Bayern Munich ka zbuluar se ka nënshkruar me mbrojtësin e Manchester Cityt, Jerome Boateng.

22-vjeçari iu bashkua Cityt verën e kaluar nga Hamburg por dështoi të ketë ndikim në ekip pas lëndimeve të njëpasnjëshme. Marrëveshja do të kompletohet në ditët në vazhdim dhe lojtari pritet të nënshkruajë kontratë katërvjeçare.

“Bordi i Bayern Munich dhe bordi i Manchester City kanë arritur marrëveshje për transferimin e Jerome Boateng. Boateng, i cili aktualisht është me Cityn në Los Angeles, pritet të arrijë në Munich në disa ditët në vazhdim për testet mjekësore. Më pas ai do të nënshkruajë kontratë deri në qershor të vitit 2015. Klubet janë pajtuar të mos e zbulojnë shumë e transferimit”, thuhet në deklaratën e klubit gjerman.

Sulmuesi i Manchester Cityt, Emmanuel Adebayor, pritet që të rikthehet te Real Madridi dhe atë në baza permanente.

Sky Sports shkruan se përkundër faktit se shumë skuadra janë interesuar për togolezin, Jose Mourinho ka urdhëruar që ai të mos qëndrojë më në City, por të rikthehet te Reali, ku dhe është përshtatur me ambientin.

Adebayor ka shënuar gjithsej pesë gola në 21 paraqitje në të gjitha garat për Real Madridin, ndërsa zhvillimet e fundit mund të largojnë interesimin e Realit për Sergio Agueron dhe Carlos Tevez

Menaxheri i Manchester Cityt, Roberto Mancini, është duke planifikuar t’ia mësyjë Chelseat për sulmuesin Didier Drogba.

Daily Star shkruan se italiani ka bërë një listë të gjatë të emrave të cilët dëshiron të zëvendësojnë Carlos Tevez në Eastlands.
Në mesin e lojtarëve të cilët janë në planet e Mancinit përveç ikonës së Chelseat, Drogba, janë edhe sulmuesi i Barcelonës, David Villa, dhe ai i Atletico Madrid, Sergio Aguero.

Por është Drogba ai i cili kryeson listën e Mancinit, nëse ai humb Tevez gjatë kësaj vere.

Roberto Mancini ka zbuluar se Manchester City ka tentuar shkëmbimin e Carlos Tevez me sulmuesin e Interit, Samuel Eto’o.

“Natyrisht, Tevez do të qëndrojë, ai është lojtar fantastik”.

“Kishte fjalë për shkëmbim me Eto’on, por Interi nuk ka dashur ta shesë”, u shpreh Mancini.

Manchester City raportohet se është afër t’ia marrë Manchester United nga dora mesfushorin e Arsenalit Samir Nasri.

Mesfushori është lidhur me një largim nga Emirates këtë verë, ndërsa destinacioni i tij i ardhshëm është përfolur Manchester United. Megjithatë duket se rivali lokal i Djajve të Kuq, City, ka bërë hapa më konkret në transferimin e francezit.

Sky Sports bën të ditur se City është në negociata me Arsenalin për të transferuar dy lojtarë të këtij ekipi, Samir Nasri për 20 milionë funte dhe Gael Clichy për shtatë milionë funte.

Që të dy nuk pranojnë të vazhdojnë kontratën me Arsenalin për të cilën gjë klubi londinez është i detyruar t’i shesë, para se ata të largohen si agjentë të lirë në fund të sezonit të ardhshëm.

Nga Arsenali këtë verë pritet të largohet edhe kapiteni Cesc Fabregas, për të cilin Barcelona së fundi bëri një ofertë të dytë të përmirësuar, pasi e para në vlerën e 30 milionë eurove u refuzua nga klubi anglez.

Sipas medieve gjermane, Bayern Munich ka filluar gjahun që në stadiumin Allianz Arena ta transferojë sulmuesin e Manchester Cityt, Carlos Tevez.

Mediat gjermane raportojnë se gjiganti gjerman i ka ofruar klubit nga Premierliga 50 milionë euro për dyshen Tevez – Jerome Boateng. Reprezentue si argjentinas kohë më parë ka thënë se në qytetin e Manchesterit çdo gjë është monotone.

Kështu që gjatë kësaj vere, 27 vjeçari ka mundësi të largohet nga City, pasi për të janë të interesuara edhe klube nga Serie A.

Kapiteni i Interit, Javier Zanetti, ka deklaruar se sulmuesi argjentinas, Carlos Tevez, dëshiron të largohet nga Manchester City.

“Unë kam biseduar me Tevez dhe ai më ka thënë se dëshiron të largohet nga Manchester City, por se e ardhmja e tij është e pavendosur”.

“Mendoj se ata janë duke marrë vendimet. Por, ai është kampion dhe do të luante mirë për secilin klub”, theksoi Zanetti për Il Corriere dello Sport.

Mediat italiane kanë bërë të ditur se Manchester City ka arritur t’ia shkatërrojë planet Barcelonës dhe ka siguruar shërbimet e anësorit, Alexis Sanchez.

Sipas Sky Sport Italia, Udinese e ka ndaluar Sanchezin që të udhëtojë nga Kili drejt Barcelonës, pasi pritet që ai së shpejti të niset drejt Anglisë për të biseduar mbi detajet e kontratës së tij me Manchester Cityn.

Ishte menduar se Barcelona ka paguar 30 milionë euro plus bonuset dhe Jeffren që e bëri transferin të vlefshëm 45 milionë euro, mirëpo siç duket Manchester City ka ofruar 50 milionë euro në dorë për Sanchez, i cili sezonin e ardhshëm pritet të luajë në Ligën Premier.

18:00 - Përfaqësuesi i Udineses në Spanjë, Quique Pina, ka konfirmuar se transferimi i anësorit kilian, Alexis Sanchez, nga Udinese te Barcelona është pothuajse i kompletuar.

“Për, momentin, Barcelona është shumë pranë kompletimit të detajeve përfundimtare të transferimit i cili tashmë për mua është çështje e kryer. Marrëveshja është 80% e përfunduar dhe ne po punojmë në 20 përqindëshin e mbetur”.

“Transferi do të jetë i vlefshëm rreth 45 milionë euro, një shumë kjo në përputhje me vlerën e lojtarit. Në këtë marrëveshje është i përfshirë edhe një lojtar”, theksoi Quique Pina.

Sanchez tashmë është në Barcelonë ku pritet që t’i finalizojë detajet kontraktuale dhe zyrtarizimi i tij si lojtar Blaugran është vetëm çështje orësh.

Manchester City është duke e planifikuar hedhjen në sulm për mesfushorin e Arsenalit, Samir Nasri, pasi sheikët kanë shprehur gatishmërinë për t’ia plotësuar kërkesat francezit.

Daily Star Sunday pohon se vetëm City, Manchester United dhe Chelesa mund të përmbushin kërkesat e Nasrit prej 90 mijë funtesh në javë.

Nasri aktualisht fiton 70 mijë funte në javë dhe drejtuesit e Arsenalit nuk dëshirojnë t’ia rritin pagën. Pos tjerash, Nasri është i brengosur dhe për aktivitetin e dobët të Topçinjve në tregun e transferimeve.

Real Madridi është i interesuar në sulmuesin e Manchester Cityt, Edin Dzeko.

The Sun shkruan se menaxheri i Realit, Jose Mourinho, është i paepur të nënshkruajë me sulmuesin e Manchester Cityt, i cili ka dështuar që nga transferimi i tij 27 milionë funtesh nga Wolfsburg në janar të këtij viti.

Por Mourinho është i gatshëm të ofrojë 20 milionë funte për 25-vjeçarin boshnjak dhe beson se ai mund të bindë Cityn ta shesë atë.

Dzeko ka nënshkruar kontratë katërvjeçare e gjysmë me klubin nga Eastlands, por ka qenë cak i Realit edhe vitin e kaluar.

Dhe derisa disa gola të tij për Cityn kanë qenë vitale, ai shënoi vetëm gjashtë gola për gjysmë sezoni.