Sulmuesi i Portos, Hulk ëndërron të luajë në Milan, ka bërë të ditur menaxheri i tij, Teodoro Fonseca.

Ylli brazilian arriti sukses të jashtëzakonshëm me Porton, këtë sezon, duke fituar Kampionatin portugez dhe Europa League.

Ai së fundi vazhdoi kontratën me klubin duke ngritur dëmshpërblimin e tij në 100 milionë euro, por vazhdon të spekulohet me transferim në Milan.

“Hulk ëndërron të luajë në San Siro. Ne nuk kemi pasur kontakt me Milanin, por ata kanë qenë të interesuar edhe vitin e kaluar”, tha Fonsenca për Sky Sport Italia.

Porto është fituesja e kupës Europa League, pasi ka fituar minimalisht 1-0 ndaj Bragës në Dublin të Irlandës duke cuar në shtatë numrin e trofeve europianë në historinë e saj dhe të dytën kupë të të njëjtit nivel, pas UEFA-s që fitoi në kohën kur drejtoheshin nga Mourinjo në vitin 2003.

Ka mjaftuar goliu i Falkaos në mbyllje të pjesës së parë për t’i dhënë Portos këtë trofe, të rëndësishëm edhe pse në këtë finale shkon si pretendentja kryesore.

Ky ishte goli i 17-të për Falkaon duke vendosur kështu një rekord personal sa i përket golashënuesëve në këtë veprimtari europiane.

Në pjesën e dytë përpjekjet e Bragës kanë qenë të vakta dhe për asnjë moment nuk e kanë rrezikuar këtë ndeshje. Porto ka fituar dy kupa Kupash në vitin 1987 e në vitin 2004, në 1987 Superkupën e UEFA, në vitin 2003 Kupën UEFA dhe dy kupa të tjera Champions Leaguen dhe kupën Amerikano Latine në vitin 1987 dhe 2004.

Aktualisht Porto është në vendin e nëntë në klasifikimin e klubeve me më shumë trofe europian, duke lënë pas Manchester United që ka një trofe më pak.

Gjithsesi “Djajtë” do të përballen rreth një javë më pas në finalen e Champion Leagues me Barcelonën.

Kampioni Porto u bë ekipi i parë pas 33 viteve që përfundoi sezonin në Kampionatin portugez pa pësuar asnjë humbje, duke mposhtur Maritimon me rezultat 2-0 në udhëtim të shtunën, me golat nga mesfushori Silvestre Varela dhe sulmuesi brazilian, Walter.

Për herë të fundit, një gjë të tillë e kishte bërë rivali Benfica më 1972-73. Porto kishte siguruar titullin e tyre të 25-të në ligë, muajin e kaluar dhe përfundoi sezonin me 84 pikë dhe bilanc prej 27 fitoreve dhe tri barazimeve.

“Sonte kemi arritur diçka që është shumë e vështirë dhe do të mbetet përgjithmonë në kujtimet tona. Ne jemi shumë krenarë për punën tonë”, tha trajneri i Portos, Andre Villas Boas për SportTV.

Porto u përgatit në mënyrën më të mirë të mundshme për ndeshjen finale të Europa League, të mërkurën në Dublin, ndërsa kundërshtari i tyre i ardhshëm, Braga e përmbylli sezonin me humbje.

Sporting Lisbona mposhti Bragën (e katërta) me rezultat 1-0 duke siguruar pozitën e tretë dhe kualifikimin për në edicionin e ardhshëm të Europa League. Benfica barazoi 3-3 me Leiria dhe përfundoi e dyta.

Presidenti i Portos, Pinto da Costa, ka mohuar spekulimet se Milan mund të transferojë sulmuesin Hulk gjatë verës, duke theksuar se braziliani nuk do të lejohet të largohet për më pak se 100 milionë euro.

“Hulk në Milan duhet të jetë shaka. Ata më parë kishin kërkuar Cissokhon e më pas u tërhoqën për shkak të dhëmbëve të tij që i ka më të mirë se unë.

Hulk vlen 100 milionë euro dhe ne nuk do të lejojmë largimin e tij edhe nëse dikush më ofron 99 milionë euro. Ju ose paguani atë shumë ose asgjë”, tha Da Costa për të përditshmen portugeze Record.

Porto dhe Braga janë finalistët e garës së dytë më prestigjioze evropiane në futboll, Europa League, pasi kanë arritur të tejkalojnë kundërshtarët e tyre respektivë të gjysmëfinales, Villarrealin dhe Benfican.

Porto u kualifikua me rezultat të përgjithshëm 7-4 pas dy ndeshjeve edhe pse pësoi disfatë në sfidën kthyese të zhvilluar në El Madrigal.

Edgar Cani kaloi në epërsi Villarrealin e pa shpresë (17’), para se edhe ato pak shpresa t’i shuajë supersulmuesi Hulk (40’) i cili barazoi rezultatin në 1-1.

Në pjesën e dytë Radamel Falcao ia garantoi Portos finalen e madhe duke e kaluar në epërsi gjigantin portugez (48’) me golin e 16-të në Europa League këtë sezon. Gjithë ajo që bëri Villarreali janë dy gola të kotë të realizuar nga Joan Capdevila (75’) dhe Giuseppe Rossi (80’).

Ndeshja përfundoi me fitore prej 3-2 për Villarrealin, mirëpo kjo nuk u mjaftoi spanjollëve për t’u kualifikuar pas debaklit të pësuar në ndeshjen e parë me rezultat 5-1 në Do Dragao.

Braga në mënyrë heroike ka arritur ta sigurojë një vend në finalen e Europa League pas fitores minimale në shtëpi ndaj Benficas në derbin portugez.

Golin e vetëm në këtë takim e realizoi Custodio Castro (19’) pas asistimit të Vianas.

Në vazhdim të takimit dominoi Braga, por pati fat në fund të takimit kur Benfica ishte shumë pranë golit që do ta siguronte kualifikimin. Me fitoren minimale të arritur në shtëpi, Braga e barazoi rezultatin e përgjithshëm pas dy ndeshjeve në 2-2, por goli i shënuar si mysafir një javë më parë bëri që Braga ta sigurojë vendin në finale.

Finalja e madhe e Europa League mes klubeve portugeze, Portos dhe Bragas zhvillohet më 19 maj në Dublin të Irlandës.

Porto – Villareal dhe Braga – Benfica janë dy sfidat gjysmëfinale të Europa League.

Kampionët e Portugalisë, kanë fituar edhe ndeshjen e dytë ndaj Spartakut të Moskës edhe këtë me rezultatin e thellë 5-2.

Hulk kaloi Porton në avantazh ndërsa Rodriguez dyfishoi rezultatin në fundin e pjesës së parë. Në të dytën portugezët kanë shënuar edhe 3 herë të tjera në portën e Spartakut me Falcao, Guarin dhe Micael.

Tuente nuk ka mundur të bëjë përmbysjen e madhe ndaj Villarealit, madje është mundur edhe në fushën e vet nga skuadra spanjolle me rezultatin 3-1. Goli i vetëm i holandezëve u shënua nga kosovari i natyralizuar si suedez Emir Bajrami.

Ndërkohë që Vilareal u kundërpërgjigj me Rosin, Ruben dhe Kani.

PSV Eindhoven ka barazuar 2-2 me Benfikën, por ky rezultat kualifikoi skuadrën portugeze e cila kishte fituar ndeshjen e parë me rezultatin 4-1.

Sporting Braga ka arritur të ruajë rezultatin 1-1 të ndeshjes së parë me Dinamo Kiev, pasi sfida e kthimit përfundoi në barazim, por këtë herë pa gola.

Sevilla i shkoi shumë pranë një përmbysje historike në fushën e Portos, në një ndeshje të vlefshme për Europa League, e përfunduar pak minuta më parë.

Spanjollët fituan 1-0 dhe i shkruan disa herë shumë pranë golit të dytë, që do t’i kishte lejuar të përmbysnin humbjen 2-1 të pësuar në fushën e tyre.

Me rezultatin përfundimtar, gjigantët portugezë u kualifikuan në bazë të rregullit të golave në fushën kundërshtare. Ata do të përballen me Bayern Leverkusenin në raundin e një të tetave.

Gjermanët duhet të luajnë nesër në shtëpinë e tyre, pasi fituan me rezultatin 4-0 në fushën e Metalist Kharkiv-it.

Për kronikë, në ndeshjen e zhvilluar sot në “Dragao”, Luis Fabiano realizoi golin e vetëm të takimit. Tensioni i madh i parë gjatë ndeshjes bëri që të dy ekipet të përfundonin lojën me nga dhjetë lojtarë.

Europa League, ndeshjet e kthimit të raundit të 1/16-ave
Mbrëmë
CSKA Moskë-PAOK                1-1    1-0
Porto-Sevilla                        0-1    2-1

Sot
Zenit-Young Boys               17:00    1-2
B.Leverkusen-Metalist         19:00    4-0
Liverpool-Sparta Prague      19:00    0-0
PSV Eindhoven-Lille            19:00    2-2
Spartak M.-Basel               19:00    3-2
Sporting L.-Rangers           19:00    1-1
Ajax-Anderlecht                 21:05    3-0
Braga-Lech Poznan            21:05    0-1
Dynamo Kiev-Besiktas       21:05    4-1
Manchester City-Aris          21:05    0-0
Paris SG-BATE Borisov        21:05    2-2
Twente-Rubin Kazan         21:05    2-0
Sttutgart-Benfica              21:05    2-1
Villareal-Napoli                 21:05    0-0

Reprezentuesi i Portugalisë në futboll lbruno Alves ka kaluar në Zenit të Snakt Peterburgut nga Porto.

Alves, i cili ka zhvilluar 33 ndeshje për reprezentacionin portugez që nga viti 2007, ka qenë pjesë e Portos që nga viti 1998, kur ishte 17 vjeçar. Klubi portugez për transferimin e tij do të dëmshpërblehet me 22 milion euro.

Portieri i Portos, Helton, ndihet shumë keq nga humbja bindëse 5:0 në Londër nga Arsenali, në ndeshjen e tetës së finales së Champions League në futboll.

Helton u detyrua pesë herë ta nxjerrë topin nga rrjeta dhe ka pasur fat që nuk pësoi edhe më shumë gola. “Ne tentuam të reagojmë pas golit të parë dhe të vazhdojmë ashtu, njësoj siç bëmë në ndeshjen e parë, por fatkeqësisht ne nuk ishim në gjendje. Të humbasim një ndeshje të tillë, në këtë mënyrë, nuk është lehtë për t’u pranuar.

Nga ana tjetër, është mirë që njerëzit thonë se kam luajtur mirë, por nuk e bëj këtë punë duke menduar për vete. Unë vetëm mund të them se jam i pikëlluar”, tha Helton.

Skuadra e Arsenalit kualifikohet në çerekfinale, ndërsa Porto eliminohet në mënyrën më të turpshme.

Futbollistët e Arsenalit me kamatë ia kthyen humbjen Portos, duke e deklasuar me rezultat 5:0 në ndeshjen e kthimit në Londër. Skuadra e Arsenalit me lehtësi arriti të kualifikohet në çerekfinale të Champions League. Ndeshjen e parë Arsenali e humbi në Porto 2:1, por në Londër ishte tjetër Arsenal, duke dëshmuar futboll të hapur, me veprime të rrjedhshme dhe demoluar të tërin skuadrën e Portos.

Në minutën e 9-të, Arsenali kaloi në epërsi pas një gabimit të mbrojtjes rivale. Mbrojtja e Portos dhe portieri nuk ishin vendosur si duhet dhe futbollisti Bendtner shfrytëzoi këtë huti, duke shënuar për rezultatin 1:0. Arshavin, futbollist i lëvizshëm, në minutën e 25-të, bëri veprim të hatashëm në 16-shin e Portos, duke e gjetur të pambuluar futbollistin Bendtner, i cili shtoi epërsinë në 2:0.

Në pjesën e dytë, lojë mjeshtrore e skuadrës së Arsenalit, duke e dërrmuar rivalin. Nasri në minutën e 63-të bëri sllallom të vërtetë në 16-shin e skuadrës portugeze dhe shënoi për 3:0. Kur pritej se Porto do të sulmoi dhe të gjejë golin e ngushtimit të epërsisë së lartë, ata pësuan sërish.

Arshavin me dinakëri e gjen Ebouen dhe ky mposhti portierin rival për rezultatin 4:0 pikërisht në minutën e 66-të. Futbollisti Bendtner shënoi het-trikun e tij gjatë ndeshjes pikërisht në minutën e 90-të nga penalltia. Skuadra e Arsenalit kualifikohet në çerekfinale, ndërsa Porto eliminohet në mënyrën më të turpshme.