Montmelose, 1 mars – Testet dimërore në pistën e Montmelose janë mbyllur nën dominimin e pilotit britanik të McLaren, Lewis Hamilton.

Ish kampioni i botës ka arritur kohën më të mirë me makinën MP4-25, duke dhënë sinjale të forta se është edhe ai një nga kandidatët për kampionatin e këtij sezoni. Ndërkohë, skuadra më në krizë duket Mercedes GP që shihet si një nga pretendentet kryesore.
“Nuk jemi ende aty ku duam të jemi. Na mungojnë edhe disa të dhjetat por duhet t’i rikuperojmë me paketën aerodinamike që do të vendosim në Bahrejn”, shprehet drejtori Brawn GP. Në vijim ai ka shtuar se pavarësisht dominimit të McLaren, Ferrari do të jetë kundërshtari kryesor i sezonit. “Ferrari ka makinën më të mire”, thekson ai