Shorti deshi që Italia, Spanja, Irlanda dhe Kroacia të jenë në grupin C, në evropianin e ardhshëm. Kampioni i Evropës, Spanja llogaritet favorit në këtë grup.

“Ne duhet të përgatitemi shumë për evropianin e ardhshëm, sepse jemi në një grup shumë të vështirë. Jemi në grup me kampionin evropian Spanja, e cila ka përvojë të madhe, megjithatë unë nuk kam frikë nga kjo skuadër. Ajo që ne duhet të bëjmë është fakti që të përgatitemi sa më mirë dhe të jemi të gatshëm për sfidat e evropianit”, ka thënë Prandelli.

Anglia në Euro 2012, është në grup me Ukrainën, Suedinë dhe Francën. Megjithatë Kapello beson se skuadra e tij mund ta fitojë evropianin që mbahet në Poloni dhe Ukrainë.

“Grupi ynë nuk është i lehtë. Ne do të luajmë kundër Francës që është një skuadër me vlera të mëdha. Ukraina ka përparësi, pasi që luan në shtëpi të vet, megjithatë unë besoj se mund ta fitojmë kampionatin, sepse kemi ekip të ri dhe kualitativ”, ka thënë eksperti italian.

Dy prej favoritëve për ta fituar kampionatin evropian Euro 2012, finalisti i Kupës Botërore 2010, Holanda, dhe gjysmëfinalisti, Gjermania, janë caktuar përballë njëri-tjetrit në grupin B.

Gjermania dhe Holanda do të kenë në grupin B, që mund të etiketohet si ‘grupi i vdekjes’, dy rivalë të tjerë jo shumë më të dobët, Danimarkën dhe Portugalinë.

Shorti i hedhur në Kiev të Ukrainës ka nxjerrë edhe një sfidë tjetër interesante, atë mes Spanjës dhe Italisë. Dy gjigantët e futbollit evropian do të përballen në grupin C edhe me Irlandën dhe Kroacinë.

Anglia është caktuar në grupin D dhe si rival më të vështirë në grup pritet ta ketë Francën. Në këtë grup bëjnë pjesë edhe nikoqiri i garës, Ukraina, dhe Suedia.

Nikoqiri tjetër i kësaj gare, Polonia, është caktuar në grupin A së bashku me Rusinë, Greqinë dhe Republikën Çeke – një grup që duket më së paku atraktiv krahasuar me të tjerat.

Renditja e grupeve në Euro 2012 është si vijon:

Grupi A: Polonia, Greqia, Rusia, Republika Çeke
Grupi B: Holanda, Danimarka, Gjermania Portugalia
Grupi C: Spanja, Italia, Republika e Irlandës, Kroacia
Grupi D: Ukraina, Suedia, Franca, Anglia

Trajneri i Anglisë, Fabio Capello, shpreson se lojtarët e tij do të jenë në top-formë për Kampionatin Evropian të futbollit, Euro 2012.

“Anglia është një nga skuadrat e mira. Rezultatet janë vërtet të mira. Do të jetë joshëse të arrijmë në Evropian me shpirtin e njëjtë, me lojtarët e rinj dhe me disa lojtarë të rëndësishëm me më shumë përvojë, si Wilshere, Steven Gerrard, në top-formë”.

“Shpresoj që në fund të sezonit, lojtarët e mi të jenë sikur tash- të shpejtë, të freskët. Problemi i Anglisë ka qenë gjithmonë se ne shkojmë të lodhur”, ka theksuar Capello për The Times.

Spanja, Gjermania, Portugalia e Franca mund të përfundojnë të gjitha në një grup në Europianin e vitit 2012. 

Është vetëm një ndër mijëra kombinimet që mund të ofrojë shorti, por duke parë mënyrën se si janë shpërndarë skuadrat në vazot e shortit, është e sigurt që do të krijohet një grup “vdekjeje”.

Me vendosjen si kokë grupi të dy organziatoreve, Polonisë dhe Ukrainës, vazon e parë e plotëson Spanja dhe Holanda. Me Gjermaninë, Italinë dhe Anglinë në vazon e dytë, është e sigurt të paktën një përballje e fortë ose më shumë midis skuadrës së parë dhe të dytë.

Portugalia në vazon e tretë dhe Franca në të katërtën, do të jenë dy kombëtaret e tjera që mund të formojnë një grup të tmerrshëm. Nga ana tjetër, disniveli në forcën e grupeve mund të jetë shumë i madh, pasi mund të ndodhë edhe e kundërta, që ndërsa diku formohet grup “vdekjeje”, një tjetër të jetë shumë më i dobët.

Kështu, goglat mund të vendosin së bashku Poloninë, Rusinë, Greqinë dhe Irladën, në atë që do të ishte kundërshembulli tipik i “grupit të ferrit”.

Me përfundimin e ndeshjeve të plejofit ditën e martë, u përcaktua edhe shpërndarja e skuadrave në grupe, e cila vazo, për shortin që do të mbahet në dhjetor.

Vazo 1: Spanja, Hollanda, Polonia dhe Ukraina
Vazo 2: Gjermania, Italia, Anglia, Rusia
Vazo 3: Kroacia, Greqia, Suedia, Portugalia
Vazo 4: Danimarka, Franca, Irlanda, Republika Ceke

Trajneri i Francës, Laurent Blanc, thotë se skuadra të cilën e drejton nuk është e aftë për ta fituar Kampionatin e ardhshëm Evropian.

Në shortin që mbahet më 2 dhjetor, Franca mund të gjejë veten në një grup me përfaqësuese të tilla, si Spanja, Holanda dhe Gjermania, ndërsa Blanc është pesimist se kombëtarja e tij mund të ketë sukses.

I pyetur nga gazetarët nëse Franca mund ta fitojë turneun Euro 2012, ai është përgjigjur: “Do të thosha jo. Ndonjë ndeshje, po, mirëpo jo të gjithë garën”.

Kampioni në fuqi i Evropës dhe botës, Spanja, ka arritur të nxjerrë një barazim prej 2-2 në fund të ndeshjes miqësore përballë Kosta Rikës të zhvilluar në Estadio Nacional de Costa Rica.

Randall Brenes Moya i kaloi vendasit në epërsi (31’), ndërsa Joel Campbell dyfishoi rezultatin pa u mbyllur gjysma e parë (42’).

Në fraksionin e dytë, spanjollët u munduan më shumë dhe kjo dha rezultat. Fillimisht David Silva e ngushtoi epërsinë (83’), ndërsa David Villa shënoi golin e barazimit në minutat shtesë (90’+3).

Përfaqësuesja e Portugalisë e ka siguruar pjesëmarrjen në Kampionatin Evropian të futbollit duke e eliminuar Bosnje e Hercegovinën në ‘play-off’. Takimi i parë i zhvilluar në Zenica përfundoi pa gola, ndërsa në ndeshjen kthyese të të martës mbrëma në Estadio da Luz, Portugalia fitoi me rezultat 6-2.

Me një gjuajte të lirë të stuhishme nga rreth 27 metra, superylli i Real Madridit, Cristiano Ronaldo, i kaloi vendasit në epërsi (8’) dhe e zhbllokoi takimin.

Anësori i Manchester Unitedid, Nani, e la të pashpresë portierin Begovic me një supergol të shënuar nga distanca (24’).

Pas prekjes së topit me dorë nga Coentrao, u akordua penalti për mysafirët, ndërsa Zvjezdan Misimovic u dha shpresa boshnjakëve nga pika e bardhë (41’).

Mirëpo në minutat e para të gjysmës së dytë (53’), Cristiano Ronaldo kaloi mbrojtjen mysafire për të ngritur epërsinë në 3-1.

Edhe më keq për boshnjakët u bë kur Senad Lulic u përjashtua me kartonin e dytë të verdhë pas reagimit ndaj arbitrit (54’). Megjithatë, përkundër inferioritetit numerik, mysafirët shënuan edhe një herë me anë të Emir Spahic (65’).

Mirëpo, në vazhdim lojtarët e Bosnje e Hercegovinës nuk u bënë më ballë vendasve. Helder Postiga shënoi golin e katërt të Portugalisë (72’), ndërsa Miguel Veloso e realizoi të pestin nga gjuajtja e lirë (80’).

Cristiano Ronaldo pasoi te Coentrao, i cili harkoi drejt Postigas dhe ky i fundit shënoi golin e dytë personal dhe të gjashtin për vendasit (82’), duke vendosur kështu rezultatin përfundimtar të takimit, i cili e kualifikon Portugalinë në turneun që do të zhvillohet vitin e ardhshëm në Poloni dhe Ukrainë.

Me rezultat prej 3-0, Gjermania e ka treguar fuqinë e vet përballë Holandës, ndërsa u ka dërguar edhe njëherë sinjal përfaqësueseve se vazhdon të mbetet favorit për Kampionatin e ardhshëm Evropian.

Më meritori për këtë fitore ishte Miroslav Klose, i cili bëri dy asistime dhe shënoi një gol.

Thomas Mueller (15’) dhe Miroslav Klose (26’) shënuan në pjesën e parë, ndërsa Mesut Oezil shënoi në gjysmën e dytë (66’).

Ndërkohë, Italia është mposhtur nga Uruguai me golin e vetëm të shënuar nga Sebastian Fernandez (3’).

Republika e Irlandës dhe Estonia janë ndarë baras, 1-1, në ndeshjen e dytë të ‘play-offit’ të vlefshme për kualifikim në Euro 2012, që do të thotë se Irlanda e ka marrë vizën për këtë garë.

Irlandezët e siguruan kualifikimin që në përballjen e parë, pasi fituan me rezultat 4-0 si mysafirë, ndërsa ndeshja kthyese në Dublin u zhvillua vetëm sa për ta konfirmuar pjesëmarrjen në turne.

Stephen Ward i kaloi vendasit në epërsi (31’), ndërsa Vassiljev e barazoi rezultatin (57’).