Në Garmisch Partenkirchen të Gjermanisë të mërkurën është mbajtur gara e fundit e lëshimit në këtë edicion në kuadër të Kupës së Botës në konkurrencën e femrave.

Kurse më e shpejta ishte skitarja nikoqire Maria Riesch, e cila ka triumfuar me kohrën prej 1:34,82 minuta, para amerikanes Lindsey Vonn, që është vonuar për 48 të qindtat dhe suedezes Anja Paerson e cila ka mbetur prapa për një 1 sekond e 13 të qindtat.

Vonn para kësaj gare e ka fituar Globin e vogël të Kristaltë në disiplinën e lëshimit, ndërsa me 80 pikët e fituara në këtë garë ka grumbulluar 725 pikë, derisa pas saj radhiten Maria Riesch që ka 556 dhe Anja Paerson që ka 385 pikë. Duhet theksuar se Vonn aktualisht kryeson në renditjen e përgjithshme të Kupës së Botës me 1571 pikë, kurse Riesch ka 1346 pikë.

Rezultatet

1. Maria Riesch (Gjer) 1:34.82

2. Lindsey Vonn (SHBA) 1:35.30 +00:48

3. Anja Parson (Zvi) 1:35.95 +01:13

4. Nadja Kamer (Sue) 1:36.04 +01:22

5. Julia Mancuso (SHBA) 1:36.13 +01:31

Në garën e lëshimit, njëherësh të fundit në këtë edicion në kuadër të Kupës së Botës, e cila është zhvilluar në Garmisch-Partenkirchen të Gjermanisë ka triumfuar zvicerani Carlo Janka, i cili ka qenë më i shpejti me kohën prej 1:58,45 minuta.

Vendi i dytë me dy të qindtat prapa e ka zënë austriaku Mario Scheiber, derisa vendi i tretë i ka takuar Erik Guay nga Kanada.

Duhet theksuar se gara e lëshimit e zhvilluar në qendrën skitare gjermane nuk ka vendosur për plasmanin në këtë disiplinë pasi që më parë Globin e vogël të Kristaltë e ka fituar Didier Cushe, mirëpo ka sjell ndryshim të madh në renditjen e përgjithshme të Kupës së Botës.

Carlo Janka me 100 pikët e fituara e ka kaluar Benjamin Raichun dhe me 1073 pikë aktualisht zë vendin e parë në Kupën e Botës. Raich ka mbetur prapa për 54 pikë, kurse vendi i tretë i takon Chuches me 878 pikë.

Rezultatet

1. Carlo Janka (Zvi) 1:58.45

2. Mario Scheiber (Aus) 1:58.47 +00:02

3. Erik Guay (Kan) 1:58.52 +00:07

4. Patrick Kung (Zvi) 1:58.52 +00:07

5. Hans Grugger (Aus) 1:58.56 +00:11