Dy futbollistët shqiptarë, Abedin Krasniqi dhe Shaban Ismajli, janë kreatorë të fitores së Sonnenhofit me rezultat 2:0 kundër Pfullendorfit, në ndeshjen e javës së 32-të të Ligës së Katërt të Gjermanisë, grupi i Jugut.

Krasniqi ka shënuar gol në minutën e 37-të të takimit dhe ky ka qenë edhe goli i 18-të i tij gjatë këtij kampionati. Epërsinë në 2:0 e ka ngritur Shaban Ismajli në minutën e 58-të, me të cilin rezultat edhe përfundoi takimi.

Skuadra e Sonnenhofit tashmë renditet në vendin e 10-të me 43 pikë, ndërsa Pfullendorfi i 12-ti me 41 pikë. Ismajli dhe Krasniqi dëshmuan lojë të mirë dhe ishin ndër më të mirët.