Mbajtësit e trofeut të Kupës së Ligës së Francës, Marseille, arritën finalen e madhe falë fitores së ngushtë 2-1 ndaj skuadrës së Nice.

Loic Remy dhe Brandao siguruan suksesin për djemtë e Deschamps që zbritën në “Velodrome” me mendjen te finalja, duke e treguar këtë edhe në dominimin që i bënë ndeshjes.

Barazimi i përkohshëm për miqtë erdhi nga Anthony Mounier, por goli i tij nuk shërbeu për asgjë, pasi është Marseille ajo që do të ndeshet me Lyonin në një klasike të vërtetë për Kupën e Ligës.

Trajneri i Paris Saint-Germain Carlo Ancelotti, deklaroi se synimet e klubit parisien janë të arrijë mes më të mirëve.

Pas blerjes së Thiago Motta-s edhe braziliani Pato është nën shënjestër. “Merkato e PSG-së është projektuar drejt eksperiencës dhe cilësisë, klubi ka bërë një punë të madhe.

Të gjitha operacionet që janë kryer janë të lidhura shumë me të ardhmen e skuadrës, po mendojmë edhe për sezonin e ardhshëm.

Në të ardhmen e PSG-së ka një sulmues dhe Pato është një sulmues i madh. Chelsea është mes më të mirëve dhe PSG-ja dëshiron të arrijë te më të mirët”, deklaroi Carlo Ancelotti.

Klubi francez Lille ka konfirmuar se mesfushori Eden Hazard do të largohet nga Ligue 1 me të përfunduar ky sezon.

21-vjeçari vazhdimisht është lidhur me një largim nga kampioni i Francës dhe duket se ka ardhur momenti të cilin e presim shumë klube evropiane.

“Eden do të largohet në fund të sezonit, kjo është pothuajse e sigurt”, tha drejtori Federic Paquet për Orange Sport.

Agjenti i Thiago Mottas, ka pohuar se mesfushori i Interit është shumë pranë që t’i bashkohet klubit francez, Paris Saint-Germain.

Dario Canovi, agjenti i futbollistit ka zbuluar se klienti i tij ka arritur marrëveshje me liderët e Ligue 1 dhe ka pranuar se ndeshja e fundit për ‘Thiagonen’ mund të jetë ndaj Napolit sonte mbrëma. PSG besohet se ka ofruar 10 milionë euro plus bonuse.

“Sonte mund të jetë ndeshja e tij e fundit në fanellën e Interit. Ai ka pranuar që të transferohet te PSG”, theksoi Canovi.

Trajneri i PSG-së, Carlo Ancelotti, ka premtuar se së shpejti do të gjendet një zgjedhje për Carlos Tevez, por është fati i keq i ‘Carlitos’ që ka konkurrencë nga Milani, ish-skuadra e tij.

“Ne do të gjejmë situatë valide. Të gjithë e dinë se ne po kërkojmë një sulmues. Tevez do të ishte mundësi e mirë: tani për tani, ai nuk po luan për Cityn dhe ai dëshiron të jetë në fushë”.

“Asgjë nuk është definuar ende. Duhet të flasim me Manchester Cityn. Unë nuk kam folur me të ose agjentin e tij. Leonardo po kujdeset për çdo gjë”, ka thënë Ancelotti.

Lille besohet t’ua ketë bërë të ditur gjigantëve anglezë, Manchester United dhe Chelsea se asi Eden Hazard mund të shitet për as më pak dhe as më shumë se sa 35 milionë funte.

Mirror shkruan se Lille i ka thënë Chelseat dhe Manchester Unitedit se nuk dëshiron ta shesë asin belg, por kjo mund të ndodhë në janar vetëm për një shumë prej 35 milionë funtesh.

Edhe Manchester United edhe Chelsea janë duke e monitoruar me mjaft kujdes situatën përreth Hazard dhe po e kërkojnë momentin e duhur për të siguruar transferimin e tij.

Trajneri i Paris Saint-Germainit, Carlo Ancelotti, ka treguar se i janë ofruar sulmues të njohur gjatë këtij muaji, përfshirë këtu Fernando Torresin e Chelseas, Dimitar Berbatovin e Manchester Unitedit, Carlos Tevezin e Manchester Cityt dhe Edinson Cavanin e Napolit.

52 vjeçari thotë se kryeqyteti francez ka potencial të madh për t’i tërhequr yjet e mëdha, duke e shtuar këtu edhe faktin se PSG i ka përmirësuar dukshëm kushtet financiare nga viti që shkoi dhe për stafin e shkëlqyeshëm teknik që e posedon.

“Kam marrë qindra telefonata nga menaxherët, të cilët m’i ofronin lojtarët, që kur kam ardhur në PSG. Ata kanë ofruar disa emra të jashtëzakonshëm. Lojtarë të cilët kanë nënshkruar kontrata spektakolare nëpër klube të ndryshme”, deklaroi Ancelotti për ‘La Gazzetta dello Sport’.

“Ata të gjithë duan të vijnë këtu. Ky është qyteti i Parisit, këtu ka para dhe ka trajnerë me reputacion. A i doni emrat? OK, tash do t’ju tregoj lojtarët të cilët janë duke na i ofruar menaxherët gjatë këtij afati, zyrtarisht apo jo zyrtarisht: Tevez, Torres, Berbatov, Pavlyuchenko, Cavani, Llorente”, shtoi ish trajneri i Juventusit, i Milanit dhe i Chelseas.

Barcelona ka njoftuar se ka arritur marrëveshje për ta shitur Maxwellin te Paris Saint-Germain.

Në një kumtesë për media thuhet se klubi nga Camp Nou e ka lejuar brazilianin që të udhëtojë në Francë për t’iu nënshtruar ekzaminimeve mjekësore dhe për ta nënshkruar kontratën.

“Pasi të zgjidhen këto detaje, mund të finalizohet marrëveshja e transferimit”, thuhet në komunikatë.

Maxwell iu bashkua Barcelonës në vitin 2009 nga Interi, ndërsa e ka pasur të vështirë të sigurojë vend në formacionin bazë të Pep Guardiolas.

Paris Saint-Germain do të bëjë ofertë për sulmuesin e Manchester Cityt, Carlos Tevez, vetëm nëse tentativa e Milanit për transferimin e tij dështon- ka thënë ish-trajneri i Milanit, aktualisht drejtor sportiv te klubi francez.

Kuqezinjtë planifikojnë ta huazojnë argjentinasin në janar, me opsionin për ta blerë në fund të sezonit, mirëpo drejtuesit e Cityt janë të interesuar vetëm për shitjen e tij.

Nga ana tjetër, është thënë se PSG është gati të ndërhyjë për transferimin e Tevez. Mirëpo, Leonardo thotë se ata nuk duan ta ‘vjedhin’ lojtarin nga duart e Adriano Gallianit.

Leonardo, po ashtu, ka njoftuar se PSG interesohet për transferimin e mesfushorit të LA Galaxy, David Beckham, i cili gjatë fundjavës udhëtoi në Paris për t’u takuar me drejtuesit e klubit.

Drejtori sportiv i PSG, Leonardo, ka konfirmuar se klubi francez është i interesuar për ta transferuar sulmuesin e Manchester Cityt, Carlos Tevez.

Milani është menduar se tashmë e ka transferuar sulmuesin argjentinas, por duket se hyrja në lojë e PSG-së ka vështirësuar punën për Rossonerët, pasi francezët i kanë milionat të gatshme për të bindur Cityn dhe Tevezin.

“PSG nuk ka bërë ende ofertë për Tevez, ne kemi bërë ofertë verës dhe sigurisht se interesimi mbetet i njëjtë. Por, Manchester City dëshiron ta shesë dhe jo ta huazojë. Nëse City pajtohet me huazimin, atëherë Tevez shkon te Milani, rasti është i mbyllur. Përndryshe, gjithçka është e hapur”, tha Leonardo.