Sipas gazetës gjermane, Lausitzer Rundschau, sulmuesi shqiptar Besart Ibraimi është duke u provuar te skuadra e Energie Cottbus në Bundesliga II, pasi që te ekipi i Schalke 04 nuk pritet të ketë shumë hapësirë të luaj në edicionin e ardhshëm për shkak të konkurrencës shumë të madhe.

Ibraimi ishte transferuar në janar të këtij viti te Schalke 04 nga Renova e Xhepqishtës për një dëmshpërblim prej 400 000 euro. Sulmuesi i përfaqësuese së Maqedonisë, ka luajtur vetëm dy ndeshje stinorin pranveror në Bundesliga I me Schalken.