Në konkurrencën e femrave zhvillohen ndeshjet e para të çerekfinales së kupës së Kosovës në hendboll.

Skuadrat e kreut janë favorite të plota dhe presin fitore. Kosova të enjten në Vushtrri, në orën 17.30, pret fitore ndaj Vëllaznimit, ndërsa Drita e Gjilanit me Shqiponjën e Gjakovës takohen të mërkurën (ora 18.00) dhe kjo ndeshje pritet të jetë rivalizuese, kurse Prishtina (e mërkurë ora 17.00) është favorite në ballafaqim me Istogun.

Të mërkurën në orën 18.00, në Mitrovicë Kastrioti i Ferizajt pret fitore në ndeshjen e parë ndaj Trepçës. Ndeshjet e kthimit zhvillohen më 17-18 mars.