Sa vjen e bëhet më interesant Kampionati Botëror që po mbahet në Afrikën e Jugut.

Tani kur kanë mbetur vetëm tetë kombëtare në garë për trofeun e Kupës së Botës, trajnerët e tyre e kanë më të vështirë, pasi çdo gabim mund t’i kushtojë me eliminim nga gara. Në takimin e të premtes mbrëma do të ballafaqohen dy kombëtare me histori në futbollin botërorë. Pesë herë kampioni i botës, Brazili dhe Holanda, e cila dallohet për arritjet e saja në finale, por që asnjëherë nuk e preku kurorën e artë.

Por ajo që e bënë këtë ndeshje edhe më interesante është takimi i dy shkollave krejtësisht të kundërta të futbollit. Përderisa Brazili i Dungës e ka ndryshuar tërësisht lojën nga ajo që e kemi parë kampionateve të mëparshme. Tani ata aplikojnë lojë të kujdesshme në mbrojtje duke mos e qarë kokën edhe aq shumë për spektakël.

Tulipanët vazhdojnë të kënaqin me lojën tyre sulmuese. Brazili kaloi grupin pa asnjë humbje duke shënuar dy fitore dhe një barazim, ndërkaq holandezët nga tri ndeshjet e zhvilluara në grupe shënuan po aq fitore. Që të dyja këto kombëtare që mëtojnë kreun e kësaj gare, edhe ndeshjet e para eliminatore i kaluan pa asnjë problem duke i mposhtur kombëtaret nga kontinentet e tyre përkatëse.

Brazili në ballafaqim me Kilin, nuk hasën në asnjë moment në rezistencë të kilianeve, të cilët i mposhtën bindshëm. Edhe tulipanët pa ndonjë problem të madh ia dolën të dërgojnë në shtëpi Sllovakinë, e cila bëri befasi, duke ardhur kaq lartë. Holandezët luajtën aq sa iu desh që të siguronin fitoren edhe po të shikohet rezultati prej një goli dallim mund të lërë të kuptohet për rivalitet më të madh.

Por tani si njëra ashtu edhe skuadra tjetër do ta kenë mjaftë të vështirë. Brazili megjithëse në shikim të parë parashikohen si favoritë, ata në radhët e veta po hasin në mungesë të disa lojtarëve kryesorë. Pos mungesës së mesfushorit Ramires, i cili është i suspenduar për shkak ta kartonëve të verdhë, është konfirmuar edhe mungesa e mesfushorit me tipare sulmuese, Elano për shkak të lëndimit.

Po për shkak të lëndimeve deri në momente e fundit është e dyshimtë paraqitja e Filpo Melos e Babtistas. Mungesa e tij pritet të jetë evidente pasi ai la gjurmë në takimin fundit kundër Kilit. Përzgjedhësi holandez, Bert Van Oranje Marëijk, është me fat pasi mund të llogaritë në të gjithë futbollistët e ftuar nga ai.

Holandezët pritet të paraqiten edhe kësaj radhe me formacion e njëjtën, nga loja e kaluar. Në portë Stekelenburg, në vijën e mbrojtës do të jenë, Wiel Van der, Heitinga, Mathijsen, Van Bronkhorst, mesfusha do të përbehet nga Van Bomel, De Jong, Robben, Sneijder, Kuyt, si me Van Persin i cili do të jetë në qendër të sulmit.

Ndërkaq brazilianët kanë paralajmëruar këtë përbërje para portierit Huloi Cesar, në mbrojtje do të jenë Maicon, Lucio, Juan, Bastos, ndërkaq mesfusha do të përbehet me Gilberto Silva, Josue, Alves, Kaka, Robinho dhe pikën sulmuese do ta kompletoj, Luis Fabioano.

A. L.

Box

Përbërjet e mundshme

Holanda (4-2-3-1): Stekelenburg, Wiel Van der, Heitinga, Mathijsen, Van Bronkhorst, Van Bomel, De Jong, Robben, Sneijder, Kuyt, Van Persie.

Brazil (4-2-3-1): Julio Cesar, Maicon, Lucio, Juan, Bastos, Gilberto Silva, Josue, Alves, Kaka, Robinho, Luis Fabiano.

Përzgjedhësi i Kilit, Marcelo Bielsa, ka pranuar humbjen si burrat nga Brazili. Ai tha se Brazili ka qenë më i mirë dhe duhet uruar për fitore.

Përzgjedhësi Bielsa tha duhet të jemi korrekt për faktin se Brazili ka qenë superior. Kështu është arsyetuar para popullit të Kilit.

“Ne kemi arritur në të tetën e finales, eliminimi i ekipit është i justifikuar. Ndoshta kemi mundur të pësojmë një humbje më të lehtë, por superioriteti i Brazilit ishte shumë për ne. Ne nuk ishim në gjendje t’i ndalim ata. Sa i përket të ardhmes time si trajner, tani nuk është koha të flas për këtë”, tha Bielsa.

Kombëtarja e Brazilit shënoi fitore të lartë me rezultat 3:0 ndaj Kilit, në ndeshjen e të tetës së finales së Kampionatit Botëror në futboll.

Brazili ‘shkeli’ edhe rivalin e radhës, kësaj radhe Kilin. Brazili shkëlqeu në të gjitha aspektet, duke dëshmuar njërën prej lojërave më të mira në botëror. Brazilianët me lojën ndaj Kilit dëshmuan se janë favoriti kryesor që ta fitojnë botërorin. Brazilianët dëshmuan lojë superiore, duke mos lejuar për asnjë çast që t’i rrezikohet fitorja.

Brazilianët të udhëhequr nga Kaka, Robinho, Fabiano, Maicon e futbollistë të tjerë ishin të pandalshëm për skuadrën rivale. Në pjesën e parë të takimit, brazilianëtr heshtën kilianët. Kili u mbrojt deri në minutën e 35-të me mjaft sukses, por nga kjo minutë nuk ka qenë në gjendje t’i bëjë ballë lojës sulmuese të brazilianëve.

Brazili shpërtheu me lojë të bukur, me gola dhe sjellë gëzimin te adhuruesit e saj. Pikërisht në minutën e 35-të Maicon nga korneri harkoi për bukuri, ndërsa futbollisti Juan ka shënuar me kokë dhe 1:0. Pas tre minutave lojë, Brazili shënoi edhe golin e dytë. Kaka futbollist i palodhshëm, me bisht të syrit ka vërejtur të pambuluar brenda 16-shit Luis Fabianon, i cili me mjeshtëri kaloi edhe portierin e Kilit, Bravo dhe 2:0. Edhe në pjesën e dytë ishte Brazili që shënoi gol.

Në minutën e 59-të, Ramirez bëri sllallom të vërtetë në mbrojtjen Kilit të shkapërderdhur, duke pasuar topin deri te Robinho, i cili nga 13-14 metra, ka dërguar gjuajtje sa mjeshtërore, aq edhe të saktë dhe 3:0. Kili në pjesën e dytë rrezikoi disa herë portën braziliane, por pa sukses. Pas disa rasteve të Kilit, duhet veçuar gjuajtjen e futbollistit Suaso nga largësia, por topi qëlloi transverzalen dhe largohet jashtë portës. Brazili kualifikohet në çerekfinale, ku takohet me Holandën, ndërsa Kili eliminohet nga botërori.

Brazili-Kili 3:0 (2:0)

Stadiumi “Ellis Park”, Johannesburg.

Shikues: 54096.

Gjyqtar: Weeb.

Shënues: Juan (35′), Fabiano (38′), Robinho (59′).

KV: Kaka, Ramirez (BR), Vidal, Fuentes, Millar (KI).

Brazili: Julio Cesar, Maicon, Lucio, Juan, Bastos, Silva, Fabiano (Kleberson), Kaka (Nilmar), Robinho (Gilberto), Alves dhe Ramires.

Kili: Bravo, Fuentes, Isla (Millar), Contreras (Tello), Carmona, Sanchez, Vidal, Suazo, Gonazalez (Valdivia), Beausejour dhe Jara.

Të hënën zhvillohen dy ndeshje. E para, Holanda-Sllovakia në orën 16.00 dhe e dyta, Brazili-Kili, në orën 20.30. Ballafaqimi latinoamerikanë, Brazil-Kili me padurim pritet nga dashamirët e këtij sporti.

Brazili i fuqishëm përballë Kilit që po dëshmon lojëra të mira në botëror. Të dy kombëtaret kanë pasur nismë të mirë në botëror dhe me sukses kaluan fazën e grupit. Kombëtarja e Brazilit me përzgjedhësin Dunga presin fitore kundër Kilit. Brazili në fazën e Grupi G ka shënuar dy fitore, një herë barazoi.

Ata mposhtën me rezultat 2:1 Korenë e Veriut, pastaj Bregun Fildishtë me shifra 3:1 dhe së fundi barazoi 0:0 me Portugalinë. Ndërkaq, kombëtarja e Kilit në Grupin H shënoi fitore ndaj Zvicrës me rezultat 1:0, gjunjëzoi Hondurasin me rezultat 1:0 dhe së fundi humbi 2:1 nga Spanja. Në përgjithësi Brazili llogaritet favorit në ballafaqim me Kilin.

Nga viti 2004 e këndej Brazili gjithherë e ka mposhtur Kilin. Për Brazilin asnjëherë Kili nuk ka qenë rival i denjë, por tash gjërat mund të jenë më ndryshe në botëror. Kili fitoren e fundit ndaj Brazilit e ka arritur me 15 gusht të vitit 2000, kur e pati mundur me rezultat 2:1 në fazën e grupit të Amerikës. Që nga ajo kohë e këndej Kili nuk di çka është fitorja përpos një barazimit që ka shënuar 0:0 në vitin 2004 me brazilianët.

Brazili vazhdimisht ka dominuar dhe ka traditë superiore ndaj kombëtares kiliane. Samba braziliane është favorite jo vetëm ndaj Kilit, por nga shumë njohës të këtij sporti vlerësohet si kandidati numër një për ta fituar botërorin. Ndërkaq, në ndeshjen tjetër takohen Holanda dhe Sllovakia, dy kombëtare më shumë të panjohura për njëri-tjetrin.

Holanda me traditë në botëror dhe Sllovakia që është hera e parë që merr pjesë në botëror, por në fakt çuan peshë botërorin. Sllovakët që eliminuan kampionin në fuqi të botës, Italinë, tashmë përgatisin formulën e gjunjëzimit edhe të ‘Tulipanëve”. Holanda në Grupin E ka shënuar tri fitore, duke mundur Kamerunin me rezultat 2:1, Japoninë 1:0 dhe Danimarkën me rezultat 2:0.

Sllovakia barazoi me Zelandën e Re 1:1, pësoi humbje me shifra 2:0 nga Paraguai dhe së fundi shënoi fitore historike 3:2 kundër Italisë. Holanda që ka një Robben të fuqishëm llogaritet favorite, por edhe Sllovakia ka lojën e vet. Holandezët nga bastet hiqen favorite të plotë, por në botëror gjithmonë kanë ndodhur befasitë dhe shumë herë ka fituar edhe kombëtarja që më së paku është pritur. Dy ballafaqime të së hënës priten me kureshtje: Brazili-Kili dhe Holanda-Sllovakia. /botasot

Pesë herë kampioni i botës, Brazili, më në fund shpalosi vlerat e veta ashtu si di dhe i ka hije, duke e demoluar me rezultat 3:1 kombëtaren e Bregut të Fildishtë, në ndeshjen e dytë të Grupit G në Kampionatin Botëror.

Brazili mrekulloi me lojë sidomos në pjesën e dytë e shfaqi lojën e vet të shpejt, me veprime të rrjedhshme. Luis Fabiano së bashku me Kakën dhe futbollistë të tjerë vazhdimisht kanë qenë në nivelin e lartë të detyrës. Deri në minutën e 25-të të takimit nuk pamë ndonjë rast të mirë të njërës apo palës tjetër.

Po këtë minutë, Kaka me një veprim të shkëlqyeshëm, si mjeshtër asistoi deri të Fabiano, i vetmuar nga një pozitë e vështirë dërgon gjuajtje të furishme që vetëm e ka shikuar me sy portieri i Bregut të Fildishtë, Barrry dhe 1:0. Në pjesën e dytë të ndeshjes, Brazili shpërtheu me lojë, me raste dhe me gola.

Fabiano padyshim ka qenë futbollisti më i mirë i ndeshjes, në stilin e skiatorit, bëri sllallom në 16-shin e Bregut të Fildishtë, duke kaluar tre futbollistë dhe shënuar për epërsinë 2:0 pikërisht në minutën e 52-të. Bregu i Fildishtë pati rast të mirë, por Drogba në minutën e 53-të nga një pozitë ideale me kokë gjuajti jashtë portës.

Pas nëntë minutave Kaka për mrekulli gjendet në 16-sh, por goditjen e tij mezi e mbrojti portieri Barry. Pas një minute (62′), Kaka depërton nga vija fundore duke pasuar një top të mrekullueshëm deri të Elano, i cili nuk e pati të vështirë të ngrit epërsinë në 3:0. Në minutën e 79-të Toure harkoi me dinakëri, ndërsa Drogba i pambuluar me kokë zvogëloi epërsinë në 3:1.

Në minutën e 88-të Kaka është ndëshkuar me karton të kuq pas një ndërhyrje me bërryl ndaj futbollistit të Bregut të Fildishtë. Brazili shënoi fitoren e dytë pas asaj ndaj Koresë së Veriut me rezultat 2:1. Këtë herë Brazili luajti ashtu si i ka hije, bëri lojë të hapur të mrekullueshme dhe është njëri prej kandidatëve për ta fituar botërorin. Brazili kryeson tabelën e Grupin G me gjashtë pikë dhe ka siguruar kalimin në tetën e finales.

Brazili-Bregu i Fildishtë 3:1 (1:0)

Stadiumi “Soccer City”, Johannesburg.

Shikues: 84455.

Gjyqtarë: Lannoy (Franca).

Shënues: Luis Fabiano (25′ e 52′), Elano (62′) për Brazilin dhe Drogba (79′) për Bregun e Fildishtë.

KV: Kaka (BR), Keine, Tiene, Tiote (BF).

KK: Kaka (pas dy kartonëve të verdhë)

Brazili: Julio Cesar; Maicon, Lucio, Juan, Michel Bastos; Gilberto Silva, Felipe Melo; Elano (Dani Alves), Kaka, Robinho (Ramires); Luis Fabiano.

Bregu i Fildishtë: Barry; Demel, Kolo Touré, Zokora, Tiéné; Yaya Touré; Eboué (Romaric), Tioté; Dindane (Gervinho), Drogba, Kalou (Keita).

Futbollisti Brazilian, Adriano, është prezantuar edhe zyrtarisht te skuadra e Romës.

Sulmuesi brazilian kampionatin e fundit ka luajtur në radhët e skuadrës së Flamengos nga Brazili, por tashmë ka nënshkruar kontratë trevjeçare me klubin romak. Mbi pesë mijë shikues ishin të pranishëm në çastin e prezantimit të Adrianos, i cili do të bart në shpinë numrin 8.

“Është një emocion i veçantë të prezantoj një kampion të madh. Investimi tek ai është një siguri për ne”, tha presidentja Rosela Sensi, ndërkohë që i dorëzoi brazilianit fanellën me numrin 8.

“Ndiej shumë përgjegjësi, por jam vërtet shumë i lumtur që ndodhem këtu. Tani jam më i pjekur”, tha Adriano. “Më bëhet qejfi për pritjen që më bëtë. Jam i bindur se do të zhvillojmë një kampionat fantastik, duke filluar që me ndeshjen e parë kundër interit. Mund të arrijmë shumë lart. E pranova marrëveshjen me Romën pa asnjë mëdyshje dhe mendoj të bëj vetëm punën time. Dua të tregoj që jam pjekur. Nuk më pëlqen të bëj premtime, por dua t’i tregoj vlerat në fushë”, tha Adriano.

Futbollisti i kombëtares së Brazilit, Ricardo Kaka, nuk është gjithaq i kënaqur me formën e tij që po dëshmon në ndeshjet miqësore në prag të botërorit në Afrikën e Jugut.

“Ndjehem shumë mirë. Gjëja e vetme që më mbeti është që të shkoj edhe pak përpara. Mezi pres të rikthej kënaqësinë e të luajturit rregullisht. Natyrisht se do të përmirësohem gjatë garës, kjo është gjëja që më kënaq më së shumti”, tha menjëherë pas ndeshjes Brazil-Tanzania, Kaka.

Brazili cilësohet si njëri prej favoritëve për ta fituar botërorin dhe për këtë është optimist edhe vetë Kaka. Brazili dy ndeshjet e para takohet me Portugalinë dhe Bregun e Fildishtë.

Sulmuesi i Brazilit, Luis Fabiano, është optimist se me Brazilin do të bëhen kampion të botës. Ai ka thënë se dëshiron të përsëris atë që bënë dy legjendat, Romario dhe Ronaldo.

Sipas tij, përzgjedhësi Dunga e ka një gjë të mirë që të gjithë futbollistët i trajton njësoj dhe nuk bënë dallime.

“Brazili duhet të fitojë Botërorin, çdo katër vite është e njëjta gjë. Jam gati për sfidën, unë dua t’i ndihmoj ekipit tim dhe të bëj atë që bënë Ronaldo e Romario. Secili trajtohet njëjtë. Ky është principi i Dungas. Nuk ka përjashtime për të ashtuquajturit ‘yje’. Të gjithë janë të rëndësishëm dhe unë ndjej mbështetjen e të gjithëve”, tha Fabiano.

Lëre që përzgjedhësi Dunga e hoqi Ronaldinhon nga kombëtarja e Brazilit, por tashmë ky yll i futbollit mund të përplaset edhe me klubin e Milanit.

Gazeta e njohur sportive italiane, “Il Corriere dello Sport”, tha se Milani shikon dhe dëshiron që Ronaldinhos t’i shkurtohet paga për 25 % nëse dëshiron qëndrimin në San Siro pas vitit 2011.

Ronaldinho me gjithë se është në formë të mirë gjatë këtij kampionatit, si duket nuk e presin ditët e mira. Ai ka kontratë edhe 15 muaj me Milanin dhe mbetet të shihet se çka do të ndodh më tutje me të.

Ronaldinhos mund t’i ofrohet një rinovim i kontratës që do ta mbajë në Milan deri në qershor 2013, por ai në vitet e ardhshme mund të fitojë gjashtë milion euro për kampionat.

Shumë kush çuditet sesi përzgjedhësi i Brazilit, Dunga, e pati lënë jashtë kombëtares Ronaldinhon, i cili kohët e fundit është në formën më të mirë.

Trajneri i Milanit, Leonardo, ka thënë se Ronaldinho është rikthyer në formën e tij më të mirë.

“Dy-tre vite Ronaldinho ishte jashtë forme, por tash ai është futbollisti më i rëndësishëm në Milan, dhe Dunga duhet ta ftojë atë në përfaqësuese.

Ronaldino pati një tregim të shkëlqyeshëm. Ai ishte më i miri. Por pastaj kishte disa probleme. Nuk stërvitej sa duhej dhe për dy-tre vite ishte në hije. Tash ai sërish stërvitet. Punon me ngulm dhe është i përqendruar. Ai është lider”, tha Leonardo.