Presidenti i Juventusit, Andrea Agnelli, në intervistën e tij të fundit të vitit, deklaroi se ekipi i tij është i detyruar që të pretendojë të fitojë çdo komkpeticion në të cilin merr pjesë.

Duke folur në mesditë për “Corriere dello Sport”, pinjolli i familjes FIAT nënvizoi se tradita dhe historia pas bardhezinjve e bëjnë “Zonjën e Vjetër” që të mos mundet t’i vendosë vetes objektiva të tjerë përveç atyre maksimalë.

”Nuk na intereson se çfarë ndodh në skuadrat e tjera, pasi ne shikojmë vetëm shtëpinë tonë. Ky ekip ka shumë ekuilibër dhe mundi në shtëpinë e tij Milan-in kryesues. Eshtë e qartë se objektivi ynë është titulli”, deklaroi Agnelli.

”Është e vërtetë që ky kampionat është veçanërish i hapur, me Napoli-n, Lazio-n, Inter-in dhe Roma-n që janë gjithashtu në luftë, por ne besojmë tek shanset tona për të qënë në majë të renditjes në fundin e sezonit”.

Presidenti juventin sqaroi edhe filozofinë e ekipit që ai drejton. “Juventusi është një skuadër që ka aftësinë të mundë çdo rival, por ne i marrim gjërat me radhe dhe përqëndrohemi vetëm tek ndeshja e radhës”.

Juventusi dhe Interi mund të jenë dy nga skuadrat më tradicionale italiane, por këtu mbarojnë ngjashmëritë mes dy gjigantëve të futbollit italian, pasi që presidenti i Juventusit, Andrea Agnelli, ka sulmuar përsëri pronarin e Interit, Massimo Moratti, për qëndrimin e këtij të fundit ndaj Calciopolit.

Siç dihet, Andrea Agnelli po bën çmos për të rikthyer dy titujt e marrë nga Interi pas Calciopolit, ndërsa këtë dëshiron ta bëjë duke e detyruar FIGC-në të hapë një process të ri hetimor të quajtur “Calciopoli 2”. Këto tentime nuk u mirëpritën nga Massimo Moratti, që ka thënë se Juventusi po sillet vërdallë mjegullës.

“Moratti? Ndoshta ai ishte nervoz kur është dashur të mendojë për ne. Unë shikoj se çfarë po bëhet me Juventusin. Ne jemi të qetë. Ne e dimë se çfarë kemi thënë, kështu edhe FIGC-ja dhe ne po presim për gjykimin e tyre”.

“Unë jam shumë transparent kur bëhet fjalë për marrëdhëniet tona me Interin, pasi që nëse shikoni dëshmitë e reja, edhe Interi u bëri telefonata gjyqtarëve atëkohë”, precizoi Agnelli, i cili ka ende hesape të pa sqaruara me Massimo Morattin sa i përket Calciopolit.

Interi dhe Juventusi pritet që të masin forcat në derbi d’Italia që zhvillohet në kuadër të javës së pestë, të dielën më 3 tetor në ora 20:45.

Pas shumë spekulimeve të mediave botërore, portieri Gianluigi Buffon, më në fund tha qartë se do të mbetet në radhët e skuadrës së Juventusit.

Ai vetë ka thënë se do të qëndrojë te “Zonja e Vjetër” edhe pas kësaj vere.

I pyetur nga Sky Sport 24 mbi këtë temë, Buffon u përgjigj se ai është marrë vesh me presidentin e ri të Juventusit, Andrea Agnelli, që ta vazhdojë karrierën me fanellën e Juventusit.