Barcelona nuk është e gatshme të paguajë 40 milionë euro për të pasur kapitenin e Arsenal, Cesc Fabregas në radhët e saj.

Kërkesa e klubit anglez është vlerësuar si e ekzagjeruar nga presidenti i katalanasve, Sandro Rosell, edhe pse sipas tij, Fabregas ka shumë dëshirë të kthehet në ekipin ku nisi karrierën.

Edhe trajneri i Braca-s, Pep Guardiola është i vetëdijshëm se cdo lojtar ka një vlerë të caktuar në treg dhe Cesc vlen më pak se 40 milionë euro.

Arsenali planifikon të bënë Robin van Persien njërin prej futbollistëve më të paguar në klub së bashku me kapitenin Cesc Fabregas.

Sulmuesi holandez i cili ka shënuar 21 gola këtë sezon ka edhe dy vjet në kontratën e tij aktuale me vlerë prej 70 mijë funte në javë.

Por, sipas tabloidit anglez The Sun, klubi londinez synon ti afron atij një marrëveshje e re duke ia rritur pagën në 90 mijë funte në javë.

Van Persie iu bashkua Arsenalit nga Feyenoord në vitin 2004 për vetëm 2.75 milionë funte.

Babai i spanjollit në Arsenal, Cesc Fabregas ka pohuar për gazetën The Sun se djali i tij ishte aq në depresion pas eliminimit nga Liga e Kampionëve, sa që kërkoi të bënte vetëvrasje.

“Unë kam biseduar me Cescun pas ndeshjes dhe ai më ka thënë se është ndier aq i pa fuqishëm sa që kërkoi të bënte vetëvrasje. Ai mezi e priste këtë ndeshje. Ishte një ndeshje aq e veçantë për të, sepse ishte ndaj Barcelonës në Camp Nou”, tha i ati.

“Paraqitja e tij është ndikuar nga gjendja fizike. Nga momenti i parë ai e kuptoi se nuk është dashur të luajë. Pas dhjetë minutave ai filloi të ndjente dhimbje. Ai kërkoi të kontribuonte, por ishte lënë shumë prapa nga loja e mrekullueshme e Barcelonës”, deklaroi babai i Fabregasit.

Chelsea raportohet se është duke bërë plan ta bombardojë Arsenalin me një mega-ofertë për shërbimet e Cesc Fabregas.

The Sun shkruan se pronari i Chelseat, Roman Abramovich, do të përpiqet të tejkalojë çdo ofertë të Barcelonës, për të marrë shërbimet e kapitenit të Arsenalit.

Chelsea e sheh spanjollin si një partner ideal për Frank Lampard në mesfushë. Transferimi i Fabregas mund të ishte për një shumë shumë më të madhe se sa transferimi i fundit i Bluve, Fernando Torres, i cili erdhi nga Liverpool për 50 milionë funte.

Menaxheri i Arsenalit, Arsene Wenger, ka vënë një çmim prej 60 milionë funtesh për ta penguat transferimin e tij te Barca dhe bindi lojtarin të qëndrojë në Emirates. Por e ardhmja e mesfushorit pritet të ngrihet si çështje sërish në fund të sezonit.

Barcelona-Arsenal do të jetë sfida më e nxehtë e fazës së parë të eliminimit direkt të Ligës së Kampionëve.

Pikërisht atë që kishte ´frikë´ trajneri Arsene Wenger edhe ndodhi, Arsenali do të ketë përballë fuqinë më madhe aktuale të futbollit evropian, Barcelonën.

Një ndeshje po ashtu intriguese do të jetë edhe përsëritja e finales së vitit të kaluar, ku kampioni në fuqi i kësaj gare, Interi, do të ketë përballë finalistin tjetër Bayern Munich.

Edhe Real Madridi do të ketë një rival të njohur nga gara e vitit të kaluar, Lyonin, ndërsa ekipi tjetër spanjoll, Valencia, është caktuar përballë skuadrës gjermane Schalke.

Shorti i hedhur sot në selinë e UEFA-së në Nyon të Zvicrës po ashtu ka nxjerrë Romën përballë Shakhtar Donetsk, ndërsa Milanin përballë Tottenhamit.

Ndryshe nga Arsenali dhe Tottenhami, dy ekipet tjera angleze në këtë garë do të kenë sfida më të lehta. Manchester United është caktuar të përballet me kampionin e Francës, Marseille, ndërsa Chelsea do të ketë përballë Kopenhagenin.

Tetë sfidat që nxori shorti i Ligës së Kampionëve:

Tottenham         Milan
Schalke              Valencia
Man Utd             Marseille
Barcelona          Arsenal
B. Munich          Inter
Chelsea             Copenhagen
Real Madrid      Lyon
Shakhtar D.       Roma

Secila sfidë e dalë nga ky short do të zhvillohet në dy ndeshje. Ekipet që vijnë nga pozita e dytë (të dytat në rresht) do të jenë nikoqirë të rundit të parë të ndeshjeve, derisa ekipet që kanë pushtuar kreun e grupeve, do të kenë fatin të jenë nikoqirë në ndeshjet e kthimit.

Orari i ndeshjeve do të jetë kështu:

Ndeshjet e para: 15/16 dhe 22/23 shkurt 2011;
Ndeshjet e kthimit: 8/9 dhe 15/16 mars 2011.

Marouane Chamakh ka vendosur objektiv të shënojë 20 gola në sezonin e tij të parë në Arsenal.

Sulmuesi maroken ka shkëlqyer pas transferimit nga Bordeaux gjatë verës dhe me golin e javës së kaluar në Aston Villa e ngriti kuotën e tij në dyshifror.

“Për mua, nëse mund të realizoj 15 deri 20 gola, do të jetë një sezon shumë, shumë i mirë. E kam pasur lehtë të përshtatem dhe kjo më ka mundësuar të shpreh veten. Kjo është shumë me rëndësi”, tha Chamakh për www.arsenal.com.

Mbrojtja e Arsenalit dhe e Liverpoolit nuk do të përforcohet me transferimin e Philippe Mexes.

Mexes tashmë një kohë të gjatë spekulohej me largim nga kryeqyteti italian, mirëpo duket se klubi ka shprehur gatishmëri të përmbushë kërkesat financiare të futbollistit. Marrëveshja e re do ta mbajë Mexesin në Romë edhe për katër vite të tjera.

Marouane Chamakh ka zbuluar se starti i karrierës së tij si lojtar i Arsenalit ka qenë test i vështirë, pasi loja në Ligën Premier është shumë fizike.

“Unë kurrë nuk kam qenë në një gjendje të tillë në Bordeaux. Këtu gjërat janë të një dimensioni tjetër. Ndaj West Hamit unë kam pasur dhimbje të tmerrshme të qafës”.

“E kam të pamundur ta drejtoj qafën. Sa herë hyj në duele, mua më hedhin në tokë dhe gjyqtari hesht”, ka thënë Chamakh.

Menaxheri i Arsenalit, Arsene Wenger, është i zemëruar në gjyqtarët duke i quajtur si shkaktarë të humbjes në udhëtim te Braga, për shkak se Topçinjtë tash duhet ta vendosin fatin e tyre në rundin e fundit.

Arsenali mbrëmë pësoi disfatë 2-0 në udhëtimin te Braga, andaj ekipi nga Londra do të duhet në rundin e fundit të fitojë ndaj Partizanit, për ta siguruar kualifikimin në 16-shen më të mirë të Ligës së Kampionëve.

“Gjyqtarët e pestë janë të panevojshëm. Emanuel Eboue u falua në gjashtëmbëdhjetëmetërsh, kjo ishte penalti, por gjyqtarët nuk e panë atë. Çfarë bëjnë ata? Si ia lehtësojnë punën gjyqtarit kryesor?”, ka thënë Wenger.

Edhe më e keqe se disfata për Arsenalin ishte edhe dëmtimi i dy mesfushorëve, Cesc Fabregas dhe Emmanuel Eboue.

Numri i skuadrave të interesuara për shërbimet e Xherdan Shaqirit, sa vjen e rritet. Listës së gjatë të skuadrave që e duan në ekip mesfushorin shqiptar u është shtuar edhe gjiganti anglez, Manchester United, shkruan uebfaqja imscouting.com.

Gjithnjë sipas kësaj uebfaqeje, për ta bërë të vetin përfaqësuesin zviceran, menaxheri Sir Alex Ferguson duhet t’ia paguajë Baselit 7 milionë funte (afro 10 milionë euro). Para “Djajve të Kuq”, futbollisti gjilanas ishte nën monitorim edhe të dy skuadrave të tjera të mëdha nga Premierliga, Liverpool dhe Arsenal.

Gjithashtu, futbollisti ofanziv ndiqet edhe nga skuadrat italiane, Juventus, Inter e Genoa, ato gjermane, Bayern Munchen, Borussia Dortmund, Hamburg e Wolfsburg dhe nga ajo spanjolle, Barcelona. Shaqiri ishte njëri prej futbollistëve më të rinj që mori pjesë në botërorin e fundit, duke e shfaqur potencialin e tij në Afrikën e Jugut.

Kontributi i tij i pashoq e ndihmoi Baselin që të shpallej kampion dhe ta fitonte Kupën e Zvicrës, sezonin që shkoi, duke shënuar 6 gola dhe dhënë 5 asistime, në debutimin e tij me ekipin e parë. Këtë sezon ai ka shënuar edhe në Ligën e Kampionëve, ndërsa kujtohet edhe për golin fantastik ndaj Anglisë, në kualifikimet për Euro 2012.

Edhe pse ka kontratë me Baselin deri në vitin 2013, Shaqiri mund të largohet nga kampionati zviceran gjatë afatit kalimtar të janarit.