Tani është zyrtare. Pas provimeve të maturës dhe vizitave mjekësore, Stephan El Shaarawy është më në fund futbollist i Milanit.

Italoegjiptiani zbarkon tek kuqezinjtë në këmbim të Alexander Merkel që do të kalojë tek Genoa.

El Shaarawy, 18 vjeç, i cilësuar si “Faraoni”, në sezonin e fundit ka qenë protagonist në Serinë B me fanellën e Padovës.

Anëtari i Milan, Masimo Ambrozini ka shprehur keqardhje për largimin e Andrea Pirlos në Juventus.

Ambrozini ka thënë për mediat italiane se pa Pirlon mesfusha e Milanit do të jetë më e dobët.

“Është e pamundur të zëvendësohet një mesfushor si Pirlo”, ka thënë Ambrozini.

Ai ka folur edhe për sulmuesin e Napolit, Marek Hamshikun, i cili flitet se do të transferohet në “San Siro”.

“Hamshik është një lojtar i madh, por mendoj se do të jetë vështirë që ai të largohet nga Napoli”, ka thënë Ambrozni.

Ambrozini shpreson se skuadra e tij edhe në edicionin e ri do të fitojë trofe.

“Besoj se do të nisim mirë sezonin dhe të fitojmë trofe. Shpresoj që sezonin i ardhshëm do të jetë më i mirë për mua dhe me më pak lëndime”, tha ai.

Mesfushori i Milanit, Rino Gattuso, ka konfirmuar se ai do të vazhdojë të luajë për Rosonerët.

Veterani italian kishte refuzuar një ofertë të majme nga klubi rus Anzhi për të mbetur në San Siro.

“E kam menduar ofertën që kam pranuar pasi ishte vërtet e rëndësishme, por për mua gjëja më e rëndësishme është të qëndroj i qetë, në shtëpi me familjen time. Milani, pas 12 vitesh, është shtëpia ime”, ka thënë Gattuso.

Sipas “Corriere dello Sport”, kampioni i Italisë, Milan, dëshiron që gjatë merkatos se verës në “San Siro” të sjellin francezin e Bajern Munihut, Frenk Riberinë.

“Rosonerët”, janë të gatshëm të harxhojnë hiq më pak së 35 milionë euro për të marr shërbimet e francezit. Riberi më “bavarezët” ka kontratë deri në vitin 2015. Ai përveç Milanit, është edhe në shënjestër të Juventusit.

Sulmuesi i Portos, Hulk ëndërron të luajë në Milan, ka bërë të ditur menaxheri i tij, Teodoro Fonseca.

Ylli brazilian arriti sukses të jashtëzakonshëm me Porton, këtë sezon, duke fituar Kampionatin portugez dhe Europa League.

Ai së fundi vazhdoi kontratën me klubin duke ngritur dëmshpërblimin e tij në 100 milionë euro, por vazhdon të spekulohet me transferim në Milan.

“Hulk ëndërron të luajë në San Siro. Ne nuk kemi pasur kontakt me Milanin, por ata kanë qenë të interesuar edhe vitin e kaluar”, tha Fonsenca për Sky Sport Italia.

Sulmuesi veteran i Milanit, Filippo Inzaghi, ka kritikuar hapur trajnerin e Interit, Leonardo për mënyrën e menaxhimit të klubit nga San Siro një vit më parë. Inzaghi ka problem me Leonardon edhe për shkak të tradhtisë pas kalimit te Interi.

“Leonardo bëri gabimi në nivel personal. Ai bëri pikërisht të kundërtën e Allegrit, i cili u lidh me lojtarët, ndërsa ishte shumë i mençur për të fituar besimin e skuadrës pa ndërhyrë ashpër për të shtrirë autoritetin e tij”.

“Gjëja më e rëndësishme për një menaxher është që t’i bëjë lojtarët për vete dhe të sjellë suksese. Strategu me të cilin jam më i afërt edhe sot e kësaj dite është Carlo Ancelotti. Ne kemi fituar aq shumë së bashku edhe pse të gjithë trajnerët e mi më kanë dhënë diçka të veçantë”, u shpreh Pippo.

Pas fitimit të titullit kampion, Milan po bëhet gati për merkaton e verës nëpërmjet së cilës kërkon të përforcojë skuadrën në kuadër të një paraqitjeje të suksesshme në Ligën e Kampioneve.

Emri i lakuar më shumë ditët e fundit është mesfushori i Napolit, Marek Hamsik. Por, për sllovakun duhen 30-35 milionë euro dhe buxheti i Milanit nuk mund ta përballojë këtë operacion. Kuqezinjtë shpresojnë tek vullneti i lojtarit për tu larguar nga Napoli.

Gjithashtu drejtuesit e Milanit po mendojnë për zëvendësuesin e mundshëm të Gattusos, brazilianin Sandro.

Mesfushori i Tottenham kushton rreth 15 milionë euro dhe nëse Gattuso pranon ofertën e majme ruse, me shumë mundësi transferimi i Sandros në Milano do të ishte 100% i sigurtë.

Mesfushori i Milanos, holandezi Mark Van Bomel ka thënë se titulli i fituar me “rosonerët”, është më i mirë në karrierën e tij.

Milano tashmë ka festuar titullin e skudetos. “Kam fituar tete tituj në karrierën time.

Por ky titull ishte më i miri në karrierën time. Unë ndihem i lumtur që kam këtu dhe falënderoj Gallanin, që me solli këtu”, ka thënë holandezi.

Trajneri mendon për sezonin e ardhshëm: Besoj te presidenti, sepse di të zgjedhë

Masimiliano Alegri, para dorëzimit të trofeut të titullit pas fitores kundër Kaljarit, ka qenë shumë i lumtur: “Gjithë ky entuziasëm, duke nisur që nga parada përmes tifozëve, më duhet ta pranoj se më ka bërë të emocionohem.

Por gjëja që më ka bërë më të lumtur është fakti që e kemi mbyllur sezonin në shtëpi, në mënyrën më të mirë të mundshme, me fitore.

Kur kuptova se kjo skuadër luante siç doja unë? Nuk ka patur një moment preçiz, por ka qenë një rritje e vazhdueshme. Jam unë ai që ka ndryshuar, duke konsideruar karakteristikat e lojtarëve. I kam kërkuar menjëherë skuadrës, që të stërvitet me intensitetin e duhur, sepse më pas do të kishim përfitime në fushë.

Kështu ka qenë, besoj se është në adn-në e Milanit, të trashëguar prej 20-25 vitesh më parë, prej Sakit. I kam kërkuar vetëm përkushtim lojtarëve dhe ata kanë dhënë maksimumin e tyre.”

Milani e ka mbyllur në mënyrën më të mirë edhe në fushë, pas “pokerit” ndaj Kaljarit: “E prisja, mbi të gjitha që futbollistët ta mbyllnin mirë në shtëpi, përpara tifozëve, përpara presidentit, i cili këtë mbrëmje kishte ardhur për të parë ndeshjen, dhe kanë bërë më të mirën e mundshme, duke e mbyllur me një fitore.”

Mbi dhuratën e premtuar nga presidenti: “Pikërisht, ka qenë i zoti që ka zgjedhur ai kampionët e vitit të kaluar, do ia lija me kënaqësi ta bënte sërish. Është e drejtë kështu.

Pse Emanuelson për Pirlon në fushë? Duke parë ndeshjen, ishte më mirë t’i jepja skuadrës më shumë frymëmarrje. Por doja ta aktivizoja edhe djaloshin,” përfundon Alegri.

Presidenti i Portos, Pinto da Costa, ka mohuar spekulimet se Milan mund të transferojë sulmuesin Hulk gjatë verës, duke theksuar se braziliani nuk do të lejohet të largohet për më pak se 100 milionë euro.

“Hulk në Milan duhet të jetë shaka. Ata më parë kishin kërkuar Cissokhon e më pas u tërhoqën për shkak të dhëmbëve të tij që i ka më të mirë se unë.

Hulk vlen 100 milionë euro dhe ne nuk do të lejojmë largimin e tij edhe nëse dikush më ofron 99 milionë euro. Ju ose paguani atë shumë ose asgjë”, tha Da Costa për të përditshmen portugeze Record.