Përfaqësuesja kuqezi ka zhvilluar seancën e fundit stërvitore në stadiumin e Dinamo të Minskut, ku të martën do të përballet me Bjellorusinë.

Përballja e katërt në Grupin D e gjen Shqipërinë në një situatë jo të mirë, për shkak të mungesave të shumta, si Lorik Cana, Erjon Bogdani apo Debatik Curri.

Mungesat e kanë detyruar ndihmësin e Kuzes që në mbrojtje të vendosë mes Telit dhe Beqirit, ndërkohë që në sulm, Bogdani nuk do të zëvendësohet me askënd, duke qenë se Shqipëria ta fillojë ndeshjen me një sulmues të vetëm, Hamdi Salihin, i cili do të ndihmohet nga Ervin Skela. Në mesfushë do të luajnë gjithashtu Bulku, Lila, Agolli dhe Muzaka.

Ndërkohë, njoftohet se kundërshtari i Shqipërisë, Bjellorusia, nuk do të ketë të gatshëm sulmuesit Sergei Kornilenko dhe Vitali Kutuzov, ndërkohë që në dyshim është edhe Aleksander Hleb.

Mbrojtësi i Genclerbirligit dhe i kombëtares shqiptare, Debatik Curri shprehet  kundër mbivlerësimit të kuqezinjve para Rumunisë

Është hera e dytë që kthehet në grumbullimet e kombëtares dhe më nuk e ka problemin e adaptimit në rolin e ri, pasi që nga transferimi i tij te Genclerbirligi në Turqi, Debatik Curri vazhdon të luajë vetëm si qendërmbrojtës.

“Tash po e kam më lehtë të ambientohem në kombëtare, pasi që të njëjtin rol e kam edhe në skuadrën e re”, tha Curri.

Prishtinasi kërkon që të mos fryhet shumë ajo çfarë thonë mediat rumune para ndeshjes së premtes, se kinse kuqezinjtë po përgatisin hakmarrje dhe kërkon që ekipi të qëndrojë me këmbë në tokë. Mediat nga Bukureshti kanë shkruar sikur Shqipëria është një mision i parealizueshëm i kombëtares së tyre, ndërsa këtë e kanë transmetuar mediat në Tiranë, duke i kontribuar një klime jo reale sipas fuqive të futbollit në bari.

“Nuk do të luajmë për t’u hakmarrur, atë ndeshje tashmë e kemi harruar, pastaj fjala është për një fillim të ri të kualifikimeve ku duhet të paraqitemi sa më mirë. Edhe pse nuk duhet mohuar që kemi luajtur mirë dhe kemi marrë rezultate pozitive në serinë e fundit të ndeshjeve, ne duhet të qëndrojmë me këmbë në tonë. Nuk duhet harruar se Rumunia është një ekip shumë i fortë dhe i mirë sidomos në aspektin teknik”, tha Curri.

Por, çka pret realisht Curri nga takimi i së premtes në

“Realisht, shpresoj të mos pësojmë humbje fare apo edhe një barazim të paktën ta nxjerrim”, tha ai.

Megjithatë futbollistët kuqezinj premtojnë maksimumin, pas humbjes turpëruese të vitit 2007 (6:1). “Nëse u referohemi statistikave, vërtet jemi shumë larg Rumanisë, por bazuar në mundësitë reale të momentit, mund të ballafaqohemi me dinjitet ndaj kujtdo kundërshtari. Me statistikat duhet të merret media më shumë, ndërsa ne jo edhe aq. Dy ndeshje kanë shumë ndryshim, madje edhe kur luhen në harkun e dy ditëve. Ne mund të mundemi më keq, por kjo nuk do të thotë se humbja erdhi për shkak të “6-1”-shit të parë. Ne lojtarët kuqezinj e kemi hequr nga mendja atë disfatë, ndoshta duhet ta bëni edhe ju mediat këtë. Tani gjithçka është ndryshe, sepse është një ndeshje komplet e re”, tha Hamdi Salihi, sulmuesi i kombëtares.

Kombëtarja kuqezi ka zhvilluar një ndeshje stërvitore me Apolloninë e Fierit që përfundoi pa fitues (1:1). Pas takimit trajneri Josip Kuzhe ishte shprehur i pakënaqur nga loja.

Rumunia i ka humbur tre lojtarë për shkak të lëndimeve (Cristian Sapunaru, Mihai Raduţ dhe Cristian Tanase) duke ftuar tre futbollist në fund si Cosmin Contra, Costin Lazar dhe Mihai Roman.

Ndeshja Rumuni – Shqipëri, luhet në ora 20:00 (21:00 sipas kohës lokale) në stadiumin e klubit Ceahlul (18 000 ulëse) të qytetit verior, Piatra Neamt të Rumanisë.

Debatik Curri rrëfen për “Bota Sot” ditët e para turke me fanellën e Genclerbirligi

Pas nënshkrimit të kontratës, bartjes në Ankara, Debatik Curri i është përveshur punës së tij me klubin e Genclerbirligi. Pas katër vjetësh në futbollin ukrainas me ekipin e Vorskla Poltavës, ai kishte vendosur të kalonte në një kampionat më të njohur.

Në një bisedë ekskluzive nëpërmjet lidhjes telefonike nga Austria ku ekipi i tij është duke kaluar një fazë stërvitore, Curri ka folur për ditët e tij të para turke.

“Më ka befasuar pritja shumë e mirë në klubin e ri. Ekipi më ka përjcellur gjatë paraqitjeve të mia në kombëtare dhe këtu jam i angazhuar si qendërmbrojtësm, detyrë e njëjtë që e bëjë edhe me kombëtaren, ndonëse tek Vorskla luaja më i avancuar si mesfushor. Besoj se ky rol ku jam vendosur përfundimisht do të më ndihmojë edhe më shumë në paraqitjet në kombëtare”, tha Curri. Ai është i vetdijshëm se do të ketë punë me disa nga sulmuesit më të mirë në Evropë, si Milan Barosh, Harry Kewell, Daniel Guiza etj..

“Mendoj se kampionati turk është shumë i fortë, ka 18 skuadra që kanë bërë vërtetë transferime të mira. Mendoj se me një pregatitje të mirë dhe me angazhim do të luaj rregullisht. Besoj se do të jetë një eksperiencë e mirë, ndonëse kam një eksperiencë me sulmues të njohur, jam i vetëdijshëm se do të jetë vështirë, pasi që do ekip ka lojtarë të mirë. Por besoj se do t’ia dalë”.

Genclerbirligi është duke kryer një fazë përgatitore jashtë Turqisë.

“Aktualisht jemi në fazën përgatitore në Austri, ku do t’I zhvillojmë katër ndeshje miqësore ndër to edhe me Arsenalin e Londrës. Është një dallim i madh ndërmjet Vorsklës dhe Genclerit, këtu punohet shumë, më shumë se në Ukrainë, kemi një trajner gjerman, Thomas Dol që kërkon punë, kurse edhe klubi është më i madh dhe më shumë i organizuar”, tha Curri.

Te skuadra kuqezi prishtinasi do të bartë fanellën me numër 5. “Kam kërkuar fanellën me numër 5, sikur në kohët kur luaja në Prishtinë. Është numër që më ka pëlqyer gjithmonë”.

Te kjo skuadër janë edhe Labinot Harbuzi dhe Bekim Balaj i transferuar këtë verë nga Vllaznia e Shkdorës. “Kryesisht jemi bashkë. Labinoti ka pasur një operacion të vogël në Suedi dhe e gjithë skuada presim të kthehet së shpejti në fushë”.

Futbollisti 26 vjear tha se ndjehet i kënaqur se do të luajë në një kampionat me Lorik Canën. “Besoj se do të kemi një derbi shqiptar, që do të jetë ineteresant. Më erdhi shumë mirë që Loriku erdhi në Turqi”, tha ai.

(b. s.)

b o x

T: Cavcav e njeh karakterin shqiptar

Pronari i klubit Genclerbirligi, Ilhan Cavcav është me prejardhje shqiptare, ndërsa Curri tregon për takimin e parë me të.

“Kur u takova për kontratë, më tregoi se babai i tij ishte nga Prishtina. Ndër të tjera më tha se e njef shumë mirë karakterin shqiptar”, tha anëtari i rregullt i kombëtares shqiptare, me të cilën ka luajtur 30 ndeshje deri më tani dhe ka shënuar një gol.

Kombëtarja të vazhdojë ritmin e fitoreve

Mesfushori i kthyer në qendërmbrojtës, beson se me fanellën e dytë kuqezi, atë të kombëtares pret rezultate të mira edhe në kualifikime.

“Besoj që jemi në një fazë tëe mirë, tri takimet e fundit miqësore i kemi fituar dje kjo na ka shtuar vetbesimin. Do të mundohemi të vazhdojmë këtë ritëm dhe të mos pësojmë humbje. Ndonëse, kualifikimet janë tjetër nga ndeshjet miqësore, ku presioni i rezultatit është më i madh. Është grup i vështirë i kualifikimeve, por mendoj se edhe ne duhet të kemi synimet e tona dhe duhet të japim maksimumin në do ndeshje. Jam i bindur se këtë edicion të garave do të tregojmë lojë edhe më të mirë”, tha prishtinasi.

Mbrojtësi shqiptar, Debatik Curri, nuk e ka pranuar rinovimin e kontratës me Vorskla Poltavas.

Kjo ka mjaftuar që marrëdhënia të kriset. Marrëveshja e 26-vjeçarit me klubin që luan në Vorskla Poltavas përfundon pas gjashtë muajsh, ndërsa ai duket se ka ndërmend të provojë aventurën në një tjetër ekip.

Megjithatë, tani gjithçka është shndërruar në një luftë nervash, ndërsa nuk ka munguar edhe presioni nga ana e trajnerit të skuadrës, Nikolai Pavlov.

Ky i fundit ka folur ashpër rreth sjelljes së Currit, madje ka pohuar publikisht se nëse futbollisti vazhdon të refuzojë rinovimin e kontratës, ai nuk do të përfshihet në planet për kampionatin e ri.