Trumpetat e zhurmshme që u bien tifozët në Kampionatin Botëror të futbollit në Afrikën e Jugut, së shpejti mund të bëhen instrument i protestës për sindikalistët francezë.

Zhoze Peçi, drejtor ekzekutiv i importuesit ekskluziv të vuvuzelave në Francë, tha se ai është vërshuar nga mijëra porositë ditëve të fundit, kryesisht nga sindikalistët, të cilët kërkojnë që dërgesa të jetë e menjëhershme.

Sindikatat franceze e kanë caktuar 24 qershorin për të protestuar kundër masave të qeverisë.

Ndërkohë në Britani, kryebashkiaku i Londrës Boris Xhonson tha se vuvuzelat me siguri nuk do të jenë të pranishme në Botërorin 2018 nëse Anglia do të fitojë organizimin e turneut, duke e krahasuar zhurmën e trumpetave me atë të “mushkonjave në vesh”.

Kampioni i ri i Spanjës, Barcelona, më këmbëngulje e kërkon futbollistin e Arsenalit nga Londra, Fabregasin.

Katalunasit i kanë vënë edhe ultimatum këtij futbollistit se duhet të vendosë sa më shpejtë që të kalojë sepse nuk mund të presin përgjithmonë.

Agjencia “News of the World” njofton se përkundër dëshirës së Fabregasit për të kaluar në radhët e Barcelonës, janë këta të fundit ata që kërkojnë finalizimin e marrëveshjes që vlen 40 milionë funte.