Mbrojtësi i Real Madridit, Pepe shpreson se mesfushori brazilian Kaka do të mbetet në Santiago Bernabeu, përkundër minutazhit të ulët.

“Kaka është lojtar i madh. Unë shpresoj se gjërat do të rikthehen në të mirë të tij dhe ai do të na ndihmojë”.

“Ai do të jetë shumë i dobishëm dhe aim und t’i japë shumë ekipit”, u shpreh Pepe për faqen zyrtare duke shtuar se ai është i ngazëllyer për rinovimin e kontratës.

Real Madridi është drejt rrugës për të fituar çdo trofe nën udhëheqjen e një eksperti prej gjeniu si Jose Mourinho, gjithnjë sipas ish-futbollistit të Los Blancos, David Beckham.

“Real Madridi është duke ndërtuar një skuadër të fuqishme me lojtarë të rëndësishëm dhe ata mund të fitojnë çdo trofe. Ata janë ekipi që i vë frikën kundërshtarit dhe nuk ka dyshime se ata janë në gjendje të fitojnë gjithçka”.

“Ata kanë trajnerin më të mirë në botë, Mourinho është gjeni – ai e ka dëshmuar këtë me ekipet që ka drejtuar deri tani”, tha Beckham për Marca.

Zinedine Zidane, ka bërë të ditur se ai do të punojë më pranë trajnerit të Real Madridit, Jose Mourinho, si drejtor futbolli.

“Unë do të jem drejtor futbolli për ekipin e parë”.

“Mourinho e influencoi këtë vendim, por edhe Florentino Perez. Të shohim se cilat do të jenë detyrat e mia nga e hëna deri në fund të sezonit”, ka thënë Zidane për AS.

Chelsea raportohet se është interesuar te Real Madridi për sulmuesin Karim Benzema.

El Mundo Deportivo shkruan se Blutë tashmë kanë ndarë 20 milionë euro për francezin dhe Reali ka dhënë shenja se është i gatshëm ta shesë.

Megjithatë ata nuk do të pranojnë asnjë ofertë më të vogël se 35 milionë euro për Benzema. Presidenti i Realit, Forentino Perez, shpreson Chelsea të rikthehet me një ofertë më të lartë në fund të afatit kalimtar.

Agjenti i Sergio Ramosit e ka qartësuar se ai asnjëherë nuk ka thënë se klienti i tij nuk është i kënaqur me mënyrën se si po e trajton Real Madridi.

Vëllai dhe agjenti i mbrojtësit të krahut, Rene Ramos, ishte cituar gjatë të dielës të ketë thënë se 25-vjeçari meritonte trajtim më të mirë në Bernabeu dhe se nuk e kishte mohuar mundësinë e largimit të spanjollit nga Los Blancos.

Mirëpo, ai ka reaguar për të mohuar komentet e tilla duke thënë se planifikon që ta padisë gazetën britanike People për këto spekulime.

Ndërkaq, më herët është spekuluar se Ramos mund të largohet nga Reali pasi që klubi po vonohet me rinovimin e kontratës së tij, ndërsa mundësia e ardhjes së Maicon te Mbretërit i ka forcuar edhe më shumë këto spekulime.

Nënkampioni i Spanjës, Real Madridi, është duke e menduar një shkëmbim të mbrojtësve Sergio Ramos dhe atij të Interit, Maicon.

Mourinho dëshiron që të punojë përsëri me Maicon, me dëshirën për ta sakrifikuar edhe Ramosin për ta bërë transferin funksional.

Vet Serigo Ramos është duke e shqyrtuar të ardhmen e tij te Real Madridi pas ultimatumit vënë klubit. Mourinho dëshiron ta shfrytëzojë këtë situatë, duke ia ofruar Interit mbrojtësin spanjoll si pjesë e shkëmbimit me Maicon. Shumë varet edhe nga trajneri i ardhshëm i Interit.

Interi dhe Manchester United janë duke vëzhguar nga afër zhvillimet rreth mbrojtësit të Real Madridit, Sergio Ramos, i cili sipas mediave katalanase i ka dhënë ultimatum klubit nga Santiago Bernabeu.

El Mundo Deportivo shkruan se Sergio Ramos, me anë të vëllait dhe agjentit të tij Rene, i ka dhënë Real Madridit një ultimatum, në të cilin thuhet: “Ose ma dyfishoni pagën, ose largohem”.

Ramos po kërkon që paga e tij prej 3 milionë eurosh të ngritet, një kërkesë kjo që nuk ka hasur në mirëkuptim me politikat e Real Madridit. Kështu, Interi dhe Manchester United pritet që të hyjnë në garë për spanjollin, me Djajtë e Kuq të cilët kanë pasur kontaktet e para që në janar.

Ylli i Real Madridit, Cristiano Ronaldo, thotë se ai nuk është i mërzitur nga arritjet e rivalit të tij të Barcelonës, Lionel Messi.

Ronaldo thotë se atij i pëlqen të fokusohet në lojën e tij dhe të shijojë sukseset me Realin e të mos mendojë për të tjerët.

“Nuk mërzitem për këtë, nuk më shqetëson. Personaliteti im dhe futbolli im nuk ka të bëjë asgjë me të tijën. Unë shqetësohem vetëm për futbollin tim dhe të fitoj për Madridin. Kaq!”, ka thënë Ronaldo në një intervistë të fundit.

Portieri i Real Madridit, Iker Casillas insiston se stili i lojës së Spanjës nuk inspirohet nga ekipi aktual i Barcelonës. Shumëkush ka atribuuar suksesin e ekipit kombëtar me sistemin e përdorur në Barcelonë nga trajneri Pep Guardiola, që në tre sezonet e fundit ka sjellë tituj të shumtë, përfshirë tri La Liga dhe dy kurora të Ligës së Kampionëve në Nou Camp.

Shtatë futbollistë të Barcelonës ishin titullarë për Spanjën në fitoren ndaj Holandës në finale të Kampionatit botëror 2010 dhe të gjithë golat në Afrikën e Jugut ishin shënuar nga anëtarët e ekipit të Guardiolës, edhe pse sulmuesi David Villa ende nuk ishte paraqitur për katalanët, pasi nënshkroi për ta para garës nga Valencia.

Megjithatë, Casillas thotë se stili i Spanjës daton para fitores në Kampionatin evropian 2008 dhe thekson se në atë kohë ekipi madrilen ishte fuqi dominuese.

“Kushdo që ka përcjellë sado pak ekipin kombëtar, do të kujtohet prej nga vjen stili i lojës tonë. Nuk vjen nga 2010 ose 2009, por nga 2007 dhe 2008, kur klubi që dominonte në futbollin spanjoll nuk ishte Barcelona, por Real Madridi. Nëse kthehemi pak prapa, vetëm Iniesta, Puyol dhe Xavi ishin futbollistë të Barcelonës në finalen e Kampionatit evropian 2008 kundër Gjermanisë”, tha Casillas për të përditshmen kiliane El Mercurio.

Trajneri i Real Madridit, është i gatshëm ta harrojë formacionin e tij 4-2-3-1, për të shfrytëzuar sistemin 4-3-3, gjithnjë sipas Marca.

Ky ndryshim do ta lejonte Nuri Sahin të spostohej në krahun e majtë të mesfushës së përbërë prej tri njerëzve.

Sezonin e kaluar Jose Mourinho përdori formacionin 4-2-3-1, megjithëse ndryshimet që Mourinho mendon t’i bëjë, nuk do ta prekin vetëm mbrojtjen, por do ta forcojnë edhe sulmin.

Mendohet se Khedira do të luajë në krahun e djathtë të mesfushës, ndërsa Alonso në qendër, kurse Ozil, së bashku me Ronaldon dhe Benzeman do ta përbëjnë sulmin bombastik madrilen.

Formacioni i ri, nëse fillon të aplikohet nga Mourinho, do të dukej kështu: Casillas; Ramos, Pepe, Riccardo Carvalho, Coentrao; Khedira, Alonso, Sahin; Ozil, Benzema, Ronaldo.

Casillas

Ramos – Pepe – Carvalho – Coentrao

Khedira – Alsono – Sahin

Ronaldo – Benzema – Ozil