Skuadra e Schalkes e ka mposhtur Lyonin me rezultat 3-0 për t’ia rrëmbyer kreun e Grupit B, ndërkaq me rezultat identik, Hapoel Tel Avivi ka shënuar fitore kundër Benficas.

Jefferson Farfan shënoi golin e parë për gjermanët (14’), ndërsa me dy golat e tij, një në pjesën e parë dhe një në të dytën (20’ dhe 89’), Klaas-Jan Huntelaar vulosi fitoren e vendasve.

Nga ana tjetër, ekipi izraelit Hapoel Tel Aviv shkaktoi befasi duke shënuar fitore bindëse prej 3-0 kundër portugezëve të Benficas.

Pas xhiros së pestë, Schalke merr kreun Grupit B me dhjetë pikë, ndërsa Lyon zhvendoset në vend të dytë me nëntë pikë. Benfica mban vendin e tretë me gjashtë pikë, kurse Hapoeli në fund të grupit ka katër pikë.

Trajneri i Lyonit, Klod Pauel, tha se Bayerni ka qenë më superior dhe fitorja ka qenë e merituar e tyre.

“Kundërshtarët zhvilluan një lojë fantastike si në sulm ashtu edhe në mbrojtje, nuk na lejuan asnjë rast për të shënuar. Më duhet të them se skuadra e Bayernit në këtë rast ishte superior ndaj nesh”, tha Pauel.

Lyoni është eliminuar nga Champions League, por sido qe të jetë janë të kënaqur që arritën deri në gjysmëfinale të kësaj gare.

Arjen Roben autor i golit të fitores së Bayernit me rezultat 1:0 kundër Lyonit, është i vetëdijshëm se në ndeshje e kthimit i pret sfidë e vështirë.

“Asgjë nuk është vendosur ende. Ndoshta ne kemi një përparësi të vogël para ndeshjes së vështirë në Lyon. Punuam shumë në pjesën e parë. Lyoni është ekip i mirë, ata janë të fortë teknikisht dhe kompaktë e mirë të organizuar në mbrojtje. Ne kemi pasur disa gjysmëraste.

Kartoni i kuq na e bëri më të vështirë, por më pas kur edhe futbollisti i tyre u përjashtua, atëherë ndeshja mori kah tjetër. Ne ishim më të mirë pas kësaj, ne ishim më komfortë kurse goli ishte i mire”, tha Robben.

Bayerni nga Munich-u i Gjermanisë shënoi fitore me rezultat 1:0 kundër Lyonit nga Franca, në ndeshjen e parë të gjysmëfinales së Champions League në futboll.

Në pjesën e parë të takimit Bayerni ka pasur mjaft raste, por të cilat nuk i ka realizuar. Në minutën e 13-të të ndeshjes, Ribery nga një pozitë shumë e mirë gjuajti me kokë mbi portë. Pas katër minutave, sërish bavarezët krijojnë rast nëpërmjet futbollistit Ribery, por gjuajtja e tij nga 16-17 metra përfundoi jashtë portës. Në minutën e 19-të, Olic një futbollist mjaft i shpejtë, pati rast, por pa sukses që të kaloi në epërsi skuadrën e Bayernit.

Lyoni gradualisht qetëson lojën dhe herë pas here ka qenë i rrezikshëm për skuadrën mikpritëse. Lyoni rastin e parë të volitshëm e ka pasur në minutën e 30-të, kur Ederson nga 20 metra gjuajti mirë, por pati fat Bayerni.

Ribery (në minutën e 37-të) është ndëshkuar me karton të kuq gjatë një ndërhyrje të ashpër ndaj futbollistit Lisandro. Gjyqtari Rosseti ishte shumë afër dhe nuk e fali Riberyn. Ky karton i kuq shkaktoi pothuajse tërmet në stadium, pasi që largohet njëri nga futbollistët më të mirë.

Bayerni nga kjo minutë ishte pa një futbollist më pak, por assesi nuk dorëzohej, ndërsa Lyoni kërkonte të shfrytëzonte këtë epërsi numerike. Kallstrom një futbollist që shquhet për gjuajtje nga largësia, dërgon një projektil nga 40 metra, mezi mbrojti portieri i Bayernit, Butt.

Në pjesën e dytë, Bayerni sulmojë vazhdimisht, ndërsa Lyoni mbrohej. Lahm i Bayernit shumë bukur derpërtoi në 16-shin e Lyonit dhe e gjen të vetmuar Mullerin, i cili çuditërisht ngatërrohet me top dhe humbi një rast që vështirë edhe humbet. Në minutën e 53-të, futbollisti i Lyonit, Toulalan, ndëshkohet me kartonin e dytë të verdhë dhe të kuq për shkak të një ndërhyrje të ashpër. Nga minuta e 53-të skuadrat barazohen me numrin e futbollistëve në fushë dhe Bayerni mori iniciativën.

Robben lirohet për mrekulli në minutën e 60-të, por gjuajtja e tij shkoi jashtë portës. Robben si me dorë harkon në minutën e 67-të, por Gomez me kokë gjuajti shumë dobët drejt në duart e portierit Lloris. Në minutën e 69-të, kryemjeshtëri i golave, Robben, me një lëvizje dinake nga rreth 30 metra dërgoi një gjuajtje sa mjeshtërore, aq edhe të saktë, duke shënuar evrogol dhe kaluar në epërsi skuadrën e Bayernit. Futbollistët e Bayernit nëe pjesën e dytë të takimit dominuan tërësisht dhe Lyoni nuk ishte i rrezikshëm sikurse në pjesën e parë. Robben në minutën e 85-të depërtoi për mrekulli dhe gjuajti shumë bukur, por portieri Lyonit intervenon edhe më bukur.

Kjo fitore e Bayernit sado minimale, është më vlera të mëdha për ndeshjen e kthimit që zhvillohet pas një jave në Lyon të Francës. Bayerni synon finalen e madhe sikurse edhe Lyoni, i cili shpreson ta përmbys këtë epërsi të bavarezëve. /botasot

Skuadra e futbollit Bayerni nga Munich-u para adhuruesve të vet takohet me Lyonin, në ndeshjen e parë të gjysmëfinales së Champions League.

Ballafaqimi zhvillohet të mërkurën mbrëma, në orën 20.45 dhe që pritet me kureshtje të madhe nga adhuruesit e futbollit. Bayerni që në çerekfinale pati eliminuar gjigantin e futbollit anglez, Manchester Unitedin, tashmë kërkon ta heq qafesh edhe Lyonin dhe të futet në finalen e madhe. Bayerni nga shumë njohës të këtij sporti hiqet si favorit, por kjo më shumë mund të jetë në letër.

Lyoni në çerekfinale ka eliminuar skuadrën e Bordeaux-it dhe kësaj here mëton ta rrëzojë edhe Bayernin. Lyoni njihet si njëra prej skuadrave që ka shpirt të lojës së shpejtë dhe që shumë herë skuadrat e mëdhenj i befason për të mirë. Duhet theksuar se në tetën e finales së Champions League pati rrëzuar Realin e Madridit.

Në fakt, statistikat flasin për një rivalitet të madh që kanë dëshmuar sa herë janë takuar mes vete Bayerni dhe Lyoni, por nga bastet favorizohet së tepërmi skuadra bavareze. Nga gjashtë përballje këto skuadra mes vete numrin e fitoreve, të barazimeve dhe humbjeve e kanë baras. Bayerni ka shënuar dy fitore, po aq edhe Lyoni dhe dy herë kanë luajtur baras.

Gol-dallimi për gjashtë ndeshje është 9:7 në favor të Lyonit. Te dyja skuadrat mëtojnë finalen e madhe të Champions League, por cila do të arrijë, më së miri do të shihet pas ndeshjes së kthimit që zhvillohet në Lyon të Francës. Me një fjalë, a do të jetë Lyoni ‘macja e zezë” për Bayernin siç ishte edhe për Realin, mbetet të shihet.

Takimet e ndërsjella

2008

10 dhjetor: Lyon-Bayern 2:3

30 shtator: Bayern-Lyon 1:1

2003

5 nëntor: Bayern-Lyon 1:2

21 tetor: Lyon-Bayern 1:1

2001

6 mars: Lyon-Bayern 3:0

22 nëntor: Bayern-Lyon 1:0

Manchester Unitedi ka shënuar fitore me rezultat 3:2 ndaj Bayernit nga Munich-u, në ndeshjen e kthimit të Champions League në futboll.

Një fitore pa vlera, pasi humbja në ndeshjen e parë në Munich me shifrat 2:1 e ka mënjanuar nga Champions League. Bayerni shkon tutje, duke iu falënderuar lojës së mrekullueshm në pjesën e dytë.

Pjesa e parë në tërësi i takoi Manchester Unitedit, ndërsa ajo e dyta Bayernit. Një ndeshje e bukur, me veprime të rrjedhme dhe me pesë gola të shënuara. Manchester Unitedi e ka nisur furishëm ndeshjen dhe në minutën e tretë ka kaluar në epërsi.

Rooney i cili pas lëndimit është kthyer me sukses të lartë në fushë, ka shërbyer deri të futbollisti Gibson, i cili nuk fali portierin e Bayernit dhe 1:0.

Pas katër minutave lojë, “Djajtë e kuq” sërish me veprime të rrjedhshme dhe shtojnë epërsinë në 2:0, duke iu falënderuar golit të futbollistit Nani, i cili ishte shërbyer nga Valencia. Vazhdon loja e furishme e skuadrës së Manchester Unitedi dhe fare nuk ndalej. Veprim pas veprimi dhe rezultati 3:0.

Tandemi Valencia-Nani, ky i fundit me mjeshtëri realizoi golin e epërsisë 3:0 pikërisht në minutën e 41-të. Bayerni si gjithmonë është Bayern dhe nuk dorëzohet deri në fund. Loja e shkëlqyeshme e Manchester Unitedit fillon të merr tatëpjetën dhe të ngritet Bayerni.

Olic ishte ai që ktheu shpresat e Bayernit. Muller me dinakëri deri të Olic (minuta e 43-të) dhe ky i fundit nuk fali Van Der Sarin, duke e mposhtur dhe zvogëluar epërsinë në 3:1. Ky gol ndryshoi rrjedhën e lojës e veçmas pas kartonin të dytë të verdhë të futbollistit Rafael në minutën e 50-të. Manchester Unitedi me nje futbollist më pak në fushë nuk ishte në gjendje t’i bëjë ballë presionit të lojës superiore të skuadrës bavareze. Trajneri i Manchester Unitedit, Ferguson, ishte në dilemë të madhe për faktin se 40 minuta të fundit të ndeshjes kishte një futbollist më pak dhe nuk kishte zgjidhje sesi ta ndalte lojën sulmuese të gjermanëve.

Robben mjeshtër i golave, me dinakëri në minutën e 74-të brenda 16-shit e goditi topin bukur nga 14-15 metra dhe në këndin e poshtëm të portierit Van der Sar dhe zbuti epërsinë në 3:2. Rezultat i favorshëm për bavarezët dhe i keq për “Djatë kuq. Bayerni e ruajti rezultatin me sukses të madh dhe arriti të kualifikohet në gjysmëfinalen e madhe të Champions League, ku do të takohet me skuadrën e Lyonit nga Franca.

Lyoni me gjithë humbjen shkoi tutje

Futbollistët e Lyonit duke iu falënderuar fitores së ndeshjes së parë me rezultat 3:1 në Lyon ka arritur të kualifikohet në gjysmëfinalen e Champions League. Lyoni në ndeshjen e kthimit pësoi humbje me rezultat 1:0 në Bordeaux, por kjo humbje nuk e ndali që të shkoi më tutje. Bordeaux-i nuk ishte në gjendje të anulon epërsinë e ndeshjes së parë, pasi Lyoni u mbrojt me mjaft sukses. Goli u shënuan në minutat e pjesës së parë përkatësisht në minutën e 45-të nëpërmjet futbollistit Chamakh.

Ky ballafaqim mes dy skuadrave franceze ka qenë dramë në vete, por Lyoni u dëshmua më i suksesshëm dhe shkoi tutje, ku do të ketë sfidë shumë të vështirë në ballafaqim me Bayernin.

Rezultatet

Manchester United-Bayern 3:2 (1:2)

Bordeaux-Lyon 1:0 (1:3)

Barcelona-Arsenal 4:1 (2:2)

CSKA-Inter 0:1 (0:1)

Në kllapa janë rezultatet e ndeshjeve të para

Në gjysmëfinale takohen:

Bayern-Lyon

Barcelona-Inter

Lyoni më në fund ka marrë kreun e tabelës në elitën e futbollit francez dhe këtë e ka shfrytëzuar pas humbjes së skuadrës së Bordeauxit, në javën e 31-të.

Skuadra e Lyonit shënoi fitore si udhëtues me rezultat 2:1 ndaj Rennesit. Vendasit të parë kaluan në epërsi me golin e shënuar nga futbollisti Asamoah në minutën e 15-të të takimit. Mysafirët zgjohen nga gjumi dhe arrijnë që në pjesën e dytë të kthejnë rezultatin në favor të tyre. Bastos në minutën e 52-të barazoi shifrat 1:1 dhe pas nëntë minutave (61’) futbollisti Lisandro realizoi gol për fitoren domethënëse të Lionit me rezultat 2:1.

Lyoni kryeson tabelën me 57 pikë të tubuara. Bordeauxi bëri gabim të madh, duke humbur në shtëpi dhe kjo i kushtoi që të lëshojë kreun e tabelës. Bordeauxi në stadiumin “Chaban-Delmas” pësoi humbje 1:2 nga Nansy dhe kësisoj edhe zhgënjeu 29985 shikues. Mysafirët furishëm e nisën ndeshjen dhe udhëhoqën me rezultat 0:1 në minutën e 17-të me golin e futbollistit Hadji.

Vendasit pas dhjetë minutave lojë ia dolën të barazojnë shifrat 1:1 falë golit te futbollistit Cavenaghi. 19 minuta para se të përfundoi ndeshja mysafirët befasuan për të mirë dhe shënuan golin e fitores. Ishte minuta e 71-të kur futbollisti Dia shënoi për rezultatin 1:2. Kësisoj Bordeauxi humbi vendin e parë dhe zbret në vendin e tretë me 56 pikë të grumbulluara.

Skuadra e Le Mansit me të cilën luan shqiptari, Almen Abdi, edhe përfundimisht i ka humbur gjasat për mbetje në shoqërinë elite. Le Mansi si mysafirë pësoi humbje me rezultat 2:0 nga skuadra e Saint-Etienne. Autorë të golave të fitores janë futbollistët Varrault (55’) e Benalouane (76’). Abdi luajti titullar, i cili pati paraqitje të mirë. Ky futbollist është ndëshkuar me karton të verdhë në minutën e 75-të të takimit.

Le Mansi zë vendin e 19-të me 21 pikë të tubuara. Në stadiumin e “La Mosson” skuadra e Montpellieres barazoi 0:0 me Monacon. Montpelliere lëshoi një rast të mirë që të jetë në krye të tabelës, por tashmë është në vend të dytë me 57 pikë. Monaco dëshmoi lojë të mirë dhe befasoi mikpritësve me marrjen e një pike. Edhe ndeshja në mes Nices e Sochaux përfundoi pa gola, ndërsa Valenciennesi mposhti me rezultat 1:0 skuadrën e Lilles. Kreator i kësaj fitore ka qenë futbollisti Samassa me golin e shënuar në minutën e 81-të të takimit.

Rezultatet

Bordeaux – Nancy 1:2

Grenoble – Lorient 1:2

Nice – Sochaux 0:0

Rennes – Lyon 1:2

St. Etienne – Le Mans 2:0

Valenciennes – Lille 1:0

Montpellier – Monaco 0:0

Tabela

1. Lyon 31 16 9 6 51:32 57

2. Montpellier 31 17 6 8 41:34 57

3. Bordeaux 29 17 5 7 47:25 56

4. Auxerre 30 16 8 6 30:24 56

5. Lille 31 16 6 9 56:33 54

6. Marseille 28 15 8 5 50:30 53

7. Rennes 31 14 7 10 46:31 49

8. Lorient 31 14 7 10 46:32 49

9. Monaco 31 13 7 11 32:33 46

10. Valenciennes 30 13 5 12 41:41 44

11. Nancy 31 12 6 13 40:44 42

12. PSG 30 11 7 12 42:33 40

13. Toulouse 30 10 8 12 29:28 38

14. Sochaux 29 10 7 12 23:35 37

15. Nice 31 10 6 15 31:45 36

16. Lens 30 9 8 13 27:37 35

17. St. Etienne 31 8 8 15 22:38 32

18. Boulogne 30 5 8 17 22:50 23

19. Le Mans 30 5 6 19 26:48 21

20. Grenoble 31 3 6 22 21:50 15

Bayerni në minutën e fundit e ka fituar ndeshjen me rezultat 2:1 kundër Manchester Unitedit, në kuadër të ndeshjes së parë të çerekfinales së Champions League në futboll.

Manchester Unitedi ka qenë i pari që ka kaluar në epërsi në minutën e dytë nëpërmjet mjeshtrit të golave Rooney, i cili shfrëytëzoi hutinë e skuadrës mikpritëse. Goli i hershëm i shënuar nga anglezët aspak nuk e ka demoralizuar skuadrën baravareze, përkundrazi ata kanë mbizotëruar me lojë.

Në minutën e 38-të të takimit sikur Rooney të ishte më i shkathët nga pozita e qind për qind lehtë ka mundur të dyfishoi epërsinë. Në pjesën e dytë të takimit, skuadra e Bayernit arriti të barazoi rezultatin.

Ribery njëri nga futbollistët më të mirë bavarezë, dërgoi një gjuatje të fortë nga gjuatja e lirë rreth 20 metrave, topi qëllon barrikadën e futbollistëve të Manchester Unitedit dhe ndërroi kahjen, duke hyrë në rrjetë dhe barazuar rezultatin 1:1 pikërisht në minutën e 76-të. Vidic në minutën e 83-të nga afërsia me kokë qëlloi tërthorësën e Bayernit. Ndërkaq, në minutën e fundit Gomez i vetmuar nuk arriti të mposhti portierin e Manchester Unitedit.

Kur pritej se rezultati do të përfundoi 1:1, Ivica Olic e vodhi një top në 16-shin anglez, duke dalë vetëm me portier dhe shënuar për fitoren 2:1 te Bayernit. Kjo moskujdesi e mbrojtjes së Manchester Unitedit i kushtoi shumë shtrenjtë me humbjen e ndeshjes. Mbizotërimi i Bayernit është shpërblye me fitore dhe në ndeshjen e kthimit e pret punë e vështirë në Manchester United. Ndërkaq, Lyoni e ka gjunjëzuar me rezultat 3:1 Bordeax-in. Lyoni luajti mirë dhe ka arritur një fitore bindëse dhe shumë domethënëse që i siguron qetësi për ndeshjen e kthimit.

Golat për Lyonin i ka shënuar Lopez (10’ e 72-të nga penalltia), Batos (32’), ndërsa për Bordeaux ka shënuar futbollisti Chamakh (14’). Lyoni ka krijuar një epërsi të mirë për ndeshjen e kthimit.

Rezultatet

Bayern-Manchester Unitedi 2:1

Lyon-Bordeaux 3:1

E mërkurë

Arsenal-Barcelona 20.45

Inter-CSKA 20.45

Sergio Ramos, mbrojtës i dëshmuar i Realit, i çon mesazh të qartë skuadrës franceze, Lyonit, se në Madrid e pret humbje bindëse.

Ramos është i bindur se Lyoni nuk ka kapacitet t’i bëjë ballë lojës së furishme të Realit dhe madje edhe ka parashikuar edhe rezultatin! “Do të fitojmë me rezultat 3:0 dhe të gjithë do të jenë të kënaqur.

Ky lloj takimi e motivon çdo futbollistë që do të luajë. Do të kemi një mbrëmje magjike në ‘Santiago Bernabeu’”, tha Ramos.

Reali ka pesë vite që nuk ka arritur të kalojë në çerekfinale, por të mërkurën mbrëma besojnë në kualifikim dhe llogariten si favoritë të fitojnë këtë garë.

Shumë njohës të futbollit francezë kanë llogaritur se Lyoni do të fiton në Boulogne, por kjo nuk ndodhi.

Lyon luajti baras (0:0) dhe ky barazim mund t’i kushtojë në luftë për titull të kampionit.

Skuadra e Boulognes që ka shumë pak shpresa për mbetje në ligë, befasoi për të mirë me lojë, duke e ndalë Lyonin, në ndeshjen e javës së 27-të të Kampionatit të Francës në futboll.

Futbollistët e Auxerres dëshmuan lojë mjaft të mirë dhe shënuan fitore me rezultat 1:0 kundër Valenciennesit.

Golin e fitores e shënoi Jelen në minutën e 38-të. Lensi në stadiumin “Félix Bollaert”, në të cilin ishin tubuar 41 mijë shikues luajti baras (1:1) me skuadrën e njohur PSG.

Roudet në minutën e 67-të udhëhoqi skuadrën e tij me 1:0, për të barazuar PSG në minutën e tretë shtesë të lojës (90+3) me golin e Sessegnonit. Skuadra e Rennes me mund të madh, por arkëtoi tri pikë të vlefshme me fitoren 1:0 ndaj Monacos.

Autorë i golit ishte futbollisti Bocanegra në minutën e 27-të. Lille si udhëtues në stadiumin “Geoffroy-Guichard” mori një pikë në ballafaqim me Saint-Etiennen.

Kjo ndeshje përfundoi me rezultat 1:1. Golin për vendasit e shënoi Rivière (16’) dhe për mysafirët Dumont (21’).

Rezultatet

Auxerre – Valenciennes 1:0

Boulogne – Lyon 0:0

Lens – PSG 1:1

Nice – Nancy 2:3

Rennes – Monaco 1:0

Sochaux – Toulouse 1:0

Etienne – Lille 1:1

Tabela

1. Bordeaux 24 16 3 5 41:19 51

2. Montpellier 26 16 3 7 36:27 51

3. Lyon 27 14 8 5 45:28 50

4. Marseille 25 14 6 5 46:27 48

5. Auxerre 26 14 6 6 25:21 48

6. Lille 27 14 6 7 50:28 48

7. Monaco 27 13 3 11 32:33 42

8. Valenciennes 27 12 5 10 39:37 41

9. Rennes 27 11 7 9 36:27 40

10. Lorient 26 11 6 9 38:28 39

11. Toulouse 27 10 7 10 27:21 37

12. Sochaux 26 10 5 11 22:31 35

13. Nancy 27 10 5 12 32:39 35

14. PSG 27 9 7 11 35:31 34

15. Lens 27 9 7 11 26:31 34

16. St. Etienne 27 7 6 14 19:33 27

17. Nice 27 7 5 15 27:45 26

18. Le Mans 25 5 5 15 23:39 20

19. Boulogne 27 3 8 16 17:46 17

20. Grenoble 26 3 4 19 19:44 13 /botasot