi – Zvicra

Grupi H

Danimarka – Islanda 1:0

Norvegjia – Portugalia 1:0

1. Norvegjia 2 2 0 0 3:1 6

2. Danimark 1 1 0 0 1:0 3

3. Qipro 1 0 1 0 4:4 1

4. Portugalia 2 0 1 1 4:5 1

5. Islanda 2 0 0 2 1:3 0

Më 8 tetor, takohen: Qipro – Norvegjia, Portugalia – Danimarka

Grupi I

Çekia – Lituania 0:1

Skocia – Lihtenshtejni 2:1

1. Skocia 2 1 1 0 2:1 4

2. Lituania 2 1 1 0 1:0 4

3. Spanja 1 1 0 0 4:0 3

4. Lihtenshtejni 2 0 1 1 1:5 1

5. Çekia 1 0 0 1 0:1 0

Më 8 tetor, takohen: Spanja – Lituania, Çekia – Skocia

Mesfushori i kombëtares shqiptare, Klodian Duro, tha se Shqipëria ndaj Luksemburgut pret fitore, ndërsa vet e ka lavdëruar punën e përzgjedhësit Josip Kuzhe.

Duro është shumë optimist e sidomos për sfidën ndaj Luksemburgut. Kemi një trajner shumë të aftë dhe me eksperiencë, që di t’i vlerësojë saktë situatat.

Të gjithë lojtarët janë të bashkuar dhe të gatshëm për të dhënë maksimumin, ndërsa trajneri vendos për formacionin”, tha Duro. Sipas tij, barazimi në Rumani ka qenë sa domethënës aq edhe motivues për sfidën e të martës (sot).

Shqipëria do të luajë të premten në orën 20 ndeshjen e parë në eliminatoret e Europianit 2012, kundër Rumanisë. Në qytetin e largët të Piatra Neamt, kombëtares kuqezi i duhet të tregojë se rezultatet e mira në miqësoret e fundit nuk kanë qenë një rastësi.

Ekipi shqiptar ka mbërritur pak pas mesditës në aeroportin e Bakaut në Rumani, ndërsa më pas me autobus është drejtuar për në qytetin ku do të luhet ndeshja, ka raportuar News24.
Në orën 18 me orën shqiptare është zhvilluar edhe stërvitja e fundit në stadium, ku Kuzhe ka zgjidhur edhe dilemat e fundit mbi formacionin.

Kështu, Shqipëria do të zbresë në fushë me një sulmues të deklaruar, Bogdanin, i cili do të ketë shumë detyra mbrojtëse përballë një ekipi që do të kërkojë me çdo kusht fitoren. Ndërsa Muzaka ka fituar betejën me Duron për një vend në formacion, ndonëse Kuzhe ende nuk e ka ndarë 100 % mendjen për këtë rol.
Herën e fundit që luajti në Rumani, Shqipëria u mund 6-1, në një nga disfatat më të rënda të viteve të fundit. Por, pas 3 vjetësh nga ajo sfidë, kuqezinjtë besojnë se tani do të jetë ndryshe. Në kampin rumun, entuziazmi duket në qiell në prag të kësaj sfide. Nga 13.400 bileta që ka stadiumi, 10 mijë janë shitur deri të mërkurën në mbrëmje, ndërsa pritet që të mos ketë asnjë stol bosh. Trajneri Razvan Luçesku ka deklaruar se skuadra e tij duhet të fitojë me çdo kusht, pasi nisja e mbarë ka shumë rëndësi.
“Më në fund është koha e ndeshjeve zyrtare, atmosfera në ekip është e shkëlqyer, – deklaroi Luçesku. – Synimi i të gjithëve është kualifikimi dhe do të bëjmë gjithçka për të arritur fitoren në ndeshjen e parë. Është shumë e rëndësishme të fitosh në debutim”. Për ndeshjen ndaj Shqipërisë Rumanisë i mungojnë Mutu dhe Kivu, ndërsa edhe organizatori Tanase pritet të mos luajë.

Shqipëria zhytet në atmosferën e Eliminatoreve të Euro 2012. Që nga pasditja e djeshme, skuadra kuqezi është grumbulluar në hotelin “Dyrrah” dhe do të zhvillojë një fazë përgatitore katërditore në prag të aventurës për dy ndeshjet e radhës, më 3 shtator ndaj më Rumanin në transfertë dhe më 7 shtator ndaj Luksemburgut në Tiranë.

Në dispozicion të trajnerit Josip Kuzhe do të vihen 23 lojtarë, nga të cilët dje janë paraqitur pjesa më e madhe. Salihi, Duro, Lika, Cana, Lika, Bulku e Vrapi kanë munguar për shkak të impenjimeve të djeshme me skuadrat përkatëse. Gjithsesi grupi pritet të kompletohet sot.

Ndërsa ndeshja e dytë konsiderohet e lehtë në letër, trajneri Josip Kuzhe do të synojë të përgatisë sa më mirë ekipin për sfidën ndaj rumunëve, me dëshirën për të fshirë ato kujtime të hidhura të 21 nëntorit të vitit 2007. Rumunia do të jetë pa kapitenin Kristian Kivu. Shqipëria me Rumaninë është ndeshur gjithsej 10 herë, nga të cilat ka koleksionuar 9 humbje dhe 1 barazim.

Pikërisht barazimi daton më 23 tetor të 1949, kur ishin shqiptarët që udhëhiqnin ndeshjen miqësore në Bukuresht 1-0, por janë barazuar në fund, duke humbur mundësitë e vetme për të marrë një fitore. Rumania dhe Shqipëria janë përballur dy herë në Eliminatoret e Europianëve, një herë për Euro 1988 dhe një herë për Euro 2008. Në këtë të fundit, Rumania arriti t’i fitonte të dyja sfidat me Shqipërinë, të parën 0-2 në Tiranë dhe të dytën 6-1 në Bukuresht.

Turpërimi në ndeshjen e kthimit u pasua nga polemika të shumta. Ndaj ajo humbje djeg ende. Rikthimi në Bukuresht është një motivim për kuqezinjtë, të cilët do të synojnë në fshijnë nga mendja ato kujtime të hidhura të natës së 21 nëntorit 2007. Këto eliminatore do të jenë dhe prova e vërtetë e skuadrës së ndërtuar nga trajneri kroat i Shqipërisë, Josip Kuzhe, i cili mori drejtimin në fundin e eliminatoreve të Botërorit 2010, pas shkarkimit të trajnerit të atëhershëm Ari Han.

Nga drejtuesit e Federatës së Basketbollit të Kosovës (FBK), merret vesh se në fund të këtij muaji në Prizren do të mbahet turneu ndërshtetëror, në të cilin pos përfaqësueses së Republikës së Kosovës do të marrin pjesë edhe kombëtarja e Shqipërisë dhe ajo e Emirateve të Bashkuara Arabe.

Ditë më parë kombëtarja e Shqipërisë kishte shprehur gatishmërinë që të zhvillojë një ndeshje miqësore me përfaqësuesen e Kosovës, e cila do t’i shërbente Shqipërisë për të kontrolluar formën e lojtarëve të tyre. Këtë e kishte konfirmuar drejtori i reprezentacionit të Kosovës, Artan Rugova.

“Sekretari i përgjithshëm i FSHF-së, Korab Llazari ka kërkuar nga ne që në fund të muajit të zhvillojmë ndeshjet miqësore me Shqipërinë”, kishte thënë Rugova.

Llazari këtë kërkesë e kishte bërë pasi kombëtarja kuq e zi këto ditë është duke u përgatitur në Turqi për ndeshjet eliminatore për kampionatin ardhshëm evropian. Federata Shqiptare e Basketbollit, menjëherë pasi kishte ardhur në krye të saj, Avni Ponari, ka filluar të mendoj për përmirësimin e paraqitjeve të skuadrës kombëtare. Si rrjedhojë e kësaj ata kishin arritur të aktivizojnë në fanellën kuq e zi edhe basketbollistin më të mirë shqiptar, Ermal Kuqo.

Ky i fundit deri para disa muajve ka mbrojtur ngjyrat e Turqisë, por falë gatishmërisë së tij dhe marrëveshjeve të drejtuesve të federatave turke dhe asaj shqiptare kishte arritur që të merr pëlqimin nga federata ndërkombëtare e basketbollit (FIBA), për t’u aktivizuar për vendin nga vjen. Por krahas kërkesës së Shqipërisë, në drejtim të kryetarit të FBK, Erolld Belegu ka arritur edhe një kërkesë nga ana e drejtuesve të basketbollit të Emiratave të Bashkauara Arabe, të cilët kanë kërkuar që edhe ata së bashku me Shqipërinë dhe vendin tonë të zhvillojnë ndeshje të ndërsjella ndërmjet veti, në formë të turneve, kështu ka bërë të ditur komisari i FBK-së, Nazmi Paçarada.

Në vendin tonë deri më tani në cilësinë e përfaqësueses kishte ardhur vetëm Shqipëria, e cila për nderë të shpalljes së pavarësisë, kishte zhvilluar nga një përballje në konkurrencën e meshkujve dhe atë të femrave. Kjo do të ishte hera e parë që pos vendit amë do të merr pjesë edhe një kombëtare tjetër. Edhe pse basketbollistët e Kosovës tani gjenden në pushime, ky do të jetë një rast i mirë që të matin forcat me rivalët nga Shqipëria dhe shteti arab. /botasot