Bosi i Chelseat, Andres Villas-Boas dëshiron ta testojë rezistencën e Real Madridit duke bërë ofertë për mbrojtësin Sergio Ramos.

AS njofton se Ramos është shndërruar në top prioritet nga Villas Boas, i cili mendon se krahët e mbrojtjes kanë mbetur më fragjilë që pas largimit të Ancelottit.

Chelsea gjatë këtyre ditëve duket se është ‘çmendur’, pasi sipas gazetave dhe mediave tjera ndërkombëtare, është në kërkim të rreth 10 lojtarëve, pesë prej tyre sulmues.

Agjenti i Sergio Ramosit e ka qartësuar se ai asnjëherë nuk ka thënë se klienti i tij nuk është i kënaqur me mënyrën se si po e trajton Real Madridi.

Vëllai dhe agjenti i mbrojtësit të krahut, Rene Ramos, ishte cituar gjatë të dielës të ketë thënë se 25-vjeçari meritonte trajtim më të mirë në Bernabeu dhe se nuk e kishte mohuar mundësinë e largimit të spanjollit nga Los Blancos.

Mirëpo, ai ka reaguar për të mohuar komentet e tilla duke thënë se planifikon që ta padisë gazetën britanike People për këto spekulime.

Ndërkaq, më herët është spekuluar se Ramos mund të largohet nga Reali pasi që klubi po vonohet me rinovimin e kontratës së tij, ndërsa mundësia e ardhjes së Maicon te Mbretërit i ka forcuar edhe më shumë këto spekulime.

Nënkampioni i Spanjës, Real Madridi, është duke e menduar një shkëmbim të mbrojtësve Sergio Ramos dhe atij të Interit, Maicon.

Mourinho dëshiron që të punojë përsëri me Maicon, me dëshirën për ta sakrifikuar edhe Ramosin për ta bërë transferin funksional.

Vet Serigo Ramos është duke e shqyrtuar të ardhmen e tij te Real Madridi pas ultimatumit vënë klubit. Mourinho dëshiron ta shfrytëzojë këtë situatë, duke ia ofruar Interit mbrojtësin spanjoll si pjesë e shkëmbimit me Maicon. Shumë varet edhe nga trajneri i ardhshëm i Interit.

Interi dhe Manchester United janë duke vëzhguar nga afër zhvillimet rreth mbrojtësit të Real Madridit, Sergio Ramos, i cili sipas mediave katalanase i ka dhënë ultimatum klubit nga Santiago Bernabeu.

El Mundo Deportivo shkruan se Sergio Ramos, me anë të vëllait dhe agjentit të tij Rene, i ka dhënë Real Madridit një ultimatum, në të cilin thuhet: “Ose ma dyfishoni pagën, ose largohem”.

Ramos po kërkon që paga e tij prej 3 milionë eurosh të ngritet, një kërkesë kjo që nuk ka hasur në mirëkuptim me politikat e Real Madridit. Kështu, Interi dhe Manchester United pritet që të hyjnë në garë për spanjollin, me Djajtë e Kuq të cilët kanë pasur kontaktet e para që në janar.

Real Madrid do të zgjasë kontratën e Pepe dhe Sergio Ramos në javën e ardhshme.

Lajmin e bën të ditur gazeta sportive spanjolle AS.

Kontrata e Pepe që përfundonte në vitin 2012, do të zgjatet edhe 4 vite të tjera.

Përsa i përket Sergio Ramos, spanjolli do të nënshkruajë një kontratë deri në vitin 2017.

Mbrojtësi portugez Pepe, i cili është një nga lojtarët më pak të paguar të ekipit madrilen me 1.8 milionë euro, do të marrë tashmë 3.8 milionë euro nga kontrata e re. Ndërsa spanjolli do të ketë një rritje rroge nga 3.5 në 4.5 milionë euro.

Sergio Ramos i ka prishur punët me Jose Mourinhon, kështu që e ardhmja e futbollistit spanjoll mund të jetë larg Madridit.

Sipas mediave spanjolle, për mbrojtësin e djathtë spanjoll interesim serioz ka shfaqur Chelsea. Klubi londinez ka bërë gati një ofertë prej 35 milionë eurosh.

Nëse përfaqësuesi spanjoll do të pranonte që të transferohet në klubin Blues, për të do të ishte e gatshme një kontratë pesëvjeçare.

Menaxheri Carlo Ancelotti me këtë rast do ta kishte një tjetër yll në mbrojtjen e tij.

Mbrojtësi i djathtë i Real Madridit, Sergio Ramos kërkohet nga disa klube nga Anglia dhe Italia ka bërë të ditur vëllai dhe menaxheri i tij, Rene.

Ramos ka qenë në bisedime me Realin rreth vazhdimit të kontratës deri më 2017 por ende nuk ka arritur marrëveshje. Ndërkohë, ka filluar të shfaqet interesimi nga klube të ndryshme evropiane.

“Disa prej klubeve më mëdha nga Anglia dhe Italia kanë shprehur interesim për Sergion. Ne presim të zhvillojmë një takim të ri me klubin në muajt e ardhshëm për të sqaruar të ardhmen e tij”, tha Rene.

Milani ka vendosur që ta fusë Paton si pjesë e marrëveshjes për transferimin e mbrojtësit të Real Madridit, Sergio Ramos.

Padyshim pika më e dobët e Milanit është mbrojtja ku ende Rosonerët aty nuk mund të gjejnë qetësinë e tyre pasi stabiliteti aty është tepër i dobët. Rosonerët janë të gatshëm që të japin në fund të sezonit Paton për mbrojtësin e Realit, Sergio Ramos.

Pato nuk ka shumë vend të lirë te Milani që pas ardhjes të Ibras, Robinhos dhe Cassanos.

Corriere dello Sport sot ka raportuar se Reali do të jetë edhe më bosh në sulm sepse në fund të sezonit Karim Benzema do të largohet nga Santiago Bernabeu dhe kjo mund të jetë një arsye shtes që këta dy klube të bien dakord për një marrëveshje të tillë.

Sergio Ramos, mbrojtësi i Real Madrid, mund të largohet nga klubi madrilen në verën e ardhshme për shkak të një konfrontimi me Cristiano Ronaldo dhe për shkak të mungesës së besimit të trajnerit Mourinho.

Gazeta italiane sportive “La Gazzetta dello Sport” shkruan: “Sergio Ramos dhe Real Madrid mund të “divorcohen” në fundin e këtij sezoni. Mbrojtësi spanjoll ka pasur disa “përplasje” me Cristiano Ronaldo dhe nuk gëzon besimin e plotë të Mourinho.”

Sipas të përditshmes sportive, Chelsea ka qenë gjithmonë i interesuar për Ramos dhe verën e shkuar ofroi 40 milionë euro për të, por presidenti i Real Madrid, Florentino Perez, e refuzoi këtë ofertë.

Mbrojtësi i Real Madridit, Sergio Ramos, u ka bërë thirrje bashkë-lojtarëve të tij të harrojnë disfatën nga Barcelona dhe të kthehet kah Valencia.

“Krenaria jonë për të mbrojtur këtë fanellë dhe këtë kreshtë, na dhemb. Ne duhet të kuptojmë rëndësinë e shenjës dalluese që veshim dhe jetojmë në këtë klub të madh”, ka thënë fituesi i Kupës së Botës.

“Ne nuk mund ta ndryshojmë humbjen. Ne të gjithë jemi fajtor dhe ne jemi të vendosur të ecim përpara. Tash më shumë se kurrë, ne duhet të tregojmë krenarinë e cila gjithmonë e ka identifikuar Real Madridin”.

“Ne duhet ta harrojmë faktin se humbëm tre pikë dhe sezoni është shumë i gjatë dhe se gjërat mund të ndryshojnë gjithë kohën në futboll. Bota nuk ka ardhur afër fundit. Ne duhet të rikuperohemi nga ajo humbje dhe të ndalojmë të vajtojmë. Tash kemi një ndeshje të rëndësishme kundër një ekipi i cili ka një sezon të mirë”, ka shtuar Ramos, i cili do të jetë i suspenduar për takimin ndaj Valencias.