Kombëtarja e Kosovës në karate do të marrë pjesë në turneun ndërkombëtar “Istambul Open 2010”. Ky turne llogarit si ndër më të fortit për arsye se marrin pjesë karateistët më të mirë të botës në luftëra dhe kata.

“Karateistët e Kosovës kanë zhvilluar përgatitjet pesëditore në Ulqin, ku është punuar në elemente tekniko-teknike, si dhe fizike”, thuhet në njoftimin e FKK-së. Ekspeditën e Kosovës e përbëjnë këta karateistë: Qamil Zeka (kadet), Hana Shatri dhe Alvin Karaqi (juniorë), Kaltrina Krasniqi, Gentiana Karpuzi, Luljeta Shala (seniorë), kjo e fundit do të bëjë gara në disiplinën e katave, ndërsa Shkumbin Maksutaj, Herolind Nishevci, Qëndrim Shaqiri Betim Xhaferi dhe Bajram Bajrami, që në Turqi shkojnë me qëllim që ta ruajnë traditën e paraqitjeve të suksesshme në arenën ndërkombëtare.

Përveç garuesve, pjesë e ekspeditës do të jenë edhe gjyqtari Safet Ramadani, përzgjedhësi Zeqir Bilalli, trajnerët Shqipe Zogiani dhe Yll Gashi, si dhe Ismet Mjaku, zyrtar i FKK-së.

Përzgjedhësit Zeqir Bilalli tha se synimet janë të rrëmbejnë edhe medalje megjithëse turne është shumë i fortë.

Në Pallatin e Rinisë dhe të Sporteve në Prishtinë u mbajt për të dhjetën herë me radhë turneu përkujtimor i karatesë “Xhevat Makolli”, turne ky i karakterit mbarëkombëtar, në të cilin morën pjesë klube të karatesë nga Kosova, Maqedonia, Mali i Zi dhe Kosova Lindore.

Turneun e ka organizuar Federata e Karatesë e Kosovës dhe familja e Xhevat Makollit, me mbështetjen materiale të departamentit të Sportit të Ministrisë së Kulturës, Rinisë dhe Sportit të Kosovës.

Për kontributin e dhënë gjatë dhjetë viteve të kaluara për organizimin e këtij turneu, që është një nga më prestigjiozët që mbahet në vendin tone, me rastin e hapjes solemne Federata e Karatesë e Kosovës kontribuesve më të rëndësishme u ndau plaketa, me të cilat u nderuan: familja Makolli, Ministria e Kulturës, Rinisë dhe Sportit e Kosovës, Departamenti i Sportit i MKRS, Akademia Shqiptare e Karatesë e Maqedonisë, që e përfaqësoi kryetari Besnik Murati, klubet shqiptare nga diaspora, që i përfaqësoi Enver Cakiqi, klubet e karatesë të Ulqinit, që i përfaqësoi Ruzhdi Rama dhe klubet e karatesë të Kosovës Lindore, që i përfaqësoi mjeshtri preshevar i karatesë, Rijad Ajeti.

Në turneun e sivjetmë morën pjesë 71 garues (21 femra dhe 50 meshkuj) nga 17 klube dhe nga një asociacion i karatesë. Turneu “Xhevat Makolli” tradicionalisht mbahet në konkurrencën individuale të seniorëve – femrave dhe meshkujve, të cilët garuan në të dy disiplinat – kata dhe luftë sportive, duke demonstruar një karate mjaft cilësore, e kësaj shkalle të cilësisë i kontribuan edhe garuesit e klubeve mysafire nga Maqedonia, Mali i Zi dhe Kosova Lindore. Garat në kata u mbajtën në konkurrencën e hapur, ndërsa u ekzekutuan kryesisht katat nga fondi i katave të obligueshme.

Lufta më interesante u zhvillua në finalen e kategorisë më të rëndë (+84 kg), në të cilën garuesi i ri, por me përvojë, Herolind Nishevci i klubit „Ippon“ nga Prishtina, mposhti kampionin e shumëfishtë të Kosovës, Agon Aganin e klubit „Ippon“ nga Peja, ndërsa me numrin e medaljeve të fituara u shqua klubi i karatesë „Iliria“ nga Prishtina, garuesit e të cilit fituan 5 medalje të arta, dy të argjendta dhe 6 të bronzta, pas të cilit u renditën klubi i karatesë „Liria“ nga Burimi me 3 medalje të arta dhe klubi i karatesë „Fan“ nga Prishtina me 2 medalje të arta.

Në fund të garave në këtë disiplinë, renditja tabelare dukej si vijon:

KATA – FEMRAT

1 Luljeta Shala (KK „Prishtina“)

2. Elmedina Dinarica (Akademia Shqiptare e Karatesë e Maqedonisë)

3. Ermira Statovci (KK „Iliria“)

3. Vjosa Osmani (KK „Prishtina“)

KATA – MESHKUJT

1. Enes Zullufi (KK “Iliria”)

2. Dardan Ceka (KK „Ulqini“)

3. Agush Nazifi (KK „Besa“)

3. Fisnik Rama (KK „Besa“)

LUFTËRA – FEMRAT

-50 kg

1. Rreze Shatri (KK „Liria“)

2. Besarta Grajçevci (KK “Iliria”)

3. Agnesa Rexhepi (KK “Iliria”)

-55 kg

1. Gentiana Karpuzi (KK “Fan”)

2. Vjosa Helshani (KK “Prishtina”)

3. Majdona Villa (KK “Peja”)

3. Vetmie Haziri (KK “Iliria”)

-61 kg

1. Ermirë Statovci (KK “Iliria”)

2. Altiona Kapllani (Akademia Shqiptare e Karatesë e Maqedonisë)

3. Shqiponja Veliqi (KK „Iliria“)

-68 kg

1. Kaltrina Krasniqi (KK „Iliria“)

2. Mimoza Morina (KK „Iliria“)

+68 kg

1. Fjona Beqiri (KK „Iliria“)

2. Vjosa Osmani (KK „Prishtina“)

3. Florentina Gashi (KK „Vajzat e Dardanisë“)

3. Arlinda Morina (KK „Iliria“)

LUFTËRA – MESHKUJT

-60 kg

1. Petrit Shatri (KK “Liria”)

2. Petar Barloviq (KK “Ulqini”)

3. Pajtim Abazi (KK “Besa”)

3. Dardan Ceka (KK “Ulqini”)

-67 kg

1. Shkumbin Maksutaj (KK “Fan”)

2. Astrit Ndrecaj (KK “Sharri)

3. Fisnik Rama (KK “Besa”)

3. Leart Maliqi (KK “Dardania”)

-75 kg

1. Jetmir Rexhepi (KK “Iliria”)

2. Alban Kastrati (KK “Sharri”)

3. Fiton Ahmeti (KK “Kosovari”)

3. Sahit Qerimi (KK “Besa”)

-84 kg

1. Shkëlqim Bytyçi (KK “Liria”)

2. Durim Haziri (KK “Besa”)

3. Ekrem Ahmeti (KK “Kosovari”)

3. Kreshnik Tahiri (KK „Iliria“)

+84 kg

1. Herolind Nishevci (KK“Ippon“ – Prishtinë)

2. Agon Agani (KK “Ippon” – Pejë)

3. Agush Nazifi (KK “Besa”)

3. Blerand Sefedini (Akademia Shqiptare e Karatesë e Maqedonisë)

Karateistet dhe karateistët dëshmuan cilësi jashtëzakonisht të mirë në turneun e pestë tradicional përkujtimor “Zahir Pajaziti” në karate, i mbajtur në ambient të hapur në Orllan të Podujevës.

Turneu është organizuar nga KK “Fudochi” nga Orllani. Në turne morën pjesë 222 karateiste dhe karateistë të 24 klubeve nga Kosova, Shqipëria dhe Maqedonia, të cilët bënë gara në konkurrencën individuale në grup-mosha dhe kategori në disiplinën e katave dhe të luftës sportive.

Ja rezultatet e fituesve të vendeve të para në secilën kategori në luftëra sportive-femrat: -37 kg; Fenesa Selmani (Fudochi); +37 kg Lorina Mehmeti (Drita) -45 kg Gresa Zhitia (Besa); +45 kg Lydia Chesnut (Fudochi); -51 kg Adelina Rama (Besa); +51 kg Fortesa Orana (Drita); -53 kg Fatjona Aliu (Kendo); +53 kg Gresa Hyseni (Fan); open -55 kg Drilona Biçaku (Arena); -61 kg Kaltrina Krasniqi (Iliria); +65 Fiona Beqiri (Iliria). Ndërkaq, te meshkujt, i pari doli -40 kg

Denis Qerimi (Besa); +40 kg Benjamin Shabani (Drita); -47 kg

Hekuran Sojeva (Sharri); +47 kg Adil Mehmed (Samuraj); -55 kg

Orhan Bilali; +55 kg Qamil Zeka (Besa); -60 kg Bekim Koxhaxhiku (Arena); +60 kg Elhami Shabani (Drita); open -68 kg

Astrit Ndrecaj (Sharri); -78 kg Jetmir Rexhepi (Iliria); +78 kg Durim Haziri (Besa).

Karateistët tanë edhe në Gjermani mrekulluan me rezultate të mira. Klubi karatesë Besa nga Lluzhani, KK Llapi, “SKG Kosova” nga Gjermania dhe “Bomolla” nga Suedia fituan së bashku gjithsej 28 medalje në Kampionatin Botëror te Federatës E.I.K.O.

Klubet e karatesë Besa-Lluzhan dhe KK Llapi garuan se bashku dhe dëshmuan cilësi të lartë sidomos Besa Lluzhani ka fituar 13 medalje (pesë të arta, tri të argjendta e pesë të bronzta.

KK Llapi fitoi një të artë dhe një të argjendtë. Në këtë kampionat shkëlqeu karateisti i njohur llapjan, Zekë Nuredini dhe karateistja Ardiana Ejupi, njoftojë Isak Curri, trajner i KK Besa nga Lluzhani.

Në sallën sportive të komunës së Gostivarit të shtunën për të nëntën herë u mbajt turniri ndërkombëtar “Kupa e Gostivarit – 2010″.Në turnirin e IX-të të “Kupa e Gostivarit – 2010″ garuan klube të karatesë nga Shqipëria, Kosova, Mali i Zi, Serbia, Maqedonia si dhe një klub nga Belgjika.

Hapjen zyrtare të turnirit e bëri sekretari i komunës së Gostivarit, Naxhi Xhelili i cili përcolli edhe mesazhe urimi edhe në emër të kryetarit Osmani.

“Me të vërtetë është nder që në emër të komunës së Gostivarit të bëj hapjen e këtij turniri ndërkombëtar dhe lirisht mund të them se Gostivari krenohet me këtë eveniment dhe është për t’u përshëndetur ky numër i madh pjesëmarrësish dhe ky kolorit i klubeve nga gjithë këto shtete” – shtoi Xhelili.

Komuna e Gostivarit këtë vit ishte sponzorues gjenerali i këtij turniri, i cili tradicionalisht mbahet për 9 vite me radhë dhe organizohet nga klubi i karatesë “Fati” nga Gostivari.

“Edhe sivjet me shumë sukses zhvillohet Kapa e karatesë që po mbahet në Gostivar. Ky eveniment po kalon në një traditë të bukur për qytetin e Gostivarit, ku për çdo vit po vijnë garues si nga brenda ashtu edhe nga jashtë Maqedonisë. Shpresojmë që këtë traditë ta ruajmë edhe në periudhën në vazhdim. Vitin e ardhshëm kemi jubileun e këtij organizimi, pra vitin e 10 me radhë të organizimit të turnirit ndërkombëtar në karate”, theksoi Arlind Huseini, trajner i KK “Fati”, nga Gostivari.

Në turnirin e IX-të adhuruesit e këtij sporti patën mundësi të shohin edhe kampionin europian që është nga Gostivari, Berat Jakupin si dhe shumë karateistë tjerë të kategorive të ndryshme.

Klubi i karatesë “Fati” nga Gostivari njëherit ndau edhe mirënjohje për kontribuesit në këtë eveniment, me ç’rast i ndau mirënjohje edhe kryetarit Osmani dhe komunës së Gostivarit për përkrahjen e dhënë në organizimin e turnirit “Kupa e Gostivarit – 2010″.

Karateistët e Ipponit dhe atë të FAN nga Prishtina shkëlqyen në turneun ndërkombëtar “USA Open” dhe “Ozawa Cup”, i mbajtur në Las Vegas të Shteteve të Bashkuara të Amerikës.

Karateistët tanë katër medalje i fituan në “USA Open” dhe 15 në “Ozawa Cup” . Nga 19 medalje, fituan 8 të arta, 3 të argjendta dhe 8 të bronzta. Në turne morën pjesë mbi 2000 garues nga mbare ShBA-ja dhe nga shume shtete tjera te botës.

Medalje në turneun “USA Open” fituan: të arta Olt Aliu (12 vjeç) e Kaltrina Krasniqi (seniore); të argjendta: Avin Karaqi, dhe të bronztë Orges Arifi (14 vjeç). Në turneun “Ozawa Cup” dy medalje të arta i fitoi Alvin Karaqi (Ippon – 17 vjeç); një të artë dhe një të argjendtë Florentina Gashi (Ippon-seniore). Herolind Nishevci (seniorë -Ipponi) fitoi të artën dhe të bronztë. Karateistja Gentiana Karpuzi (seniore – KK FAN) arriti medalje të artë dhe të argjendtë, ndërsa Kaltrina Krasniqi (seniore -Ipponi) fitoi të bronztën, kurse Gresa një karateiste e talentuar e FAN-in stoliset me të bronztën. Enes Zullufi (FAN) në disiplinën e katave arriti medalje të artë, kurse Orges Arifi (14 vjeç – Ippon) fitoi medaljen e bronztë. Në kategorinë e seniorëve për ekipe, FAN fitoi të artën, ndërsa Ipponi të argjendtën.

Karateistët e klubit FAN nga Prishtina udhëtuan për në Las Vegas të Shteteve të Bashkuara të Amerikës, ku do të marrin pjesë në një turne të karatesë.

Garuesja e këtij klubit, Gentiana Karpuzi premton se do të shënojnë rezultate të mira në këtë turne. Gentiana është edhe karateistja më e mirë e Kosovë për këtë vit e shpallur nga Federata e Karatesë së Kosovës.

Karateistët e klubit të karatesë “Iliria” nga Prishtina dëshmuan rezultate jashtëzakonisht të mira në Kampionatin mbarëkombëtar, i cili u mbajt në Tiranë të Shqipërisë.

Zyrtarët e KK Iliria janë të kënaqur me rezultatet që shënuan në kampionatin mbarëkombëtar, në një konkurrencë shumë të fortë, sipas tyre, fituan gjithsej 13 medalje. Në kampionatin e sivjetshëm, që e organizoi Federata Shqiptare e Karatesë, morën pjesë klubet nga Shqipëria, pastaj nga Kosova, Maqedonia dhe nga Diaspora. Garat u zhvilluan në konkurrencën e senioreve dhe seniorëve në luftëra dhe në kata.

“Në mesin e klubeve pjesëmarrëse ishte edhe klubi i karatesë “Iliria” nga Prishtina, pesë anëtarë të të cilit u stolisën me titullin e kampionit mbarëkombëtar, katër sish zunë vendet e dyta, ndërsa medaljet e bronzta i fituan katër garues. Në kata, në konkurrencën e femrave, Fiona Beqiri zuri vendin e dytë, kurse Ermira Statovci dhe Kaltrinë Krasniqi zunë vendet e treta, ndërsa në konkurrencën e meshkujve medaljen e vetme, atë të argjendtën, e fitoi kampioni i shumëfishtë i Kosovës në kata, Getoar Rexhepi.

Në disiplinën e luftës sportive (kumite), garuesit e klubit “Iliria” ishin më të suksesshëm se në kata. Në këtë disiplinë, në konkurrencën e femrave, me medalje të argjendta u stolisën Mimoza Morina në kategorinë -68 kg dhe Denata Baholli në kategorinë +68 kg, kurse Kaltrinë Krasniqi në kategorinë -61 kg, Ermira Statovci në kategorinë -68 kg dhe Fiona Beqiri në kategorinë +68 kg fituan medaljet e arta dhe titullin e kampionit mbarëkombëtar”, njoftoi klubi i karatesë Iliria.

Në kumite te meshkujt, Astrit Halimi zuri vendin e tretë në kategorinë -60 kg, sikurse edhe Kemajl Haliti në kategorinë -67 kg, kurse Jetmir Rexhepi në kategorinë -67 kg dhe Qëndrim Shaqiri në kategorinë -75 kg fituan medaljet e arta, duke u bërë kështu edhe kampion mbarëkombëtarë në këto kategori. Klubi i karatesë Iliria premton rezultate edhe më kulmore në garat e ardhshme qoftë vendore apo ndërkombëtare. Sipas drejtuesve të këtij klubit, rezultatet e shënuara janë si fryt i punës së palodhshme të bërë nga të gjithë në klub dhe organizimit të mirëfilltë nga ana e kryesisë.