Drejtori i Interit për transferime, Marco Branca, beson se zikaltrit do ta mbajnë Maiconin, përkundër spekulimeve të vazhdueshme që e lidhin atë me Real Madridin.

Braziliani 39-vjeçar së fundmi ka deklaruar se do të flasë për të ardhmen e tij pas Copa America, ndërsa Branca është i bindur se ai do të qëndrojë.

“Nuk e kemi në plan t’i shesim lojtarët tanë kryesorë. Maicon do të qëndrojë edhe pse presim oferta të mëdha që të arrijnë”, ka thënë Branca për Sky Sport Italia.

Kaka do të jetë dhurata e presidentit Moratti për trajnerin e ri të Interit, Leonardo, bënë të ditur mediat Italiane.

I dëmtuar prej disa muajsh, braziliani duket se ka humbur rëndësinë e tij tek gjigantët spanjollë, prandaj një shkëmbim kokë më kokë me mbrojtësin Maicon, plus një shumë e papërcaktuar parash, duket si një opsion real.

Për presidentin e Inter-it, blerja e Kaka-së do të ishte veçanërisht e parapëlqyer, pasi do t’i shkaktonte një goditje të madhe të gjithë rivalëve milanistë, për të cilin ai vazhdon të mbetet një idhull.

Mbrojtësi i djathtë i Interit, Douglas Maicon ka theksuar rëndësinë e Kampionatit botëror të klubeve duke shprehur vendosmërinë e tij për ta fituar titullin.

Nerazzurrët do të fillojnë kampanjën e tyre kundër ekipit jugkorean, Seongnam, në ndeshjen gjysmëfinale, të mërkurën. “Kemi filluar ta përjetojmë këtë përvojë, minutë pas minute”, tha reprezentuesi brazilian për Inter Channel.

“E dimë se ky është një moment historik për klubin, për shumë prej nesh, një mundësi e rrallë në karrierat tona. Shumë pak futbollistëve iu ofrohet mundësia të luftojmë për këtë titull dhe ne kemi fituar të drejtën e garimit për të me triumfin në Ligën e Kampionëve. Ne duam ta përfundojmë vitin 2010 me një udhëtim triumfues”, shtoi ai.

Maicon është njëri prej disa futbollistëve të Interit, i cili ende nuk është rikuperuar plotësisht nga lëndimi, por shpreson të paraqitet në gjysmëfinale ose në finale më 18 dhjetor. “Gjendja ime është duke u përmirësuar ditë pas dite. Punoj rregullisht për të arritur në formë të mirë, në mënyrë që t’i ndihmoj ekipit”, përfundoi ai.

Super agjenti Ernesto Bronzetti ka deklaruar se Real Madridi është dorëzuar në garën për mbrojtësin e djathtë të Interit, Douglas Maicon, ndërsa nga ana tjetër ka mohuar se madrilenët do të tentojnë të transferojnë mesfushorin Steven Gerrard, për shkak se ai është i moshuar.

“Mourinho është i bindur se mund ta lë Sergio Ramosin në krahun e djathtë dhe tani ai është në kërkim të një mbrojtësi qendror apo mesfushori si Gerrard. Reali nuk ka bërë ofertë për Maiconin, Interi kishte kërkuar 35 milionë euro për të”.

“Kaka do të qëndrojë te Reali, por presidenti Florentino Perez nuk pajtohet me transferimin e Gerrardit, sepse ai është 30 vjeçar dhe ai nuk dëshiron të dëgjojë më për këtë çështje. Plus, Liverpooli kërkoi 70 milionë euro”.

“Ibrahimovic? Ai do të qëndrojë aty ku është. Nuk e di se si do të largohet ai për Manchester Cityn. Unë bisedova me presidentin Sandro Rosell dhe ai është i bindur se Ibra do të qëndrojë te Barcelona. Tregu spanjoll i transferimeve është i dobët. Reali do të shpenzojë me kujdes, jo si vitin e kaluar. Chiellini te Reali? Jo, absolutisht që jo. Unë mendoj se në fund të merkatos do të transferohet mbrojtësi i Portos, Bruno Alves”, deklaroi njeriu që kishte parashikuar transferimet e Kakas dhe Ronaldos te Reali, para se ato të finalizoheshin.

Maicon, mbrojtësi më i mirë i krahut të djathtë në botë sipas të gjitha gjasave do të firmos për klubin mbretëror, Real Madrid.

Mediat spanjolle shkruajnë se mundësitë janë që brenda 48 orëve të nënshkruajë Maiconi me Realin. Trajneri Mourinho është këmbëngulës që të sjellë këtë mbrojtës të spikatur, për arsye se Reali ka shumë nevojë për të.

Mirëpo, Reali dhe Interi nuk kanë arritur ende të gjejnë një gjuhë të përbashkët në lidhje me Maiconin, Perez ka ofruar rritje të ofertës në 28 milionë euro, por Moratti kërkon edhe dy milionë të tjera.

Agjenti i Maicon ka thënë se mbrojtësi i Interit mund të kalojë te Real Madridi, nëse skuadrat pajtohen mbi shumën e transferimit të klientit të tij.

“Për momentin ekziston dallim i madh mes ofertës dhe kërkesës. Sa më shpejtë që zgjidhet çështja, aq më mirë”.

“Të dy presidentët duhet të lëshojnë pe. Nëse ai largohet nga Interi, natyrisht se do të luajë për Real Madridin. Unë mendoj se nuk do të jetë e vështirë që të dy presidentët të arrijnë marrëveshje”, tha Antonio Caliendo për Calciomercato.

Massimo Moratti, president i Interit, beson se futbollistët Mario Balotelli dhe Douglas Maicon do të janë pjesë e skuadrës së tij edhe një kampionat.

“Është normale që futbollistët të thonë këto gjëra kur janë në bankinë. Është e kuptueshme, por mund të them se Mario nuk do të largohet. Ai e ka respektin tim siç e kanë të gjithë ata të tjerët të cilët na kanë dhuruar një kënaqësi të jashtëzakonshme gjatë këtyre viteve. Nuk jam i befasuar që Maicon i ka thënë ‘jo’ Real Madridit. Ai i pëlqen ngjyrat tona”, tha Moratti.

Douglas Maicon, mbrojtës i Interit, nuk mund ta paramendojë veten pa Jose Mourinhon.

Maicon ka shprehur gatishmërinë të jetë pjesë e Realit po qese e thërret Mourinho. Puna e Mourinhos Maiconit i ka lënë përshtypje të jashtëzakonshme.

“Ne kemi bërë histori, por këtë e kemi ditur. Ne kemi biseduar për atë para ndeshjes. Kjo është një gjë vërtet e mrekullueshme për ne, mahnitëse. Shumë urime dhe faleminderit Mourinhos që është trajner dhe njeri i madh. Unë do të qëndroj tek Interi, pasi që kam kontratë. Nëse Mourinho më dëshiron te Reali, atëherë do të shohim nëse Moratti do të pajtohet”, tha Maicon.

Vazhdimisht lojtarët bëjnë krahasime për bashkëlojtarët e tyre me ndonjë futbollist tjetër.

Një gjë të tillë e bëri edhe mbrojtësi i Interit, Douglas Maicon, i cili ka vlerësuar kolegun e tij nga skuadra Mario Balotellin, për të cilin ka thënë se është shumë më i mirë se bashkëkombësi i tij Alexandre Pato.

“Si Balotelli ashtu Pato janë dy futbollist të kalibrit botëror. Ata arritën që nga asgjëja të bëhen figura me rëndësi në komunitetin e futbollit. Sipas meje Ballotelli është më i mirë, të paktën unë kështu mendoj edhe pse edhe Pato është një futbollist i shkëlqyeshëm.

Mbrojtësi i djathtë i Interit, Douglas Maicon, ka arritur marrëveshje të re me kampionin e Serie A.

Brazilian ka qenë i shqetësuar për gjendjen e tij me Interin muajve të fundit, duke nxitur spekulime se ai mund të largohet për në Spanjë ose Angli.

“Praktikisht është një marrëveshje e arritur. Në thelb ishte ajo që ne pritëm dhe Interi iu ka kushtuar kujdes kërkesave tona”, ka thënë agjenti i lojtarit, Antonio Caliendo./Telegrafi/