Fernando Alonso dhe Felipe Massa do të thirren të dëshmojnë në Këshillin Botëror të FIA-s për parakalimin e dyshimtë të garës se Gjermanisë ku mendohet se drejtuesit e Ferrarit i kanë dhënë urdhër brazilianit t’i hapë rrugën pilotit spanjoll.

Dy pilotët do hyjnë në selinë e FIA-s në Paris të mërkurën paradite dhe gjatë orëve të pasdites Këshilli Botëror do dalë me një vendim zyrtar.

Bashkë me pilotët do të jetë edhe drejtori i skuadrës Stefano Domenicali si dhe një avokat nga Maranello.

Piloti i Ferrarit, Fernando Alonso, nuk dëshiron të dorëzohet në luftën për titull të kampionit të Formula 1, përkundër faktit se është i katërti në renditjen e ngasësve.

Alonso që u largua para kohe nga pista në garën për Çmimin e Madh të Belgjikës, është 41 pikë prapa Lewis Hamiltonit të McLarenit, i cili është në krye të luftës për titull, gjashtë gara pa përfunduar sezoni.

“Unë jam i bindur se kam gjasa. Janë edhe 150 pikë për t’u marrë, të cilat do të jenë të mjaftueshme për të ndryshuar situatën. Ne duhet të mbesim të qetë, të përqëndrohemi dhe të tentojmë ta bëjmë diferencën”, theksoi Alonso.

Në garën e fundit, atë të Belgjikës në pistën SPA, braziliani Felipe Massa ka bërë një gabim gjigand duke mos rënë aspak në sy.

Një i apasionuar nga shkallët e pistës belge ka filmuar me aparatin e tij, nisjen e makinave ku bie në sy vendosja jo e rregullt e ferraristit. Praktikisht Massa ka fituar distancë ndaj kundërshtarëve dhe duhej të ishte penalizuar me 10 sec në bokse.

Por mesa duket, kjo parregullsi nuk ka rënë në sy dhe braziliani do kalojë pa u dëmtuar.

Piloti i McLaren, Lewis Hamilton, beson se titulli për më të mirin e botës në Formula 1 vazhdon të mbetet ende i hapur, përkundër faktit se ai dhe Mark Webber dalëngadalë janë duke u distancuar nga konkurrentët tjerë.

“Unë mendoj se kampionati është ende i hapur. Shpresojmë që ky të mos jetë rasti pas zhvillimit të garave tjera”, theksoi britaniku.

Hamilton ka arritur që ta fitojë garën për Çmimin e Madh të Belgjikës fundjavën e kaluar. Britaniku është në pozitën e parë të renditjes së ngasësve më të mirë me 182 pikë, tre më shumë se Webber dhe 31 më shumë se Vettel. Jenson Button ka 35 pikë më pak se lideri.

Lewis Hamilton është fituesi i garës së Belgjikës në Formula 1 ku pista e Spa Francorchamps priti pilotët më të shpejtë në botë në një spektakel ku ndodhi gjithcka.

Britaniku e nisi menjëherë mirë garën pasi zuri vendin e parë që në nisje, duke mos e braktisur asnjëherë këtë pozicion. Pavarësisht motit të paqëndrueshem, britaniku ka zhvilluar një garë perfekte edhe pse disa xhiro nga fundi doli përkohësisht nga pista.

I dyti u rendit Mark Webber që bëri një start të keq por arriti ta mbante makinën në pistë duke shpresuar tek titulli kampion. Garë pozitive edhe për polakun Robert Kubica me BMW, i cili e mbylli garën në vendin e trete. Dhjetëshen e parë e mbyllin, Massa, Sutil, Rosberg, Schumacher, Kobayashi, Petrov e Alguersuari.

Fernando Alonso ka bërë gjithcka në këtë garë pasi fillimisht u godit nga Barrichello dhe shkoi dy herë në bokse por më pas shkoi deri në vendin e pestë ku braktisi garën disa xhiro nga fundi. Pas kësaj gare, Hamilton ngjitet në vendin e parë të renditjes me 182 pikë, duke lënë pas australianin Webber me 179.

Nëpërmjet një mesazhi telefonik vendoset shuhen mosmarrëveshjet mes Majkell Shumaher dhe Rubens Barrikelos.

Sipas mediave belge, shtatë herë kampioni i botës i ka dërguar një sms ish-kolegut të tij tëk Ferrari ku i ka kërkuar ndjesë për parakalimin e në garën e Budapestit, që për pak sa nuk shkaktoi një incident të rrezikshëm për Barrikelon.

Mësohet se piloti brazilian i është përgjigjur rekordmenit gjerman në Formula 1 me tone të buta si dhe ka pranuar ndjesën e tij.

“Faleminderit! E pranoj ndjesën tënde dhe nuk ka asnjë problem. Jeta vazhdon!”, thuhet në përgjigjen e Barrikelos.

Piloti britanik Lewis Hamilton është dënuar me një gjobë prej 500 dollarësh australianë për ngarje të rrezikshme.

Shkelja kishte ndodhur në muajin mars në kuadër të Çmimit të Madh të Australisë në Formula 1.

Hamilton në timonin e Mercedesit të tij ishte kapur në flagrancë për shkelje të shpejtësisë në një rrugë brenda qytetit.

Kampioni i botës në 2007-ën kishte kërkuar falje duke pranuar se ka kryer një sjellje të gabuar.

Kompania italiane Pireli, që do të jetë furnizues i ekipeve të Formulës 1 me goma që nga sezoni i ardhshëm do të fillojë me testimin e modeleve gomave pikërisht në kohën kur Formula 1 është në pauzën verore.

Pireli ka njoftuar se testet e para do të bëhen këtë muaj në shtegun Muxhelom, kurse testet do të kryhen nga Nik Haidfeld, aktualisht ngasës rezervist i Mercedesit , cili do të ngasë bolidin e Tojotës nga sezoni i kaluar duke mos i dhënë përparësi gjatë testimit ndonjërit nga ekipet ekzistuese.

Pireli në rolin e furnizuesit të vetëm me goma do të trashëgojë kompaninë japoneze Brixhston, e cila këtë detyrë e kryen edhe këtë vit.

kompania italiane do të kthehet në Formula pasi ishte larguar nga ky sport më 1993

“Ducati” ka përgënjeshtruar spekulimet sipas të cilave ka arritur një marrëveshje me pilotin italian Valentino Rossi dhe Nicky Hayden.

“Ducati Motor Holding vlerëson se lajmet e gabuara të publikuara së fundmi u atribuohen zërave të pakonfirmuar dhe interpretimeve të ndryshme”, thuhet në një komunikatë.

“Nëse dhe si do të përmbyllen marrëveshjet, mediat do të njoftohen përmes një komunikatë zyrtare”, ka shtuar më tej kompania

Në çastet e fundit të garës për SHM të Hungarisë të zhvilluar të dielën në Hungaroring, Mihael Shumaher duke dashur ta mbrojë pozitën e dhjetë për pak sa nuk shkaktoi incident shumë të rëndë me Rubens Barikelon e Viliamsit.

Ngasësi gjerman i Mercedesit duke dashur të bllokoje tentimin e Barikelos për tejkalim për pak sa nuk e “dërgoi” në mur Barikelon dhe për këtë gjest të tij u dënua me 10 pozita në start për garën e ardhshme që zhvillohet në Spa Frankoshan të Belgjikës.

Shumaher dhe Barikelo kanë qenë kolegë për shumë vite në Ferrari, kurse veprimi i tij në këtë garë është dënuar nga shumë analistë dhe ekspertë të këtij Formulës 1.