Skuadra e Serie A, Genoa, është duke u interesuar për shërbimet e mesfushorit të ri të Baselit, Xherdan Shaqiri, shkruan “Sport.ch” të mërkurën.

Shaqiri 18-vjeçar është duke magjepsur skuadrat më të mëdha evropiane. “Shaqiri është një talent i madh dhe është e qartë se skuadra jonë interesohet gjithmonë për lojtar të këtij kalibri.

Por, është e vështirë të konkludohet nëse do të ketë diçka më shumë nga kjo”, ka thënë presidenti i Genoas, Gianpiero Gapserini. Në transferimin e Shaqirit mund të ketë gisht edhe skuadra kampione e Evropës, Interi.

Interi mund të ndihmojë Genoan për të blerë 18-vjeçarin, mirëpo më pas të ketë të drejtën që ta marrë atë në radhët e veta.

Milani ka transferuar qendërmbrojtësin grek të Genoas, Sokratis Papastathopoulos, për pesë milionë euro, shkroi të martën në faqen zyrtare të klubit milanez.

Mbrojtësi grek ka nënshkruar kontratë katërvjeçare dhe do të përfitojë rreth 1.2 milionë euro në stinor.

“Mendoj që lojtarët më të mirë që kam parë janë Paolo Maldini dhe Alesandro Nesta dhe ende inspirohem prej tyre. Jam shumë i lumtur që kam nënshkruar me Milanin, pasi është njëri ndër ekipet më të forta në botë”, ka thënë Papastathopoulos.