Manchester United ka arritur që të bëjë një hap gjigant drejt finales së Wembleyt me fitoren prej 2-0 si mysafir i Schalkes në gjysmëfinalen e parë të Ligë së Kampionëve të zhvilluar në Arena auf Schalke para tifozëve të flaktë gjermanë.

Fillimi i pjesës së parë ishte i nivelizuar, me të dyja skuadrat që tentuan me anë të gjysmërasteve të arrijnë pranë golit. Megjithatë, nuk kaloi shumë kohë dhe Manchester United filloi ta gëlltitë Schalken.

Rastet deri në fund të pjesës së parë nuk munguan, me Chichariton dhe Fabio da Silvan të cilët shpërdoruan rastet më të mira për Djajtë e Kuq, por nuk ishte vetëm faji i tyre, pasi portieri gjerman Manuel Neuer shfaqi formë jashtë-planetare me anë të disa intervenimeve të jashtëzakonshme.

Pasi pjesa e parë përfundoi pa gola, në fraksionin e dytë vetëm sa rritet presioni në portën e vendasve. Manuel Neuer vazhdoi të bënte intervenime bravoroze, por qëndresa heroike e Mbretërve të Kaltër bie pas më shumë se një ore lojë.

Përvoja e Ryan Giggs tregohet vitale në minutën e 67-të. Pasi humbi një rast të qind për qindtë në pjesën e parë, ishte legjenda uellsiane ai që zhbllokoi rezultatin, pasi pranoi një pasim nga Wayne Rooney për ta mposhtur portierin deri në atë moment fantastik, Manuel Neuer.

Dhe ky gol e demoralizoi tej mase skuadrën vendase, e cila përsëri dorëzohet. Vetëm pas tre minutash (70’), Javier Hernandez gjen Rooneyn të lirë, me sulmuesin anglez që tregohet i pa shmangshëm për të realizuar për 2-0 dhe fitoren e madhe në këtë takim.

Me këtë fitore Manchester United ka siguruar praktikisht kualifikimin në finale, pasi avantazhi prej dy golave në terrenin mysafir është i vështirë për t’u shkrirë për gjermanët, kur dihet se më 4 maj Schalke i shkon Unitedit në ndeshjen kthyese në Old Trafford.

Interi nuk ka arritur të bëjë mrekullinë në Veltins-Arena kundër Schalkes, ashtu që i jep fund që në këtë fazë garës të cilën e fitoi një vit më parë.

Takimi i parë çerekfinal i Ligës së Kampionëve i zhvilluar në Giuseppe Meazza përfundoi me rezultat prej 5-2 në favor të Schalkes, ndërsa ndeshja kthyese përfundoi me rezultat 2-1 në favor të gjermanëve, ashtu që me rezultat të përgjithshëm prej 7-3, Schalke kualifikohet në gjysmëfinale.

Nerrazurët luajtën më mirë në gjysmën e parë, mirëpo nuk impresionuan, ata madje pranuan një gol.

Një vendosje e keqe e mbrojtjes mysafire e lejoi depërtimin e golashënuesit më të mirë të të gjitha kohërave në këtë garë, Raul Gonzales, i cili kaloi edhe portierin Cesar për të plasuar topin në rrjet (45’).

Porsa filloi pjesa e dytë (49’), Thiago Motta barazoi rezultatin, mirëpo Interi nuk pati fuqi të bëjë diçka më shumë deri në fund të ndeshjes.

Ndërkohë, vendasit realizuan edhe një gol me anë të Benedikt Hoewedes (81’), i cili pranoi një pasim të mrekullueshëm nga Raul, për të mposhtur sërish Cesarin.

Skuadra e Schalkes në gjysmëfinale do të luajë kundër Manchester Unitedit që në çerekfinale eliminoi Chelsean.

Trajneri i Schalkes, Ralf Ragnick, nuk e nënvlerëson Interin përpara ndeshjes së kthimit në Gelserkishten, pavarësisht se ekipi i tij do të mbrojë një avantazh të madh, të arritur në fitoren 5-2 të së martës së shkuar.

”Do të më pëlqente të cilësoja ndeshjen e Milanos si pjesën e parë të kësaj sfide dhe asnjë skuadër nuk kualifikohet duke shkuar menjëherë në dhomat e zhveshjeve”, tha në konferencën për shtyp pasardhësi i Felix Magath.

”Objektivi nuk është larg, por jemi vetëm në mesin e rrugës sonë. Është e rëndësishme të zbresim në fushë njësoj sikur të luanim një finale me një takim të vetëm, e cila nis në 0-0.

Është e rëndësishme që të vazhdojmë të shfrytëzojmë hapësirat që ata do të lënë gjatë ndeshjes, diçka që një javë më parë e bëmë në mënyrë të mrekullueshme” përfundoi gjermani, transmetojnë agjencitë.

Sulmuesi i Schalke, Raul, ka qenë i ngazëllyer me fitoren 5-2 ndaj kampionit në fuqi të Ligës së Kampionëve, Interit.

Legjenda e Real Madridit shënoi njërin nga golat e fitores në këtë sfidë të parë çerekfinale të garës evropiane.

“Ne kemi luajtur një ndeshje fantastike, thjesht një paraqitje fantastike. Nuk ndodh shpesh që të shihni pesë gola të shënuara jashtë shtëpie në Evropë, veçanërisht ndaj kampionit në fuqi, por ka edhe 90 minuta të tjera”.

“Dallimi ishte në pjesën e dytë, kur ne ishim superior dhe morën fitoren. Ne duhet të jemi shumë të kujdesshëm në ndeshjen e dytë, pasi të eliminojmë Interin nuk do të jetë e lehtë”, ka thënë Raul.

Interi ka pësuar humbje prej 5-2 para tifozëve të vet nga Schalke, për t’i zvogëluar gjasat për vazhdimin e mëtutjeshëm të garës në Ligën e Kampionëve.

Porsa filloi ndeshja (1’), Dejan Stankovic shfrytëzoi një dalje të gabuar të portierit Neuer për të kaluar vendasit në epërsi.

Mirëpo nuk kalo shumë kohë (17’), dhe topin e kthyer nga Julio Cesar pas goditjes së Papadopoulos e shfrytëzoi Joel Matip për të barazuar rezultatin.

Diego Milito riktheu epërsinë e zikaltërve (34’), pas një pasimi me kokë të Cambiassos, por pa u mbyllur pjesa e parë (40’), Schalke barazoi sërish me anë të Edu.

Në pjesën e dytë (53’), golashënuesi më i mirë i të gjitha kohërave në Ligën e Kampionëve, Raul Gonzalez, kaloi për herë të parë Schalken në epërsi.

Andrea Ranocchia u bëri shërbim mysafirëve duke shënuar në portën e vet pas goditjes së Jurados (57’), ndërsa me golin e dytë personal, Edu ngriti epërsinë në 5-2 (75’).

Me këtë fitore të lartë, Schalke ka gjasa reale për t’u kualifikuar në gjysmëfinale të Ligës së Kampionëve, ndërsa Interi duhet të shpresojë për një mrekulli në ndeshjen kthyese.

Legjenda e futbollit spanjoll, Raul Gonzales, ka deklaruar se nuk e ka ndërmend të largohet nga klubi gjerman, Schalke.

“Nuk kam nënshkruar kontratë me Feliks Magatin, por me klubin e Schalkes”, ka thënë 33-vjeçari spanjoll, duke iu përgjigjur pyetjes së gazetarit të “Sport Bild”-it.

Në fakt, kohët e fundit spekulohej se spanjolli, i cili verën e kaluar pranoi të veshë fanellën e Schalkes pikërisht për shkak të Magatit, do të mund të braktiste klubin pas largimit të Magatit.

Megjithatë, Raul dëshmoi se është një profesionist i vërtetë. “Do të qëndroj këtu deri në përfundim të kontratës, pra deri në verën e vitit 2012.

Natyrisht, me kusht që edhe klubi të dëshirojë qëndrimin tim. Deri më tash nuk e kam atë përshtypje që këtu jam i padëshiruar. Sa i përket Feliks Magatit vetëm mund t’i jem mirënjohës që ka besuar në cilësitë e mia”, ka theksuar Raul.

Ndërkohë, trajneri i ri i Shalkes, Ralf Rangnik ka thënë se llogarit në shërbimet e veteranit spanjoll. “Rauli është një futbollist i jashtëzakonshëm. Natyrisht për të treguar tërë potencialin e tij, ai ka nevojë për mbështetje dhe angazhim të bashkëlojtarëve të tij”, është shprehur Rangnik.

Luis Figo është i kënaqur me shortin e Ligës së Kampionëve por ka thënë se kundërshtari i Interit, Schalke nuk duhet të nënvlerësohet.

“Ishte një short i mirë për ne. Ne do të luajmë kundër Schalkes e cila do të na i bëj gjëra të vështira në momente”.

“Schalke është klub i mirë dhe nuk është shumë më ndryshe sesa të tjerët por ne duhet të jemi të lumtur”, tha Figo për Eurosport.

Sipas mediumeve britanike sulmuesi holandez Klaas-Jan Huntelaar nga radhët e Schalkes do të kaloj në Tottenham në fund të stinorit.

27 vjeçari në fund të stinorit do ta lëshoj skuadrën e Schalkes. Ish skuadra e tij Ajax dhe Spursat janë në garë për ta transferuar sulmuesin. Sipas revistës ‘Sport.co.

Tottenham ka bërë gati 16, milion funta vetëm që ta ketë në radhët e veta Klaas-Jan Huntelaarin. Kryetari i Spursave Daniel Levy, ishte munduar që ta sjell holandezin në ‘White Hart Lane’, në vitin 2009 kur Huntelaar ishte anëtar i Real Madridit por nuk e kishte arritur qëllimin, ndërsa tani mediat bëjnë të ditur se ky transferim është shumë afër.

Trajneri i Schalkes, Felix Magath, ka konfirmuar se Klaas-Jan Huntelaar nuk ka arritur të rikuperohet për ndeshjen kthyese të Ligës së Kampionëve kundër Valencias.

Holandezi është lënduar në stërvitje para dy javësh dhe mungoi në dy ndeshje të Bundesligas, ndërsa sipas trajnerit nuk do të jetë edhe në ndeshjen kundër Los Che.

“Ai po përparon, mirëpo ende nuk është i gatshëm për të luajtur”, ka thënë Magath gjatë një konference për shtyp.

Takimi i parë i zhvilluar në Mestalla përfundoi me rezultat 1-1, ndërsa ndeshja kthyese zhvillohet para tifozëve të Schalkes.

Bayerni i Munichut është eliminuar para tifozëve të vet në gjysmëfinalen e Kupës DFB nga Schalke.

Bayerni e dominoi këtë takim, por mjeshtria taktike dhe disiplina në lojën e Schalkes bënë diferencën në këtë takim.

Sulmuesi legjendar, Raul, ishte ai që heshti bavarezët me anë të golit të realizuar pas asistimit të Benedikt Howedes (15’).

Në finalen e Kupës DFB, Schalke takohet me skuadrën nga Bundesliga 2 gjermane, Duisburg.