Sulmuesi uruguaian i Atletico Madridit, Diego Forlan, do të qëndrojë jashtë fushës për tri javë, pasi ka marrë një dëmtim të nyjës të mërkurën mbrëma në fitoren 1:0 në Kupën e Spanjës ndaj Espanyolit, përcjell faqja zyrtare e klubit madrilen të enjten.

Forlan është larguar nga ndeshja pas vetëm 15 minutave pas lëndimit që mori. Ai pritet të mungojë edhe në ndeshjen e parë kampionale të skuadrës së tij në vitin 2011 kundër Racing Santanderit.

Atletico Madridi ka shënuar fitore prej 2-1 si mysafir i Rosenborgut në ndeshjen e vlefshme të Grupit B të Europa League. Edhe Leverkuseni e ka mposhtur Aris Salonikin në kuadër të këtij grupi, ashtu që mban kreun me tetë pikë, një më shumë se Atletico.

Skuadra tjetër spanjolle, Villarreali ka pësuar humbje minimale prej 1-0 si mysafir PAOK Saloniki, duke humbur vendin e parë në Grupin D, të cilin tash e mbajnë Dinamo Zagrebi dhe PAOK, me nga një pikë më shumë se Nëndetësja e Verdhë.

CSKA Moska ka arritur kuotën e 12 pikëve në Grupin F pas fitores prej 3-1 kundër Palermos, skuadër e cila do ta ketë shumë të vështirë të kalojë fazën grupore të Europa League, pas asaj që ka treguar deri më tani.

Atletico Madridi është njëra nga skuadrat më të mira në Evropë dhe do t’i shkaktojë mjaft telashe Barcelonës në ndeshjen e fundjavës në Vicente Calderon- ka thënë mesfushori spanjoll Andres Iniesta.

“Është realitet se Atletico Madridi e ka fituar Superkupën e UEFA-s, ka fituar dy ndeshjet e para në La Liga, dhe ka lojtarë të rëndësishëm të cilat janë në formë të mirë. Do të jetë vështirë”.

“Shumë nga lojtarët e tyre janë ndërkombëtarë dhe sot, (Atletico) është një nga skuadrat më të mira në Evropë”, ka thënë Iniesta në një intervistë për Marca.

Futbollistët e Sevillës më në fund fituan edhe kupën e Mbretit në Spanjë në futboll. Ata në finale e zhvilluar në “Camp Nou” te Barcelonës, ishin më të mirë se fituesi i kupës së Europa League, Atletico Madridi, të cilën e mposhtën me rezultat 2:0.

Minutat e para të takimit dëshmuan se Sevilla do të ia dalë të shënoi fitore në këtë finale të madhe. Futbollisti Capel në minutën e pestë të ndeshjes ka shënuar gol, duke thyer moralisht skuadrën e Atleticos. Sevilla në vazhdim të ndeshjes mbrohej me sukses, ndërsa Atletico Madridi nëpërmjet Agueros e Forlanit nuk arritën që të shënojnë në portën e rivalit.

Kur pritej se Atletico mund të barazoi shifrat, Sevilla dyfishon rezultatin 2:0. Navas në minutën e 90-të ka realizuar gol dhe ka shuar të gjitha shpresat e madridasve për rezultat të favorshëm.

Te Sevilla ka qenë një gëzim jashtëzakonisht i madh, pasi fituan trofeun e parë gjatë këtij viti, kupën e Mbretit, ndërsa Atletico e Madridi duhet të mbetet e kënaqur që ditë më parë ka rrëmbyer trofeun e Europa League.

Sevilla me meritë shënoi fitore me rezultat 2:0, në një finale që pati pesë futbollistë të zverdhur me karton (katër të Sevillës dhe një i Atleticos). Në fakt, Atletico ka pasur topin në mbizotërim 57 për qind, ndërsa Sevilla 43 për qind. Fundja Sevilla realizoi golat dhe korri fitore.

Skuadra e futbollit Atletico Madridi me Fulhamin takohen në finalen e Europa League, e cila zhvillohet me 12 maj në Hamburg të Gjermanisë.

Liverpooli e mposhti në vazhdime me rezultat 2:1 në ndeshjen e kthimit skuadrën e Atletico Madridit, por kjo fitore nuk i bëri punë që të kualifikohen në finalen e Europa League. Ndeshja në kohën e rregullt përfundoi me rezultat 1:0 në favor të Liverpoolit, por, pasi ndeshja e parë kishte përfunduar 1:0 në favor të Atleticos, u desh të luhen vazhdimet dy herë nga 15 minuta. Skuadra e Liverpoolit në vazhdime nuk arriti të gjejë kualifikimin.

Në përgjithësi ka qenë një ndeshje mjaft e mirë dhe me veprime të rrjedhshme. Atletico e Madridit nëpërmjet Forlanit e Aguero vazhdmisht kërcënonin portën e portierit Reina te Liverpoolit. Një minutë para se të përfundoi pjesa e parë përkatësisht në minutën e 44-të, Liverpooli kaloi në epërsi nëpërmjet futbollistit Aquilanit.

Pjesën e parë Liverpooli e përfundoi me shifrat 1:0. Në pjesën e dytë të takimit, Liverpooli vazhdimisht kërkonte ta dyfishojë epërsinë, ndërsa Atletico ta barazojë rezultatin. 90 minutat e parë të ndeshjes përfunduan me shifra 1:0. Fituesi i kësaj ndeshje është përcaktuar pas 120 minutave.

Në minutën e 95-të një veprim shkollor i Liverpoolit, futbollisti Benayoun brenda 16-shi dërgon një gjuajtje të furishme dhe ngriti epërsinë në 2:0. Në minutën e 102-të Forlan nga afërsia ka shënuar gol dhe ngushtuar epërsinë në 2:1, duke futur ankth te adhuruesit e Liverpoolit.

Forlan sërish ka mundur të shënoi për të barazuar rezultatin në minutën e 112-të, por nga një pozitë e pastër gjuajti mbi portë. Ndeshja mes Liverpoolit dhe Atleticos përfundoi me rezultat 2:1 në të mirë të vendasve. Atletico kremton hyrjen në finale, ndërsa Liverpooli eliminohet nga garat dhe kokulur lëshon stadiumin. /botasot

Përkundër disfatës prej 3-0 nga Porto, para tifozëve të vet, Atletico Madridi do të jetë skuadra e tretë në Grupin D, që do të thotë se do të luajë në Europa League.

APOEL Nicosia barazoi me rezultat 2-2 përballë Chelseat në Stamford Bridge, mirëpo përkundër pikëve të barabarta me madrilenët, qipriotët eliminohen nga garat evropiane, falë një goli të pësuar në teren vendas nga Atletico.

Pas xhiros së gjashtë, nga Grupi D kualifikohen Chelsea dhe Porto, ndërsa Atletico Madridi do të bëjë gara në Europa League. /Telegrafi/