Futbollistët e Tottenhamit më në fund zunë vendin e katërt në premierligë dhe arritën të sigurojnë vendin në Champions League në futboll.

Në ndeshjen e mbetur të javës së 37-të, Tottenham si udhëtues e mposhti rivalin direkt në luftë për vendin e katërt Manchester Cityn. Tottenham fitoi me rezultat 1:0 dhe kësisoj një javë para përfundimit të premierligës zë vendin e katërt me 70 pikë dhe lënë pas vetes Manchester Cityn me vetëm 64 pikë në vendin e pestë.

Në minutën e 82-të të ndeshjes, pas një harkimit të mrekullueshëm të futbollistit Kaboul për mrekulli ndërhyn me kokë Crouch dhe shënon golin e fitores për rezultatin 1:0. Gëzim i madh për Tottenhamin dhe dëshpërim te Manchester City.

Trajneri i Manchester Unitedit, Sir Alex Ferguson, është i zhgënjyer me eliminimin e skuadrës së tij nga Champions League në futboll.

As rikthimi i sulmuesit më të mirë, Rooney, nuk ndihmoi që Manchester Unitedi të gjejë kualifikimin për në gjysmëfinale. Manchester Unitedi ia pa sherrin golit të Robbenit, i cili e përmbysi të tërin. Në fakt edhe Rafael ka pak a shumë faji për eliminimin e skuadrës së Manchester Unitedit, i cili mori kartonin e dytë të verdhë qysh në minutën e 50-të, kur e ka lënë në fushë më një futbollist më pak skuadrën angleze.

Ferguson mendon se nuk ka qenë edhe kualifikim i merituar i bavarezëve. “Me njëmbëdhjetë futbollist ne nuk kishim problem, por futbollisti i ri, Rafael, tregoi se nuk ishte i gatshëm për këtë ndeshje. Por Bayerni e përjashtuan atë duke vrapuar të gjithë drejt gjyqtarit, tipikë gjermanë. Çelësi kryesor ishte goli i parë para përfundimit së pjesës së parë dhe dërgimi jashtë loje i të riut.

Problemi ishte se pa një futbollist ata e poseduan topin dhe u mbrojtëm shumë mirë”, tha Ferguson. Strategu anglez me gjithë mllefin e eliminimit nga kjo garë prestigjioze, mendon se skuadra e tij luajti mirë. Ky eliminim ka shokuar të gjithë dashamirët e futbollit jo vetëm në “Old Trafford”, por në përgjithësi në Evropë, pasi “Djajtë e kuq” ishin llogaritur edhe favoritë të plotë. Bayerni dëshmoi edhe njëherë se është skuadër që din të luftojë deri në qindtat e fundit të sekondave për rezultat pozitiv.

Njeriu që po mërzitet më së shumti për eliminimin nga Champions Leagua te skuadrës së futbollit Milani padyshim është Silvio Berlusconi, president i rossonerëve.

Berlusconi nuk po mundet të merr me mend jo vetëm eliminimin, por edhe humbjen e skuadrës së tij me shifrat katastrofë 3:2, 4:0 që do të thotë në ndeshje të ketë bilanc negativ 7:2 nga Manchester Unitedi.

“Po qaj… po lotoj për Milanin. Vërtet, nuk dua të flas për futboll për momentin”, raportohet të jetë shprehur Berlusconi. Tashmë Milanit i mbetët ngushëllimin të gjejë në kampionatin italian që të fitojë titullin e kampionit.

Porto edhe njëherë është dëshmuar para adhuruesve se është skuadër që vështirë mposhtej.

Skuadra e Portos nga Portugalia shënoi fitore me rezultat 2:1 ndaj Arsenalit nga Londra e Anglisë, në ndeshjen e vlefshme të tetës së finales të Champions Leagua.

Kjo epërsi për Porto do të jetë e mirëseadhur për ndeshjen e kthimit e cila zhvillohet pas dy jave në Londër. Porto dëshmoi lojë të fortë dhe burrërore dhe si rrjedhojë e kësaj edhe shënoi fitore. Futbollisti Varela në minutën e 11-të shënoi për epërsinë e skuadrës së Portos, mirëpo pas tetë minuta londinezët e barazuan rezultatin 1:1 nëpërmjet futbollistit Campbell.

Në pjesën e dytë të ndeshjes Porto e ka siguruar fitoren me rezultat 2:1 pikërisht në minutën e 51-të nga futbollisti Falcao. Kjo fitore për Porton do të thotë shumë, por edhe Arsenali me golin që shënoi në Porto i jep një epërsi të mirë vetes për ndeshjen e kthimit pas dy jave.

Lassana Diarra, mesfushor i Real Madridit mendon se ka ardhur koha që klubi mbretëror ta fitojë Champions Leagua në futboll.

Diarra një mesfushorë i spikatur është i bindur se synimet do të realizohen, por sipas tij, duhet pasur kujdes ndaj rivalëve që mos të befasohen papritur.

“Do ta fitojmë Champions Leagua. Është një garë e madhe. Ndeshja kundër Lyonit do të jetë e vështirë, sepse atyre iu pëlqen të luajnë kundër skuadrave të mëdha. Ne duhet të jemi të përgatitur që ta shfaqim futbollin tonë”, tha Diarra.

Carlo Ancelotti, menaxher i Chelseas, përpos që dëshiron ta fitojë kampionatin anglez, synon edhe Champions Leagua.

Ai beson te futbollistët e tij dhe mëton t’i përsërisë sukseset që i pasur me ish-klubin e tij Milanin. Ancelotti është i vetëdijshëm për konkurrencën shumë të fortë në premierligë dhe Champions Leagua, por me kapacitetin e futbollistëve që ka nuk dyshon në sukseset e tija.

“Konkurrenca në premierligë është shumë e fuqishme dhe nuk do të jetë e lehtë. Do ta krahasoja Manchester United me Interin, Arsenalin me Romën dhe Manchester Cityn me Fiorentinën.

Por dua ta krahasoj Chelsean me klubin tim të vjetër, Milanin. Nëse mund të arrijmë ndonjë prej arritjeve të kaluara të Milanit, nuk do të ishte aq keq”, tha Ancelotti.

Futbollisti Karim Benzema nuk ishte në stërvitjen e Real Madridit, për shkak të lëndimit të këmbës së majtë. Benzema do të mbetet jashtë fushës së paku për një javë.

Francezi nuk do të mund të luajë në ndeshjen e fundjavës që do të ballafaqohen me Xerezin, ndërsa është në dyshim edhe për takimin e Champions Leagua kundër ish-skuadrës së tij, Lyon.

Ky është njëri nga lajmet Më të këqija për klubin mbretëror, pasi që tash është kthyer nga lëndimi Gonzalo Higuan dhe po ashtu kthehet nga suspendimi Cristiano Ronaldo, dhe ai do ta ketë të vështirë të sigurojë një vend startues në skuadër.

Njëri nga sulmuesit më të mirë te Milanit, Alexandre Pato, shprehet optimist se lëndimi i tij se shpejti do të sanohet dhe do të jetë i gatshëm për supersfidën e Champions Leagua, kundër Manchester Unitedit.

“Ndjehem mirë dhe sigurisht se do të jem aty kundër Manchester United më 16 shkurt”, tha Pato. Nga ana tjetër, Pato nuk e ka marrë aq tragjike edhe humbjen nga Interi të dielën e kaluar.

”E kam parë derbin në TV. Ne humbëm por kampionati nuk ka mbaruar. Ka ende shumë ndeshje për t’u zhvilluar”, theksoi Pato.

Strategu i futbollit Jose Mourinho, njëherësh trajner i Interit, ka të gjitha njohurit për skuadrën e Chelseas.

Ai fare nuk merakoset për ndeshjen që do të ketë në Champions Leagua, pasi që, sipas tij, e njeh në detaje skuadrën angleze. Mourinho mendon se Interi në çdo javë vetëm se po bëhet më i mirë në prag të ndeshjes së Champions Leagua dhe qysh tashmë është i gatshëm të ballafaqohet me këtë skuadër.

“Mendoj se kjo skuadër është më e mirë se ai i vitit të kaluar, është shumë më i mirë. Normalisht nëse secili është në formë të mirë, ne kemi më shumë zgjidhje. Kundër Milanit, Eto’o nuk ishte këtu, Chivu po ashtu nuk ishte. Andaj me gjithë problemet ne jemi një skuadër me më shumë zgjidhje.

Jemi skuadër më e mirë. Kjo është skuadër e fortë, një skuadër e ideve të mia”, tha Mourinho. Jose Mourniho për ndeshjen e Champions Leagua që do të ketë ndaj Chelseas, mendon se Interi dhe Chelsea janë skuadra të barabarta sa i përket cilësisë.

Jose Moruinho ka një përparësi për faktin se një kohë ka qenë trajner i Chelsea dhe ka njohuri të kësaj skuadre që nuk do t’i paraqet edhe problem për të kaluar këtë rreth të Champions Leagua. “Ne e dimë se kemi një super kundërshtar, por Chelsea e di se ata nuk do ta kenë të lehtë me ne.

I njoh ata, por edhe ata më njohën mua. I njoh lojtarët individualisht, sigurisht, por shumica e tyre e njohim mentalitetin tim dhe e dinë se si jam unë si menaxher dhe lider. Andaj në këtë aspekt askush nuk ka epërsi”, tha Mourinho.

Njëri prej mesfushorëve më të mirë në botë, Leite Kaka, ka thënë se me skuadrën e tij, Real Madridin, do të fitojnë Champions Leaguan në futboll.

Ai është i bindur se Reali ka potencial dhe të gjitha parakushtet për të korrur një sukses të tillë që prej kohësh e presin adhuruesit madridas.

Kaka tha se gara evropiane është prioritet për klubin mbretërore, dhe qëndron para garës për titullin e kampionatit spanjoll. “Do të ishte ëndërr të arrijmë në finale në Bernabeu. Do të bëjmë gjithçka për të arritur atje. Më shumë do të doja të fitoj titullin e Champions Leagua, ky është turneu më i rëndësishëm”, tha Kaka.