Mesfushori portugez Deco ka nënshkruar marrëveshje dyvjeçare me klubin brazilian Fluminense.

Deco edhe zyrtarisht është larguar nga Evropoa, pasi portugezi ka nënshkruar marrëveshje me Fluminense për të cilin ekip do të luajë gjatë dy viteve të ardhshme.

Ish-lojtari i Barcelonës dhe Chelseat është transferuar te ekipi brazilian si lojtar i lirë. Për këtë arsye edhe paga e tij do të jetë dukshëm më e lartë, dhe sipas informatave ai do të përfitojë 9 milionë dollarë në vit.

Mesfushori i Chelseat, Deco, tha është në prag të marrëveshjes me klubin e elitës së futbollit brazilian, Fluminense.

Deco ditë më parë braktisi fanellën e kombëtares së Portugalisë dhe tash është afër që të luajë në Fluminense, e cila ka synime për pjesën e lartë të elitës së Brazilit. Portugezi pritet të nënshkruajë kontratë 18 muajshe dhe do të prezantohet më 15 korrik.

“Nëse Chelsea më lejon të largohem, unë ia kam dhënë fjalën Fluminenses edhe pse nuk kam nënshkruar ndonjë parakontratë. Nëse koha ime në Londër përfundon, atëherë do të luaj në Brazil”, tha Deco.

Futbollisti Deco, edhe përfundimisht i ka thënë lamtumirë kombëtares së Portugalisë.

Deco ka qenë shumë i dashuruar me kombëtaren portugeze, por cilat janë arsyet që u largua?

“Për arsye personale kam vendosur që mos të luajë më me përfaqësuesen, mirëpo Portugalia përgjithmonë do të mbetet në zemrën time”, – tha Deco.

Futbollisti me prejardhje braziliane që ka 32 vjet ka zhvilluar 75 ndeshje me Portugalinë dhe ka shënuar pesë gola.

Futbollisti i Chelseat, Deco, ka gjasa të luajë për skuadrën braziliane, Fluminense.

Deco ka konfirmuar mundësinë e largimit nga kampioni i ri anglez dhe mundësitë e këtij mesfushorit janë të shkojë në Fluminense.

“Ka shumë mundësi të luaj për Fluminense, por për momentin nuk mund të them asgjë pasi kam marrëveshje me Chelsean. Do të vendosi pas Kupës Botërore. Nuk vij në Brazil për ta përfunduar karrierën. Vij për të luajtur. Besoj se edhe disa vite mund të luaj në nivelin më të lartë”, tha Deco.

Futbollisti portugez, Deco, nuk e ka ndërmend të qëndrojë edhe më tutje në Chelsea.

Ky futbollist dëshiron të largohet dhe destinacioni i ri do të jetë Brazili. Për Chelsea pas skandalit të Terryt do të jetë goditja e radhës nëse largohet Deco.

“Dua të rikthehem në Brazil. Ende kam disa vite të mira të futbollit cilësor në mua, por dua të jem afër fëmijëve të mi”, tha Deco.

Skuadra turke Fenerbahce është shumë pranë transferimit të tre super yjeve botërore Thierry Henry, Ronaldinho, dhe Deco, sipas njoftimeve nga mediumet turke.

Presidenti i Fenerbahces Aziz Yildirin para se të zgjidhej president kishte premtuar se do të sjellë tre yje mirëpo këtë ende nuk e ka bërë. Ky i fundit ka dhënë garanci se një gjë të tillë do ta bëj gjatë kësaj vere, duke menduar që të transferoj yjet si Henry, Ronaldinho apo Deco.

Henry e ka bërë të qartë se do të largohet nga Barcelona, kurse Deco nuk është i kënaqur me pozitën e Ancelottit. Nëse Dinho nuk ftohet për kampionat botëror ai nuk ka se për çfarë të qëndroj më te Milani.

Përndryshe Aziz Yildirin është njëri prej miqve më të mirë të Berlusconit, dhe një transferim i Dinhos, ndoshta tashmë është fakt i kryer.

I gjithë ky plan mendohet se do të realizohet në një paketë prej 70 milion eurosh. Aziz Yildirin njihet edhe në të kaluarën për transferime kontraverse të yjeve të mëdha, siç ishte ai i Roberto Carlosit që në atë kohë kërkohej nga disa top skuadra botërore.

Deco është i ngazëllyer me rikthimin e tij në mesfushën e Chelseat pas fitores ndaj Preston në Kupën FA.

Takimi ishte i pari për portugezin në pesë javët e fundit dhe rezultoi me fitore të bluve dhe kualifikim në rundin e pestë të Kupës.

“Ekipi kishte nevojë për mua të rikthehem dhe të luaj në pozitën ku përshtatem më së miri. Jam ndjerë mirë, lëndimi është kaluar por pas një edhe dy ndeshjesh do të jem krejtësisht në formë”, ka thënë Deco./Telegrafi/