Kreu i Federatës së Atletikës së Kosovës, njoftoi se atletët e kombëtares së Kosovës janë ftuar në dy garat ndërkombëtare.

Administratori i federatës, Bislim Berisha, tha se ftesat kanë ardhur nga organizatori i garës ndërkombëtare përkujtimore “Ylmaz Sazak”, e cila zhvillohet me 29 maj në Stamboll të Turqisë.

Ftesa e dytë vjen nga Kroacia përkatësisht nga Rijeka ku mbahet njëra prej mitingjeve më të forta në Evropë për juniorë.

“Në Stamboll do të paraqitem me Meriton Hasanajn, në disiplinën 1000 metra (seniorë), Fatmir Mehmeti në disiplinën 300 metra (seniorë) dhe për U-16 Gresa Bakrraqi (1500 metra).Ndërkaq, në Rijekë do të përfaqësojë Kosovën Astrit Kryeziu, i cili do të udhëhiqet nga trajneri Zijadin Kryeziu”, tha Berisha.

Trajneri i kombëtares së Kosovës, Afrim Belegu, është optimist se në Stamboll mund të shënojnë rezultate të mira megjithëse do të jetë konkurrencë shumë e fortë.

Drejtuesit e Federatës së Atletikës bënë të ditur se atletët janë të përgatitur mjaft mirë dhe pjesëmarrje në këtë dy gara është mjaft më rëndësi për atletet dhe atletët tanë.

“Vetë ftesa bënë me dije se atletika e Kosovës gradualisht po arrin të depërtojë në garat e ndryshme ndërkombëtare”, tha Berisha. /botasot

Kryetar i tashëm Halil Sylejmani, sërish do të jetë kandidatë për të rifituar këtë post. Sipas burimeve të sigurta, shumica e klubeve janë të interesuara që Sylejmani të mbetët kryetar.

Sylejmani në shumë raste e ka ndihmuar edhe me mjetet e tija atletikën dhe ka qenë ndër më meritorit për sukseset e atletëve si në rrafshin kombëtar po ashtu edhe në atë ndërkombëtar.