Arsim Abazi, trajner

Sllovenia – SHBA: Amerikanët janë në përparësi karshi Sllovenisë. Në bazë të paraqitjeve të saja në ndeshjet kualifikuese si dhe barazimit që e arritën në përballje me anglezët besoj që nuk do ta kanë vështirë. Amerikanët kanë një grup të mirë të cilat janë koordinuar mirë, ndërkaq Sllovenisë nuk besoj që do të kënaq ma shumë se me paraqitjen e saj në këtë botëror.

Anglia – Algjeria: Anglia është favorit në këtë takim. Ata nuk besoj që do të lejojnë të përsëritet ndeshja me SHBA-të, pasi çdo hap fallso do t’i kushtoj me largim para kohe nga garat. Algjeria është në mesin e skuadrave më të dobëta pjesëmarrëse në Afrikë, dhe nuk besoj që do të befasoj ishulloret.

Gjermania – Serbia: Kjo ndeshje pritet të jetë shumë interesante, edhe pse Serbia nuk ka treguar asgjë në ndeshjen e parë, presim që kësaj radhe ata t’i shfrytëzojnë të gjitha mundësitë që të bëjnë diç më shumë ndaj gjermanëve, nëse dëshirojnë t’i mbajnë gjallë shpresat për një kualifikim të mundshëm në rrethin e dytë. Gjermanët nëse e përsërisin lojën e të cilën e zhvilluan në xhiron e parë ndaj Australisë do shohim spektakël të vërtetë. /botasot

Skuadra e futbollit Ferizaj në ndeshjen e javës së fundit shënoi fitore me rezultat 2:1 kundër skuadrës së Gjilanit dhe kësisoj siguroi mbetjen në Raiffeisen Superligë.

Arsim Abazi, kryetrajner mënjeherë pas ndeshjes ka dhënë dorëheqje nga posti i kryetrajnerit ferizajas. Abazi me punën e tij që bëri së bashku me futbollistët me gjithë ato vështirësi që hasën siguruan mbetjen në ligë. Abazi ndahet me Ferizajn në mënyrë më të mirë, duke i lënë në shoqërinë elite.

Kryetrajneri i Ferizajt, Arsim Abazi, në qetësi e ka pritur lajmin se KF Prishtina është ankuar se Burim Çerkini ka luajtur me tre kartonë të verdhë.

“Sa e di unë nuk i ka pasur tre kartonë të verdhë Çerkini. Ka mbetur që të verifikohet nga drejtuesit e klubit tonë se kishte apo jo tre kartonë të verdhë. Nuk di çka të them njëherë pa u verifikuar gjërat. Është e mundshme të jetë bërë ndonjë gabim teknik ose është regjistruar ndonjë karton më tepër te kapiteni Çerkini. Në rast se verifikohet se i ka pasur tre kartonë të verdhë, atëherë gabimin duhet pranuar dhe natyrisht se humbim pikën që e fituam në fushë”, tha Abazi.

Ferizaj renditet në vendin e 9-të me 31 pikë .

Kryetrajneri i Ferizajt, Arsim Abazi, ka thënë se në Kastriot shkojnë të dëshmojnë lojë të mirë dhe të nxjerrin mos fitore të paktën një barazim me KEK-un.

Sipas Abazit, barazimit do të kishte vlerat sikurse të fitores, pasi që siguron vendin e gjashtë në tabelë.

“Është ndeshje më rëndësi të veçantë, pasi që të dyja skuadrave iu duhen pikët. KEK-u i duhet fitorja, ndërsa skuadrës sonë edhe barazimi i kryen punë të madhe që e renditet në gjashtëshin e parë, që vërtetë do të jetë sukses i madh për ne. Në këtë ndeshje do të paraqitem pa Burim Çerkinin e Kastriot Rexhepin, të cilët do të jenë një hendikep i theksuar”, tha Abazi.

Ferizaj në hapje të stinorit pranveror në Raiffeisen Superligën në futboll pësoi humbje në shtëpi 1:3 nga Trepça.

Arsim Abazi, kryetrajner i Ferizajt, tha se nuk bëhet fjalë për krizë, por në fillim mund të ndodhin rezultatet e papritura. “Nuk shoh krizë të lojës në klub. Humbja në start të edicionit pranveror mund t’i ndodh çdo klubit.

Ka edhe shumë ndeshje për t’u zhvilluar dhe të shohim pastaj. Nuk mund të them se nuk jemi të rrezikuar për rënie nga liga, por nuk jemi edhe aq keq në tabelë.

Në ndeshjen e parë të pranverës ka qenë vështirë të bëhet edhe analiza e lojës sepse fusha ka qenë me ujë e me baltë. Prandaj, duhet të presim ndeshjet e radhës dhe besoj se Ferizaj do të dëshmojë lojën e vërtetë”, tha Abazi. /botasot

Futbollistët e Ferizaj në çdo pikëpamjet janë të gatshëm për nismën e stinorit pranveror në Raiffeisen Superligën e Kosovës në futboll.

Arsim Abazi, kryetrajner i Ferizajt, tha se kushtet dhe rrethanat janë ato që diktuan që stinori pranveror në Raiffeisen Superligë të shtyhet deri më 14 mars. Mirëpo, ai beson se më nuk do të ketë shtyrje për faktin se do të ishte katastrofë. “Ferizaj është i gatshëm për betejat pranverore.

Shtyrja e stinorit dihet se është bërë për shkak të borës dhe gjendjes së fushave me baltë dhe ujë. Shpresojmë se nuk do të ketë më shtyrje të stinorit se vërtet do të ishte shumë keq. Ferizaj ka qenë skuadër që ka zhvilluar përgatitjet disaditëshe në Maqedoni dhe çdo shtyrje do të ketë ndikim negativ në formën e futbollistëve tanë. Prandaj, kam frikë se nëse ndodh edhe një shtyrje do të ndikojë edhe në rënien e formës së futbollistëve të mi, të cilët kanë punuar shumë në përgatitjet që ishim në Maqedoni.

Mirëpo, klubet duhet të jenë sa më syçelë dhe t’i rregullojnë ato fusha që të jenë sa më të gatshëm për gara. Shtyrja për klubin aspak nuk është e mirëpritur, por kushtet e diktuan këtë gjë”, theksoi Abazi. Ferizaj në stinorin vjeshtor zuri vendin e shtatë në tabelë me 25 pikë të tubuara dhe në pranverë mëton të jetë në mesin e gjashtë klubeve të para.

Kjo skuadër ka mbetur pa katër futbollistët të përbërjes së parë, si, Agron Istrefin, Përparim Livorekën, Shyqeri Alilin e Milaim Berishën, të cilët janë larguar gjatë këtij dimrit. “Natyrisht se pa katër futbollistë të përbërjes së parë nuk do të jetë edhe aq lehtë për ne që ta nisim stinorin pranveror.

Mendoj se me punën që kemi bërë kemi krijuar lojë mjaft kompakte dhe dëshmia më e mirë ka qenë edhe zhvillimi i pesë ndeshjeve miqësore në Maqedoni. Nga pesë ndeshje, katër herë luajtëm baras, ndërsa shënuam vetëm një fitore”, tha Abazi. Ferizaj shpreson se edhe në pranverë do të përsërisin lojërat e mira sikurse në vjeshtë.

“Në ndeshjen e parë të pranverës na pret sfidë shumë e vështirë, pasi kemi përballë kampionin vjeshtor, Trepçën nga Mitrovica. Ky do të jetë ballafaqim shumë i vështirë, por besoj se do të shfaqim lojë të mirë dhe në start të pranverës do të shënojmë fitore.

Mendoj se për ndeshjen kundër Trepçës do të jemi të gatshëm në çdo aspekt dhe do të arrijmë rezultat të favorshëm”, theksoi Abazi. /botasot

Kryetrajneri i skuadrës së futbollit Ferizaj, Arsim Abazi, tha se ende nuk i kanë nisur përgatitjet për stinorin pranveror.

“Përgatitjet më gjasë do të fillojnë me 15 janar, të cilat janë vonuar për arsye se jemi duke pritur apo kthehen katër futbollistë që janë shkuar në provë në skuadrën e futbollit Odra të Polonisë.

Futbollistët Abdyl Haliti, Shyqeri Alili, Burim Shabani, Labinot Shabani (portierë), deri më 15 janar ose firmosin ose kthehen në Ferizaj. Në rast se mbesin atje, për Ferizajn nuk do të jetë bash lehtë sepse duhet të kërkojë zëvendësime për këta futbollistë”, ka thënë Abazi.