Mbrojtësi i majtë i Francës, Patrice Evra, është kthyer në përfaqësuese pas nëntë muajve, ndërsa thotë se dëshiron të jetë zgjidhje, e jo problem për “trekolorët”.

Evra ishte suspenduar për pesë ndeshje nga Federata e Futbollit e Francës, pasi që ishte përfshirë në bojkot të futbollistëve gjatë Botërorit 2010.

Evra është ftuar nga trajneri Laurent Blanc për ndeshjen eliminatore të “Euro 2012″, që “trekolorët” e zhvillojnë të premten kundër Luksemburgut dhe atë miqësore të së martës kundër Kroacisë.

“Unë dua të ndryshojë gjërat. Dua të jem zgjidhje dhe jo problem i skuadrës së Francës”, ka thënë Evra, përcjellin mediumet franceze të mërkurën.

Presidenti i UEFA-s, Michel Platini, është i mendimit se Franca është dashur t’i suspendojë përjetësisht futbollistët fajtorë për Botërorin skandaloz të “trekolorëve” në Afrikë të Jugut, në verën që shkoi. Platini ka vlerësuar futbollistët rebelë të “panevojshëm” dhe “idiotë”. Sipas tij, ata kishin bojkotuar stërvitjet e Përfaqësueses së Francës, pas përjashtimit të sulmuesit Nicolas Anelka nga skuadra.

Anelka ishte kthyer në shtëpi pasi që kishte fyer trajnerin Raymond Domenech, gjatë ndeshjes së dytë të fazës grupore kundër Meksikës, takim të cilin e humbi me rezultatin 2:0. Anelka u suspendua nga Federata e Futbollit e Francës me 18 ndeshje moslojë për Përfaqësuesen.

Federata franceze po ashtu suspendoi ish-kapitenin Patrice Evra (pesë ndeshje), Franck Riberyn (tri ndeshje) dhe Jeremy Toulalanin (një ndeshje) për pjesëmarrjen e tyre në bojkotim të stërvitjeve.

Platini njihet si legjendë e futbollit, ndërsa me Francën kishte fituar titullin e Evropës në vitin 1984.

“Nuk mund të shkatërrosh imazhin e Përfaqësueses së Francës. Unë do të isha shumë më i rreptë me ta. Do t’i suspendoja përjetësisht”, ka thënë Platini, për revistën franceze “So Foot”.

Franca u eliminua në fazën grupore të Botërorit 2010 pa fituar asnjë ndeshje. Ndër më të kritikuarit ishte trajneri Raymond Domenech, por Platini ngul këmbë se asnjë trajner nuk do të arrinte rezultat më të mirë me futbollistë të tillë.

“Edhe Jose Mourinho nuk do të arrinte më shumë suksese se Domenech. Ne nuk kemi një skuadër të mirë, nuk kemi një gjeneratë të fortë me futbollistë”, ka thënë Platini.

Ditë më parë sulmuesi francez, Anelka, kritikoi Francën, duke e quajtur shtet racist dhe tha se nuk po e ndien veten francez.

Sulmuesi i Chelseat, Nicolas Anelka, ka akuzuar Francën dhe francezët për racizëm, shkruan të martën “Daily Mirror”. Ai insiston se vetëm në Francë ka telashe dhe shton se racizmi te Franca më së miri u dëshmua në Kampionatin Botëror “Afrika e Jugut 2010″. Anelka u pat larguar nga kampi i francezëve pasi kishte fyer trajnerin Raymond Domenech, ndërsa Franca u eliminua në fazën grupore.

“Në momentet më të vështira, kemi parë se çka mendojnë njerëzit. Thoshin se Franck Ribery ka grushtuar Yoann Gourcuffin. E thoshin këtë pasi Gourcuff është djalë i mirë francez, kurse Ribery mysliman”, ka deklaruar Anelka. “Kur mungonin fitoret filluan të flasin për religjionin dhe racën e njerëzve”.

Anelka thotë se nuk e ndien veten aspak francez dhe se të gjitha të arriturat në karrierën e tij i ka bërë jashtë Francës.

“Për mua problemet kanë nisur shumë herët. Dhe, kjo vetëm pse kisha një Ferrari. Te Reali isha si 20-vjeçar, pasi kisha të holla e bleva këtë veturë, kurse njerëzit në Francë më fyenin”, ka thënë ai. “Unë nuk jam francez. Pikërisht për këtë kategorikisht kam refuzuar të këndoj himnin e Francës dhe po të kishin insistuar do të isha larguar menjëherë nga ekipi”.

Greqia nuk ka arritur që t’i tejkalojë kampionët e Evropës, rusët, kurse nga ana tjetër Franca shkaktoi befasinë më të madhe të këtij Botërori, me humbjen skandaloze nga Zelanda e Re.

Rusia e bëri diferencën ndaj Greqisë në çerekun e tretë të takimit, që bëri që ndeshja të përfundonte me rezultat 73-69. Më i miri i këtij takimi ishte Voronov, i cili realizoi 18 pikë dhe katër kërcime. Te grekët u dallua Kaimakoglou me 16 pikë dhe nëntë kërcime.

Argjentina ra viktimë e Serbisë në qastet e fundit të takimit, për të pësuar humbje me vetëm dy pikë dizavantazh, 84-82, në të mirë të fqinjit tonë verior. Fantastik në këtë ndeshje ishte Luis Scola, që me 32 pikë dhe 7 kërcime ishte më i miri i takimit.

Nga ndeshjet tjera veçojmë disfatën skandaloze të Francës nga Zelanda e Re me rezultat 82-70. Gjermania shënoi fitore të lartë prej 91-73 ndaj Jordanisë, ashtu si Brazili ndaj Kroacisë me rezultat 92-74. Nikoqiri Turqia, ç’montoi Kinën me 47 pikë epërsi, 87-40.

Loran Blank nuk e nisi në mënyrën më të mirë aventurën e tij në drejtimin e përfaqësueses franceze.

Skuadra e bluve është mundur në ndeshjen miqësore me Norvegjinë me rezultatin 2-1, duke lënë të kuptohet se kjo kombëtare ka shumë punë për të bërë për t’u rikthyer në nivelet më të larta.

Takimi filloi mjaft mirë për Francën që e pa veten në avantazh me anë të sulmuesit të Olimpik të Marsejës, Ben Arfá.

Pak minuta më vonë, skuadra nordike barazoi rezultatin me Huseklep pas ekzekutimit të një goditje dënimi, por nuk u mbyll këtu, pasi po ky lojtar në minutën e 70 shënoi edhe golin e dytë.

Kombëtarja e Francës në futboll ka sjellë shqetësime të mëdha jo vetëm te dashamirët e saj të futbollit, por edhe të Qeveria e Francës. Kaluan disa ditë assesi të bëhen rehat francezët.

Dorëheqja e kreut të Federatës së Futbollit të Francës si dhe problemet të tjera që po ballafaqohet kombëtarja franceze, kanë irrituar edhe presidentin e FIFA-s, Sepp Blatter. Ai nuk ka mundur tash të qëndrojë duarkryq, po ka dalë me deklarata shumë të ashpra dhe ka paralajmëruar qeverinë franceze që të mos ndërhyjë në menaxhimin e futbollit të këtij vendi. Presidenti francez Nikolas Sarkozi të mërkurën u takua me kryeministrin Fransoa Fijon dhe ministrin e Sporteve Roselyne Barshlo për të diskutuar me ta rreth nevojës për reforma në futboll.

E gjithë kjo nxiti interesin e FIFA-s, e cila në vitin 2008 kishte dënuar Iranin pas ndërhyrjes së qeverisë në punët e federatës së futbollit iranian.

“Franca nuk duhet të ndërhyjë në çështjet e futbollit, por ai duhet të vazhdoj të mbetet në duart e federatës. Federata e futbollit francez mund të mbështetet te FIFA në rast presionit politik, edhe nëse ajo bëhet nga ana e presidentit të shtetit. Unë mendoj se mesazhi im është shumë i qartë. Ne jemi të vendosur për të ndihmuar federatën e futbollit francez. Nëse nuk arrijmë që të gjejmë një gjuhë të përbashkët, atëherë ne mund të dënojmë futbollin vendor me izolim ndërkombëtar,” – tha Blater në Johanesburg.

Ky kërcënim i Blatterit paksa mund të frenojë gjithë atë presion që bëhet mbi futbollin francez…Blatteri nuk i pëlqen që edhe shteti është përzier në punët e sportit përkatësisht të futbollit. Numri një i FIFA-s ka qëndrime që të mbrojë FFF-në nga gjithë ai presion që bëhet gjatë këtyre ditëve.

Eliminimi i turpshëm i Francës do të ketë një çmim të shtrenjtë.

Po kush do të paguajë këtë çmim: disa nga futbollistët apo vetë përzgjedhësi Domenek. Franca e nisi dhe e përfundoi fazën e grupit siç është me keq. Tri ndeshje dhe vetëm një pikë. Rezultate të tmerrshme sa edhe vetë ekspedita u bë gaz i botës. Skandalet relacion përzgjedhës-futbollistë mbushen faqet e gazetave të ndryshme të botës.

Anelka më i zëshmi, por me problematiku në kombëtare. Federata e Futbollit të Francës ia ka dhënë kartonin e kuq, pra e përjashtojë nga kombëtarja e Francës. Më e zeza ka qenë prej të zezave se ofendimet nuk kanë pushuar në mes përzgjedhësit dhe Anelkës dhe disa futbollistëve. I gjithë marifeti i turpshëm e pati çmimin e vet: Eliminohet Franca në mënyrën më të turpshme.

Ky eliminim ka ardhur si pasojë e padisiplinës dhe grindjeve mes vete që kanë pasur stafi kombëtar. Jo vetëm dashamirët e futbollit francez që ishin të tronditur, por edhe vet kreu i shtetit. Rasti që do të shkojë në gjyq dhe diush do të kapet për veshi. Ndërkohë, tashmë i gjithë ky skandal është kthyer në një çështje shtetërore. Presidenti Nikolas Sarkozi ka menduar ta marrë vetë në dorë situatën, duke thirrur Tieri Henri në Paris me një avion privat, ndërsa pjesa tjetër e ekipit do të më vijë më vonë.

Henri do të takohet të enjten në mëngjes me Sarkozin dhe mes tyre do të diskutohet se çfarë ndodhi në ditët e grumbullimit në Afrikën e Jugut. Lajmi u bë i ditur nga zëdhënësi i qeverisë Luk Shatel, në përfundim të një mbledhje të Këshillit të Ministrave. Kjo punë nuk do të përfundojë me kaq, por do të shikohet në detaje kush është tradhtari. Rasti supozohet të shkojë edhe në gjyq! Mediat franceze hedhin gurë e dru mbi kombëtaren. Akuza e akuza të pandalshme me tituj të ndryshëm dhe secili më i rëndë se tjetri. Më një fjalë, Domenek mori atë që meritoi në Kampionatin botëror.

“Fundi i botës”, titullon L’Euipe, “Bravo, punë e paqme”, është titulli i Liberasion. Të gjitha të përditshme franceze, por edhe ato periodike i kushtojnë rëndësi të madhe këtij turpi të pashembullt të kësaj komëbëtare që bëri gaz i botës edhe vet shtetin e Francës. Të gjithë kërkojnë të dinë se çfarë ndodhi realisht që një prej kombëtareve më të mëdha të botës u shndërrua me një fole bletësh, ku të gjithë ziheshin me njëri-tjetrin. Zhan-Luis Valentin, menaxheri i skuadrës që dha menjëherë dorëheqjen pas bojkotit të stërvitjes, thotë se shkak për këtë ishte përçarja mes stafit drejtues dhe futbollistëve.

Çudia më e madhe ka qenë edhe humbja nga Afrika e Jugut me shifra 2:1. Një humbje e mirëpritur nga dashamirët e futbollit të Francës, sepse ishin lodhur me këto skandale të kësaj kombëtare. Një kombëtare që kishte gjetur kualifikimin në botëror kundër Irlandës, por jo në mënyrë të merituar. Ajo fitore kontestuese iu është kthyer në bumerang në botëror.

“Ata nuk komunikonin fare, ose komunikonin shumë pak. Lojtarët nuk flisnin thuajse fare me trajnerin, me anëtarët e tjerë të stafit dhe me drejtuesit e Federatës. Nëse në një klub komunikimi është i përditshëm, kjo nuk ndodhte te Franca”, ka thënë Valentin.

Edhe në Paris komentohet në mënyrët e ndryshme eliminimi i Francës. Revolta është të të gjithë dhe nuk mund të besojnë se aq dobët është paraqitur kombëtarja e Francës.

“Me imazhin që na dhanë, u kënaqa që humbën”, thotë banor në Paris. Për shumë njerëz, faji është i pagesave të majme që marrim lojtarët në klubet e tyre dhe më pas harrojnë fanelën e ekipit kombëtar. Editori i sportit në gazetën Liberasion, Zhil Ders, thotë se Loran Blank ka shumë për të bërë kur të vijë në krye të skuadrës.

“Do t’i duhet të ndërtojë gjithçka nga e para, puna e tij duhet të nisë me një marrëveshje me lojtarët, ndërsa emra ai Anelka, Henri apo Gallas, nuk duhet të jenë më në ekipin kombëtar. Më pas, duhet të arrijë një akord me Riberi, sepse ne e dimë se ai është lojtari më i mirë francez. Por, në këtë Kupë Bote Frenk nuk ka treguar një sjellje brilante. Mendoj se Blank do ta bëjë Gurkuf yllin e ri të kombëtares, ndërsa një tjetër problem për t’u zgjidhur mbetet egoja e lojtarëve si edhe drejtimi i Federatës Franceze”, tha Zhil Ders.

Franca ishte skuadra më qesharake në këtë Kupë Bote. Futbollistët nuk flisnin me njëri-tjetrin, urrenin trajnerin e tyre dhe madje e shanin, ndërkohë që mbetet ende një dilemë se cili e bënte formacionin. Një tjetër problem lidhet pikërisht me sponsorët e këtij ekipi, që janë ankuar se kanë paguar miliona euro për të parë shkatërrimin e imazhit të Francës dhe të kompanive të tyre. Franca që u bë gaz i botës. Futbollistët që “poshtëruan” veten, kombëtaren, shtetin. E lëshuan botërorin të turpëruar, të urryer nga fansat e tyre. Kjo ishte Franca e vitit 2010!

Gazeta franceze “L’Equipe” përdor tone të forta kundër kombëtares së Francës pas eleminimit nga botërori.

“Patetikë dhe të turpëruar që ishin të afë vetëm të ngelleshin me 10 vetë dhe të arrinin të humbisnin pas pak minutash”, shkruan gazeta prestigjoze franceze. “Le Figaro” e cilëson eleminimin si katastrofik duke shkruar: “Franca del nga porta e shërbimit”.

Për “Liberation” disfata ishte “Frymëmarrja e fundit e bluve”. Nuk mungojnë kritikat as nga “Le Monde” që e cilëson paraqitjen si më të dobëtat e viteve të fundit për Francën. “Nouvel Observatour” shton: “Pa asnjë bazë loje, pa kurajo që mes fyerjeve dhe bojkotimit në stërvitje, Franca ndodhta la imazhin më të shëmtuar të historisë”.

Ndërkohë, Raymond Domenech ka deklaruar se eleminimi e ka zhgënjyer por shtoi se kjo skuadër ka një të ardhme të madhe përpara.

Franca është skuadra e parë e madhe që largohet nga ky botëror duke marrë me vete një mal me kritika dhe rezultate zhgenjyese.

“Gjelat” e Domenech nuk kanë mundur ta shfrytëzojnë në dobi të tyre fitoren 1-0 të Uruguajit ndaj Meksikës, duke i dhënë lamtumirën kompeticionit në mënyrën më të keqe. Blutë u mundën në ndeshjen e fundit kundër Afrikës së Jugut me rezultatin 2-1 ku autori i vetëm i golit për Francën në këtë botëror është Malouda.

Gjithcka nisi keq për nënkampionët e botës, të cilët e nisën takimin pa shumë dëshirë për të fituar. Situata u komplikua edhe më shumë kur Gourcouff doli me karton të kuq në minutën e 26-të. Kjo u krijoi më shumë hapësira vendasve të cilët realizuan dy gola me Khumalo dhe Mphela në pjesën e parë, duke shpresuar në një kualifikim të mundshëm. Por 45 minutëshin e dytë kombëtarja europiane shënoi golin e vetëm të këtij botërori, duke u larguar pa lënë asnjë shenjë dhe shumë zhgënjim.

Në ndeshjen tjetër Uruguaj-Meksikë ishte skuadra e Tabarez ajo që arriti të marrë tre pikë falë golit të Suarez në minutën e 43-të, duke betonuar kualifikimin dhe kreun e Grupit A. Meksika ashtu si edhe Afrika e Jugut ka katër pikë por kualifikohet për më tej pasi golavarazhi i amerikano-latinëve është 3-2, ndërsa ai i afrikanëve 3-5. Kundërshtarët e Uruguajit dhe Meksikës do mësohen sot në darkë pas ndeshjeve Argjentinë-Greqi dhe Nigeri-Kore e Jugut.

Futbollistët francezë i janë kthyer sot trajnimeve, duke i dhënë fund bojkotit për shkak të përjashtimit të Nicolas Anelkas, raporton BBC.

Anelka u dërgua në shtëpi të shtunën, pasi që e sulmoi verbalisht trajnerin Raymond Domenech dhe pasi që refuzoi të kërkoj falje.

Bashkëlojtarët e tij zgjodhën të mos marrin pjesë në trajnimet e djeshme, ndërsa kryetari i Federatës franceze të Futbollit (FFF) dha dorëheqje për shkak të veprimeve të tyre.

Presidenti Nicolas Sarkozy ndërhyri, duke u përpjekur të përmirësojë situatën.

Sarkozy kërkoi nga ministresh franceze e Sportit, Roselyne Bachelot, që të shtyjë qëndrimin në Afrikën e Jugut dhe të takohet me lojtarët, trajnerin dhe shefin kryesor të FFF-së, Jean-Pierre Escalettes.

FFF i kërkoi falje popullit francez për shkak të sjelljes së ekipit kombëtar. /KohaNet