Me rezultat prej 89-74, Sigal Prishtina e ka fituar edhe takimin e dytë të serisë finale të Superligës së Kosovës në Basketboll duke mposhtur Pejën para tifozëve të vet.

E mbushur përplot me tifozë, palestra “Karagaçi” ishte arena e duelit të dytë të ‘play-offit’ midis dy rivalëve të vjetër, ndërsa skuadra e Bujar Locit këtë takim e zhvilloi pa qendrën amerikane Justin Dobins, i cili në ndeshjen e parë theu këmbën.

Mysafirët luajtën më mirë duke arritur në një moment epërsi prej 15 pikësh (30-45), ndërsa vendasit nuk ishin aq të fuqishëm për të ngushtuar dukshëm diferencën, pasi në fund të çerekut të tretë rezultati ishte 52-64.

Në çerekun e fundit, basketbollistët e Sigal Prishtinës vazhduan dominimin dhe e fituan përballjen me epërsi të lartë prej 15 pikësh.

Sigal Prishtina e fitoi edhe ndeshjen e parë të serisë së ndeshjeve finale të Superligës së Kosovës në Basketboll me rezultat 94:78, ashtu që me fitore eventuale në përballjen e tretë të mërkurën në kryeqytet do të shpallet kampion.

Basketbolli kosovar edhe njëherë do të jetë maksimalisht i nxehtë, pasi në finalen e BKT Superligës së Kosovës në basketboll do të përballen rivalët e vjetër, Prishtina dhe Peja.

Peja e siguroi finalen pasi edhe në ndeshjen e dytë të zhvilluar në Pejë mposhti Bambin me rezultat 88-78.

Më herët gjatë ditës Prishtina përfundoi me sukses turizmin në Mitrovicë, me ecje të lirë nëpër palestrën Minatori me rezultat 67-105.

Ndeshja e parë e finales do të zhvillohet në Prishtinë më 25 maj.

Pas Kupës së Kosovës, Peja objektiv të radhës e ka titullin e kampionit. Triumfi ndaj Sigal Prishtinës e ka rritur optimizmin dhe vetëbesimin në taborin verdh e zi. Trajneri Bujar Loci beson se ekipi i tij mund ta fitojë titullin sivjet, pas ‘agjërimit’ të gjatë.

Triumfi i së dielës mbrëma e ka kthyer optimizmin dhe vetëbesimin te klubi i basketbollit Peja. Ekipi i Bujar Locit nuk do të ndalet me kaq. Pasi e ndali dominimin gjashtëvjeçar të Sigal Prishtinës në Kupën e Kosovës, ekipi verdh e zi synon që një gjë të tillë ta bëjë edhe në kampionat.

Pejanët e përforcuar me dyshen amerikane Damarius Bolds e Justin Dobbins, por të ndihmuar edhe nga fundori Samir Shaptahovic, kanë për qëllim që ta fitojnë edhe titullin e kampionit, i cili u takon prishtinasve në vitet e fundit.

Këtë fakt e beson edhe trajneri Bujar Loci. “Mentaliteti i Pejës gjithmonë është fitues, që të jetë e para në vend, pa marrë parasysh ekipit që e posedon. Normalisht optimizmi është shtuar pas fitores së mbrëmshme, por ne do ta harrojmë këtë lojë dhe të mendojmë për sfidat e radhës”, deklaroi Loci për Express.

Ai kërkon nga lojtarët e tij që në ndeshjet e play-offit të luajnë me motiv dhe përkushtim të njëjtë si në finale të Kupës. Ai ka filluar të mendojë qysh tash për sfidën gjysmëfinale të play-offit.

“Do të mendojmë fillimisht për ndeshjen me Bambin, para se të mendojmë për finale. Por, s’duhet fshehur asnjëherë objektivin tonë të përhershëm – titullin e kampionit”, vazhdoi ai.

Peja e fitoi Kupën e Kosovës për herë të parë paslufte. Ky ekip nuk e ka fituar titullin e kampionit prej një kohe të gjatë dhe sivjet pejanët mendojnë se ekziston mundësia ideale për ta bërë një gjë të tillë.

Prishtina shqetësohet, por e do titullin

Në anën tjetër, Sigal Prishtina ka mbetur gojëhapur me lojën që e shfaqi Peja të dielën mbrëma. Bardhekaltrit kanë arsye për t’u shqetësuar nga ky fakt, por ata besojnë në forcën e tyre. Pa marrë parasysh këtij rezultati, kampioni aktual i Kosovës e ka objektiv titullin si zakonisht.

“Humbja e mbrëmshme na ka shkaktuar një dhembje të madhe. Është për t’u shqetësuar dhe për t’u brengosur, por ne do të mundohemi ta nxjerrim energjinë tonë pozitive dhe ta tregojmë forcën në play-off. Peja ka një ekip të fortë dhe për çdo respekt, por ne si çdo vit e synojmë titullin e kampionit, pa marrë parasysh rezultatin e Kupës”, theksoi basketbollisti i Sigal Prishtinës, Granit Rugova.

Në gjysmëfinale të play-offit, e cila fillon në fundjavë, Sigal Prishtina do të ballafaqohet me Trepçën, kurse Peja me Bambin. Fituesi i këtyre dy çifteve përballet në finalen e madhe, ku edhe përcaktohet kampioni i ri i Kosovës.

Sulmohet autobusi i pejanëve

Pas ndeshjes finale të Kupës së Kosovës, autobusi i skuadrës së Pejës është sulmuar nga disa tifozë të Sigal Prishtinës. Për fat të mirë, mysafirët ishin nën përcjellje të policisë dhe asnjë person nga kontingjenti pejan nuk është lënduar.
“Diku afër bustit të ‘Bill Clintonit’ disa shikues na kanë gjuajtur me gurë. Ka xhama të thyer, por për fat nuk është lënduar asnjë lojtar. Fatmirësisht ishim nën përcjellje të policisë”, tha kapiteni i Pejës, Valdet Grapci.

Ndonëse u luajt në Prishtinë, basketbollistët e Pejës ia dolën të mposhtin ekipin Sigal Prishtina, në takimin final për Kupën e Republikës së Kosovës, me rezultatin 98:84.

Ministri i Kulturës, Rinisë dhe Sportit Memli Krasnaqi i dorëzoi Kupën lojtarëve të Pejës, kurse para tij, Fatmir Gashi, kryetar i Federatës së Basketbollit të Kosovës, iu dorëzoi medaljet e argjendta lojtarëve dhe anëtarëve të shtabit teknik të Sigal Prishtinës, si dhe  medaljet e arta fituesve, lojtarëve dhe stafit teknik të Pejës.

Skuadra e Pejës, ka dalë fituese në ballafaqim me Trepçën e Mitrovicës në ndeshjen kryesore të javës së nëntë të Superligës së Kosovës në basketboll.

Pejanët pas dy humbjeve të njëpasnjëshme kundër skuadrave që mbajnë kreun e tabelës, Sigal Prishtina dhe Bambi, duket se iu rikthye vetëbesimi. Ata një javë më parë mposhtën Kosovën e Vushtrrisë në udhëtim, ndërkaq tani triumfuan edhe ndaj skuadrës tjetër mëtuese për kreun e tabelës.

Pejanët presin që edhe në javën e ardhshme do ta kenë të lehtë, pasi do të përballen me skuadrën e Mitrovicës, e cila nuk ka shijuar fitore në këtë edicion. Pos këtij takimi edhe një ballafaqim tjetër është zhvilluar të enjten.

Në Mitrovicë, skuadra minoritare, Bambi e mundi Kosovën me rezultat 87:72. Bambi në xhiron e dhjetë që do të zhvillohet në këtë fundjavë do të jetë mysafir i Kolegjit Eurosport. Është ky ballafaqimi i parë i këtyre dy skuadrave, pasi takimi i javës së tretë që ishte e planifikuar të zhvillohej në Mitrovicë, ende ka mbetur pezull.

Në kuadër të kësaj jave, kampioni aktual, Sigal Prishtina, ka regjistruar rezultatin më të thellë në basketbollin e pasluftës, duke e mposhtur skuadrën debutuese, Mitrovica, me shifrat 160:51. Këto shifra kanë bërë që prishtinasit të thyejnë rekordin e koshdallimit në një ndeshje të elitës.

Takimi i fundit ndërmjet Bashkimit dhe Kolegjit Eurosporti do të zhvillohet më vonë, pasi palestra sportive “Sezai Surroi” në Prizren është e zënë nga aktivistët e partive politike, të cilët kanë zgjedhë këtë tempull sportiv për të pasqyruar programet e tyre.

Në javën e ardhshme, Bashkimi e pret Trepçën e Mitrovicës. Edhe pse në të kaluarën të portokalltit nuk kanë lëshuar lehtë pe ndaj “xehetarëve”, kësaj radhe pritet që Trepça të shënoi fitore dhe në këtë mënyrë të mbetët më afër tri skuadrave të para në tabelë.

Rezultatet

Sigal Prishtina – Mitrovica 160:51

Bambi – Kosova 87:72

Peja : Trepça 105:82

Bashkimi – Eurosporti është shtyer

Tabela

1. Sigal Prishtina 9 8 1 +343 17

2. Peja 9 7 2 +179 16

3. Bambi 8 7 1 +78 15

4. Trepça 9 5 4 +19 14

5. Kosova 9 2 7 -90 11

6. Kolegji EuroSport 7 3 4 -105 10

7. Bashkimi 8 2 6 -137 10

8. Mitrovica 9 0 9 -287 9

Në javën e dhjetë me 4 dhe 5 dhjetor takohen: Mitrovica – Peja, Trepça – Bashkimi, Eurosporti – Bambi dhe Kosova – Sigal Prishtina.

Arben Muçolli ka qenë edhe kreator i fitores së Besa Famiglia nga Peja në ballafaqim me Kastriotin nga Ferizaj, në ndeshjen e javës së tretë të Superligës së Kosovës në hendboll.

Pejanët shënuan fitore me rezultat 28:24, duke iu falënderuar edhe hendbollistit Muçolli, i cili shënoi dhjetë gola. Fitore që Besën e bënë edhe kryesuese të tabelës dhe tashmë hiqen edhe kandidat kryesor në luftë për titullin e kamponit.

Muçolli megjithëse ka 38 vjet nuk ka kush që mund të ndalë dhe ka qenë më i miri jo vetëm në përballje me ferizajasit, por edhe në dy ndeshjet e para në kampionat.

“Mosha aspak nuk më pengon, por më motivon edhe më shumë. Jam më në formë sesa në vitin e kaluar. Ndaj Kastriotit treguam lojë shumë të mirë sidomos në pjesën e dytë të takimit. Ferizajasit në pjesën e parë luajtën shumë mirë, por në të dytën nuk ishin sikurse në të parën dhe nuk e di pse.

Skuadra jonë ka treguar shpirt luftarak gjatë lojës dhe arritëm një fitore të rëndësishme, që na fut në luftë për titullin e kampionit. Besa Famiglia ka dy vjet që nuk e ka shijuar titullin e kampionit, pothuajse kemi harruar si duket ky trofe.

Pas luftës ishim kampionë të gjashtëfishtë dhe ka ardhur koha pas dy vjetëve të rikthejmë titullin e kampionit në Pejë”, ka thënë Muçolli. Kosova e Vushtrrisë si vendase është mundur me rezultat 34:27 nga Prishtina, ndërsa Vëllaznimi i Gjakovës me tri gola epërsi (35:32) mposhti Trepçën nga Mitrovica.

Superliga, meshkujt – java e 3-të

Besa Famiglia – Kastrioti 28:24 (13:10)

Vëllaznimi – Trepça 35:32 (18:15)

Kosova – Prishtina 27:34 (14:15)

Drenica – Vjosa më 06/07 tetor

Tabela

1. Besa Famiglia 3 3 0 0 87:74 6

2. Kastrioti 3 2 0 1 95:64 4

3. Prishtina 3 2 0 1 99:84 4

4. Vëllaznimi 3 2 0 1 99:97 4

5. Trepça 3 1 0 2 79:89 2

6. Kosova 3 1 0 2 88:100 2

7. Drenica 2 0 0 2 41:58 0

8. Vjosa 2 0 0 2 49:71 0

Në javën e 4-të më 09/10 tetor, takohen: Vjosa – Prishtina, Trepça – Kosova, Kastrioti – Vëllaznimi dhe Drenica – Besa Famiglia

Femrat

Kosova – Shqiponja 34:33 (16:13)

Drita – Trepça 25:26 (12:15)

Kastrioti – Vëllaznimi 41:13 (29:6)

Prishtina e lirë

Tabela

1. Kastrioti 2 2 0 0 89:44 4

2. Prishtina 2 2 0 0 81:43 4

3. Kosova 3 2 0 1 88:79 4

4. Trepça 3 2 0 1 69:90 4

5. Vëllaznimi 3 1 0 2 60:93 2

6. Shqiponja 2 0 0 2 59:75 0

7. Drita 3 0 0 3 79:101 0

Në javën e 4-të më 09/10 tetor, takohen: Trepça – Kastrioti, Shqiponja – Drita, Prishtina – Kosova. Vëllaznimi i lirë.

Superliga e Kosovës në hendboll hapet të shtunën si në konkurrencën e meshkujve po ashtu edhe në atë të femrave. Në Superligë mund të veçohet derbi i javës së parë në Pejë në mes Besa Famiglisë dhe Prishtinës.

Pejanët llogariten si të favorizuar, por edhe Prishtina ka skuadër që synon të kthehet me pikë nga ky rrugëtim i vështirë. Në Ferizaj takohen skuadrat fqinje, Kastrioti nga Ferizaj, kampion në fuqi dhe Vjosës së Shtimes. Ndeshje mjaft interesante pritet të zhvillohet edhe në mes Drenicës e Trepçës.

Meshkujt

E shtunë

Drenica – Trepça 16.00 (Azemi, Beqiri; Zhuri).

Katrioti – Vjosa 16.30 (Jahja, Xhema; Xh.Abazi).

E diel

Besa Famiglia – Prishtina 17.00 (A.Vitaku, E. Vitaku, Sadriu).

Vëllaznimi – Kosova me 22-23 shtator

Femrat

E shtunë

Prishtina – Trepça 17.00 (Hoti, Rexha; Demiri).

Drita – Kastrioti 18.00 (S. Vitaku, Nalbani; Zhilivoda).

Kosova-Vëllaznimi 22-23 shtator

Shqiponja e lirë

Vazhdon avazi i vjetër nëpër klubet e hendbollit të Republikës së Kosovës. Katër klubet, Kastrioti i Ferizajt (femra-meshkuj), Besa Famiglia nga Peja (meshkujt) dhe Prishtina (femrat) ende e mbajnë të fshehur sesa i paguajnë hendbollistet me paga mujore.

Askush nuk e ka të qartë pse nuk duan të bëjnë të ditur pagat të hendbollistëve apo të hendbollisteve. Burimet të besueshme nëpër klube dhe vetë disa nga hendbollistet dhe hendbollistët që nuk duan t’i përmendet emri thonë se paga më e lartë është 500 euro dhe më e vogla 200-150 euro.

Kryetari i klubit të hendbollit Kastrioti i Ferizajt (meshkujt), Izet Rushiti, tha se ka përenduar koha kur hendbollistët e skuadrës së tij i kanë marrë paratë kesh, tash do të marrin nëpërmjet bankës. “Sivjet kemi aplikuar sistemin e ri. Hendbollistët të gjithë janë me kontrata dhe secili do të merr pagën në xhirollogarinë bankare dhe jo sikurse deri më tash me para kesh.

Sistemi i ri do të jetë shumë produktiv, sepse të gjitha të hyrat, por edhe ato që dalin do të dihen saktësisht”, tha Rushiti. Ai nuk ka pranuar të tregoi sesa është paga e një hendbollistit më e lart dhe më e vogël.

Burimet brenda skuadrës ferizajase thonë se paga më e lartë e hendbollistit sillet deri 500 euro dhe më e vogla 200 euro. Rushiti tha se klubi qëndron mirë financiarisht, por pret edhe ndihmën e komunës. Kuvendi Komunal i Ferizajt ende nuk iu ka lëshuar asnjë centi klubit të Kastriotit. “Kuvendi Komunal ka premtuar se do të na ndihmojë financiarisht dhe mjetet pritet të lëshohen brenda këtyre ditëve”, tha Rushiti. Kryetari i klubit tha se pret 10-15 mijë euro t’i lëshohen nga Kuvendi Komunal i Ferizajt. Kastrioti wshtw kampion dhe merr pjesw nw garat e kupës sw EHF-it.

Të huajt me para në bankë, vendorët me para kesh!

Në klubin e hendbollit Besa Famiglia nga Peja, e cila merr pjesë në kupën e fituesve të kupave evropiane, hendbollistët paguhen sipas dëshirës. “Realisht hendbollistët e huaj pagat i marrin në xhirollogarinë bankare, ndërsa hendbollistët vendas me paratë kesh.

Kjo nuk është problem, sepse fundja hendbollisti vet mund të zgjedh, dhe sipas dëshirës si dëshiron të paguhet nëpërmjet bankës apo me paratë kesh. Një lajm interesant mund të ua jap se Besa sivjet do të jetë aq e fortë, aq ndryshe sa askush nuk do të mund të besoj”, tha Hamëz Idrizi, sponsor i KH Besa. Ai nuk dha detaje sesa mjete do të investohen për një Besë aq të fortë, por mbetet të ulet të bisedojë me kryesinë dhe me kryetarin e Kuvendit Komunal të Pejës.

Si qëndrojnë KH Prishtina e KH Kastrioti?

Prishtina kampione në konkurrencën e femrave që do të jetë pjesëmarrëse në kupën e EHF-it as që e qan kokën të mendojë për pagesën e hendbollisteve. “Qe tri vjet hendbollistet tona pagat i marrin nëpërmjet pagës ashtu si jemi marrë vesh në bazë të kontratës.

Këtë model e kemi aplikuar të parët dhe që ka qenë shumë i frytshëm. Mendoj se çdo vit i ka specifikat e veta, por dorën në zemër nuk jemi edhe gjithaq keq me mjete financiare. Prishtina ndihmohet nga disa sponsorë dhe mbahet mirë si klub. Kemi në plan të investojmë aq sa e kemi buxhetin dhe të bëjmë një skuadër ashtu si i ka hije”, tha Zariqi.

Ai pret si shumë klube të tjera, jo vetëm të hendbollit, që Kuvendi Komunal i Prishtinës t’i ndihmojë më mjete financiare. Zariqi tha se nuk e di as vetë sa mjetet do t’ia ndanë Kuvendi Komunal i Prishtinës, por sipas tij, diçka do t’i ndahen. Edhe sponsori kryesor i Kastriotit të Ferizajt (femrat), Ahmet Hysenaj – Petrova, tha se dhënia e parave nëpërmjet bankave është për të e pëlqyeshme dhe se shpejti do të aplikojnë si klub. “Edhe pse i kemi dhënë pagat në dorë mendoj se shumëçka ka shkuar në rregull. Si risi mund të them se të gjitha pagat që i kemi dhënë i kam të regjistruar dhe centi për centi dihen se sa janë shpenzuar dhe sa ka të dalura.

Mirëpo, si kryesi do të ulem se shpejti dhe do të bëjmë që pagat të jepen nëpërmjet bankave, sepse do të jetë një model shumë më i mirë edhe për ne”, tha Hysenaj. Edhe ai si shumë drejtues të klubeve të tjera pret ndihmën e Kuvendit Komunal se përndryshe do të jetë vështirë të përballohet të gjitha ato shpenzimet.   /botasot

Katër klubet e hendbollit nga Kosova që bëjnë pjesë në garat evropiane, si Kastrioti i Ferizajt, kampion, Besa Famiglia nga Peja, fitues i kupës (meshkujt), Prishtina, kampione, Kastrioti, fitues i kupës (femrat) janë në hamendje të përforcohen apo jo.

Në afatin kalimtar që ka nisur prej një korrikut asnjëra prej këtyre skuadrave nuk ka sjellë përforcime adekuate përveç Kastrioti i Ferizajt (meshkujt) që është përforcuar me Alban Dobroshin e Prishtinës. Kryetari i klubit ferizajas, Izet Rushiti, tha se Kastrioti ka vazhduar kontratën edhe me tre hendbollistë.

“Me Alban Dobroshin jemi përforcuar, por ende nuk kemi arritur marrëveshjen me portierin e Prishtinës, Hektor Dobroshin. Kemi vazhduar kontratën edhe për një vit me portierin Bardhyl Abazin, dy maqedonasit Koqo e Risto Trajkovskin’, tha Rushiti. Klubi i hendbollit Prishtina (femrat), që merr pjesë në kupën e EHF-it është në negociata me gjashtë hendbolliste jashtë Kosovës. Kryetari i klubit prishtinas, Nebi Zariqi tha se bisedimet rrjedhin mjaft mirë, por finalizimi i marrëveshjes pritet deri në fund të javës. “Në bisedime jemi me tri hendbolliste nga Kale e Maqedonisë si dhe me tri nga Bullgaria”, tha Zariqi.

Emrat e këtyre hendbollisteve nuk bëhen të ditur, por sipas Zariqit, shpreson se shumica nga të negociuarat do të jenë pjesë e klubit bardhë e kaltër. Zariqi theksoi se Prishtina do të jetë e përforcuar dhe me bindje se lehtë do të kalojnë rrethin e parë të kupës së EHF-it. “Në rrethin e parë do të takohemi me një islandezet ose qipriotët dhe pa telashe do të kalojmë rrethin”, shpreh bindjen Zariqi. Ahmet Hysenaj-Petrova, kryetar i Kastriotit, gjatë kësaj jave ka pasur biseda të fshehta me tri hendbolliste nga Mali i Zi, por asgjë nuk ka zyrtare. “Në javën e ardhshme mund të ketë edhe të reja në këtë klub”, tha Hysenaj.

Kastrioti që merr pjesë në kupën e fituesve të kupave përgatitjet i ka shtyrë për një gusht dhe deri atëherë shpresojnë se do të janë komplet me përforcime të reja. KH Besa Famiglia nga Peja, garon në kupën e fituesve të kupave, mëton suksese në arenën ndërkombëtare. Edhe ky k klub është në bisedime me disa hendbollistë.

Sekretari i përgjithshëm i Federatës së hendbollit të Kosovës, Izet Gjinovci, tha se 12 gushti është dita e fundit që klubet ta paraqesin emëroren e hendbollistëve në EHF. Deri më tash asnjë përforcim zyrtar në FHK, kjo është shenjë se punët janë keq e më keq nëpër klube.

Genc Hoxha më nuk do të jetë kryetrajner i KF Besa nga Peja. Këtë e ka konfirmuar vetë trajneri Hoxha, të cilit nuk i kishte ardhur fare mirë që kishte arritur deri te ndarja me skuadrën pejane.

“Unë më nuk do të jem trajner i Besës, përkundër dëshirës sime për të qenë me skuadrën pejane edhe në vazhdim”, bëri të ditur Hoxha. Ai shtoi se deri te ndarja me skuadrën e Besës erdhi për shkak të mungesës së mjeteve të mjaftueshme financiare.

“Ata më kanë njoftuar tani se nuk do të jenë kushtet e ngjashme si kanë qenë edhe në vitin e kaluar. Me politikën e re të tyre nuk jam pajtuar dhe për këtë arsye u largova nga Besa, përkundër se si unë po ashtu edhe bordi drejtues i klubit patëm dëshirë që të vazhdojmë rrugën së bashku”, tha Hoxha. Këtë e konfirmoi edhe Naim Sahiti, zyrtar i KF Besa.

“Edhe pse ne ishim të interesuar që skuadrës edhe më tej t’i prin Genc Hoxha, ai nuk deshi të mbetët me ne”. Sahiti tha se politikën e klubit e drejton bordi dhe ata në mungesë të mjeteve të mjaftueshme financiare janë detyruar që të bëjnë edhe shkurtimin e pagave me të cilën nuk ishte pajtuar Hoxha.

“Ai nuk deshi të vazhdoi punën pasi mendoi se me shkurtimin pagave për futbollistët dhe të tjerëve nuk do të ishte e mundur të punohet. Ky është vendimi i tij dhe neve na mbetët ta pranojmë”, u shpreh Sahiti. Ai tha se përkundër dorëheqjes së Hoxhës, përgatitjet për edicionin e ri do të fillojnë me 19 korrik nën drejtimin e trajnerit të juniorëve, Ruzhdi Gega.

“Ne do të fillojmë përgatitjet me Gegën dhe presim që në stërvitje të paraqitën të gjithë futbollistët, pasi llogarisim komplet në përbërjen e vitit të kaluar. Më pas do të kontaktojmë me ndonjë trajner më me përvojë për ta sjellë në krye të skuadrës”, tha ai.

Sipas Sahitit, skuadra me potencialin që ka nuk do ta ketë problem të shfaqë lojëra të mira dhe të inkuadrohet në mesin e tabelës. “Qëllim yni është të renditemi në mesin e tabelës dhe nuk besoj se do ta kemi problem t’ia dalim këtij qëllimi”, tha Sahiti. Genc Hoxha me skuadrën e Besës, kishte arritur rezultatet të kënaqshme, duke qëndruar brenda dekadës së fundit gjashtë edicione me klubin pejan. Nën drejtimin tij skuadra pejane arriti të shpallet kampion i Kosovës në dy edicione, atë vitit 2004/05 dhe 2005/06. Hoxha edhe më parë kishte shkëputje të kohëpaskohshme me Besën për të mbetur vazhdimisht në miqësi me klubin, në të cilin la gjurmë. /botasot