Një nga ndeshjet më të nxehta të kampionateve kombëtare në Kontinentin e Vjetër, Europë, është pikërisht derbi turk i Stambollit mes Fenerhabçes dhe Gallatasarait.

Një ndeshje e tillë përjetohet në një mënyrë jashtëzakonisht të veçantë nga lojtarët që janë në fushë, por edhe nga tifozët në shkallët e stadiumit. Të dyja skuadrat konsiderohen si rivalet e përjetshme në kampionatin turk. Madje, “urrejtja” mes tifozerive arrin kulmet, aq sa në çdo ndeshje shkaktohen incidente të rënda.
Tifozët e tyre, në prag të çdo përballje me rivalin historik, shprehen zakonisht “se preferojnë më mirë një fitore në derbi, se sa titullin kampion”.

Sikur të mos mjaftonte kjo, ai që e ndez edhe më shumë këtë supersfidë, është edhe blerja më e re e Gallatasarait, shqiptari Lorik Cana. Menjëherë pas përfundimit të një përballjeje miqësore mes dy skuadrave, në prag të sezonit të ri, futbollisti shqiptar është shprehur se e ka përjetuar këtë ndeshje në një mënyrë shumë më entuziaste, se sa çdo derbi në dy kampionatet ku ai kishte milituar më parë, atë francez dhe anglez. Sfida miqësore Fenerbahçe-Gallatasarai ishte shumë interesante për sa i përket lojës, që u pa në fushë. Por ylli i futbollit shqiptar, i cili u transferua pak javë më parë në radhët e gjigantëve të futbollit turk, të drejtuar nga trajneri i njohur Frenk Rajkard e komenton kështu këtë ndeshje: “Unë kurrë nuk kam luajtur një ndeshje të tillë si kjo, ka rrëfyer mesfushori shqiptar. Ishte vetëm një ndeshje miqësore, por atmosfera e krijuar nga tifozët e të dyja skuadrave, ishte ajo që më ka bërë shumë përshtypje. Ishte si një tronditje e madhe për mua. Një ndjenjë të tillë nuk e kisha përjetuar as në kampionatin francez dhe as në atë anglez”. Sfida miqësore u luajt para pak ditësh në Gjermani, ku të dyja skuadrat turke janë duke zhvilluar edhe fazën përgatitore, në prag të sezonit të ri. Ky është një detaj edhe më intrigues për Canën, i cili shton se “po mendoj se kjo ndeshje nuk po luhej në Stamboll. Imagjinoni se çfarë mund të ndodhë nëse do të luhej atje.

Pas atij entuziazmi të jashtëzakonshëm që pashë këtu, e kam të vështirë ta imagjinoj atmosferën e këtij derbi në Stamboll”. Gjithsesi këtë ndeshje Gallatasarai i shqiptarit e humbi me rezultatin e ngushtë 1-0. Cana përpiqet më pas të sqarojë atë çfarë ndodhi në fushën e lojës. “Në fakt, edhe pse humbëm, ne zhvilluam një ndeshje të mirë, analizon Cana. Të njëjtën gjë mund të them edhe për veten. E bëra një paraqitje të mirë dhe ajo që unë dhashë në fushë, mund të gjykohet lehtësisht nga të gjithë. Por i garantoj tifozët se në ndeshjet e ardhshme do të më shikojnë edhe më në formë, pasi kam vetëm pak kohë në këtë skuadër dhe nuk e njoh mirë lojën e shokëve”. Futbollisti kuqezi po kalon një moment të mirë në radhët e skuadrës së tij të re dhe tashmë ai ka fituar besimin e trajnerit Rajkard, por edhe të shokëve të skuadrës.

“Roy me gjasë do të kthehet pas gjashtë javësh”, ka thënë Ferguson për uebfaqen zyrtare të klubit. Ferdinand i kishte lënduar ligamentet në fazën përgatitore për Botëror me Anglinë, më 4 qershor. Parashihej që ai të ishte i gatshëm për ndeshjen e parë të Premierligës, më 16 gusht kundër Newcastles, por qendërmbrojtësi do të mungojë më gjatë.

“Ndihem i nderuar. Kam marrë shpërblime të tjera, por ta marr një këtu, në Uruguai, ku jam lindur e rritur, është një privilegj i vërtetë”, tha Forlan, i cili e merr këtë shpërblim për herë të dytë rresht.

Në rrethin e 49-të të garës për SHM të Gjermanisë të zhvilluar të dielën në Hokenhaim, Ferrari e udhëzoi ngasësin e vet Felipe Masën i cili ishte në pozitën e parë, ta lëshojë që në këtë pozitë të kalojë Fernando Alonso, ngasësi tjetër i këtij ekipi që atëherë ishte në pozitën e dytë.

Alonso e fitoi këtë garë, kurse Ferrari duket se ka “shpëtuar lehtë” meqë nuk është dënuar me pikë nga FIA edhe pse hetimet rreth këtij rasti vazhdojnë dhe mund të pasojnë dënime të tjera.

Barcelona është duke e rrezikuar Real Madridin sa i përket firmës së mesfushorit të talentuar gjerman, Mesut Ozil.

Marca shkruan se dështimi i Barcelonës për të transferuar Fabregasin ka bërë që të mendojë prishjen e planeve të Real Madridit për mesfushorin e Werder Bremenit.

Vetë Werderi në këtë rast shpreson në ndonjë ankand mes gjigantëve spanjollë për talentin gjerman.

Ozil vizitoi Spanjën javën e kaluar, ndërsa qëndroi si në Barcelonë ashtu edhe në Madrid.

Alberto Kontador

Ardhja në skenë

Alberto Kontdor Velasko është i lindur më 1982 në Madrid. Si fëmijë ai kishte ushtruar futboll dhe atletikë, por në moshën 15 vjeçare, duke e parë vëllaun e tij të madh kishte filluar të ushtrojë çiklizëm dhe shumë shpejt talenti i tij i madh për këtë sport i ra në sy klubeve lokale. Ai në moshën 16 vjeçare braktisi shkollën dhe mori kontratën e tij të parë profesionale si çiklist dhe që nga ajo kohë filloi të garojë intensivisht në Spanjë. Për pak vjet ai u bë çiklisti më i mirë i ri në Spanjë, që nuk gjë e vogël meqë ky shtet është fuqi botërore në çiklizëm. Në moshën 21 vjeçare, Kontador u bë pjesë e ekipit ONCE, që në atë kohë ishte ndër pesë ekipet më të mira në botë dhe për katër sezone të kaluara në këtë ekip mblodhi përvojë shumë të vlefshme. Më 2006, ai u implikua në një skandal dopingu më vonë të njohur si “Operacioni Puerto”. Në këtë aferë të përfshirë ishin shumë çiklistë spanjoll dhe sportistë të tjerë të njohur të cilët kanë shfrytëzuar shërbimet e mjekut Eufemiano Fuentes. Fuentes u akuzua se i ka dopinguar sportistët në mënyrë të vazhdueshme dhe të organizuar, kurse disa prej sportistëve përfshirë Kontadorin dhe çiklistin tjetër të njohur spanjoll Hozeba Beloki shpëtuan pa akuza dhe suspendime nga ky skandal.

Kontador në fund të viti 2006 nuk kishte ekip fare dhe janar të 2007-ës nënshkroi për ekipin Diskaveri Çenel, që ishte në kërkim të një lideri të ri pa tërheqjes së Lens Amstrongut më 2005. Kontador shumë shpejt u kthye në formë të mirë dhe në Tur dë Fransin e vitit 2007 ishte një prej favoritëve. Në fakt, kjo garë do të duhej të ishte gara ku bëhet “ndërrimi i gjeneratës” meqë pas dominimit të Lens Amstrongut pritej që në skenë të dilnin disa çiklistë të rinj dhe të luftojnë për fitore në këtë garë dhe për dominim në çiklizëm në vitet e ardhshme. Më 2007 dukej se Mihael Rasmusen do ta fitojë garën meqë ishte komod në pozitën e parë, para Alberto Kontadorit. Mirëpo, pas përfundimit të etapës së 17-të, Rasmusen u përjashtua nga gara për shkak se kishte gënjyer ekipin e tij rreth fazës përgatitore të zhvilluar në fund të vitit dhe kjo e la Kontadorin në vend të parë, tri etapa para fundit. Spanjolli nuk e lëshoi këtë rast dhe e fitoi Turin për herë të parë në karrierë, duke u lansuar kështu në skenën botërore të çiklizmit.

Konfirmimi si më i miri

Më 2008 Kontador nënshkroi për ekipin Astana dhe pak pas nënshkrimit të kontratës u bë e ditur se Astana nuk do të mund të garojë në Tur dë Frans, për shkak të një skandali të dopingut ku ekipi ishte përfshirë më herët. Kjo ia pamundësoi Kontadorit ta mbrojë titullin e tij të Tur dë Frans, por i mundësoi atij ti tregojë aftësitë e veta në gara tjera, gjë që Kontador e bëri. Brenda këtij viti ai fitoi në Xhiro d’Italia dhe në La Vuelta, dy garat tjera të të mëdha të çiklizmit dhe u bë vetëm çiklisti i pestë në histori që i fiton tri garat e mëdha përgjatë karrierës së tij. Para tij këtë sukses e kishin arritur edhe legjendat e çiklizmit Zhak Anketil, Feliçe Xhimondi, Bernar Ino dhe Edi Merks, kurse Kontador ishte më i riu në moshë kur e kishte kompletuat “het trikun magjik” të trofeve në çiklizëm. Kështu, në përfundim të vitit 2008 shumë njerëz e kishin besimin se Kontador është çiklisti më i mirë në botë, por ai nuk kishte garuar në Tur dë Frans atë vit dhe kjo gjë e bënte të vështirë të thuhej nëse vërtetë Kontador është më i miri. Mirëpo, të gjithë kritikëve të tij ai iu përgjigj më 2009. Këtë vit në ekipi Astana nënshkroi edhe me Lens Amstrongun duke i pasur dy super-yje në ekip dhe duke e fokusuar kah ky vëmendjen e tërë opinionit çiklistik dhe jo vetëm. Mirëpo, vlerën e tij të vërtetë Kontador e tregoi kur e mposhti Amstrongun në terrenin e tij të preferuar, në masivin e Alpeve dhe duke u konfirmuar si kampion i kësaj gare për herë të dytë në karrierë. Prania e Amstrongut në ekip dhe qëndrimi jo fort korrekt i pronarëve kazak të ekipit Astana, kishin bërë që Kontador të kërkonte shkëputje të kontratës me ta, mirëpo, ekipi nuk e lëshoi atë duke e detyruar ta shërbejë kontratën deri në fund. Kështu edhe në Tur dë Fransin e këtij viti Kontador garoi si çiklist i Astanës. Kësaj radhe, për shkak të konfiguracionit specifik të garës, atij iu nevojit të punojë shumë në taktikë, mirëpo, fuqinë e tij ai sërish e tregoi në ngjitjet malore dhe atë në etapat e fundit të garës duke e fituar garën para Andi Shlekut, rivalit të tij të madh nga Luksemburgu.

Vazhdim i dominimit apo…

Kontador vitin e ardhshëm me siguri se nuk do të jetë pjesë e ekipit Astana. Mirëpo, ai tashmë nuk e ka problem sepse mund t’i diktojë kushte cilitdo ekip në botë dhe ka treguar se mund ta fitojë cilëndo garë të madhe. Ndërkohë në skenë po del një gjeneratë e çiklistëve të rinj, ku dallohet Andi Shlek dhe Kontador nuk pritet të ketë punë më të vështirë në sezonet e ardhshme. Sidoqoftë, ai deri më tani ka treguar se nuk i frikohet sfidave dhe nuk e ka ndër mend të ikë nga to.

Debatik Curri rrëfen për “Bota Sot” ditët e para turke me fanellën e Genclerbirligi

Pas nënshkrimit të kontratës, bartjes në Ankara, Debatik Curri i është përveshur punës së tij me klubin e Genclerbirligi. Pas katër vjetësh në futbollin ukrainas me ekipin e Vorskla Poltavës, ai kishte vendosur të kalonte në një kampionat më të njohur.

Në një bisedë ekskluzive nëpërmjet lidhjes telefonike nga Austria ku ekipi i tij është duke kaluar një fazë stërvitore, Curri ka folur për ditët e tij të para turke.

“Më ka befasuar pritja shumë e mirë në klubin e ri. Ekipi më ka përjcellur gjatë paraqitjeve të mia në kombëtare dhe këtu jam i angazhuar si qendërmbrojtësm, detyrë e njëjtë që e bëjë edhe me kombëtaren, ndonëse tek Vorskla luaja më i avancuar si mesfushor. Besoj se ky rol ku jam vendosur përfundimisht do të më ndihmojë edhe më shumë në paraqitjet në kombëtare”, tha Curri. Ai është i vetdijshëm se do të ketë punë me disa nga sulmuesit më të mirë në Evropë, si Milan Barosh, Harry Kewell, Daniel Guiza etj..

“Mendoj se kampionati turk është shumë i fortë, ka 18 skuadra që kanë bërë vërtetë transferime të mira. Mendoj se me një pregatitje të mirë dhe me angazhim do të luaj rregullisht. Besoj se do të jetë një eksperiencë e mirë, ndonëse kam një eksperiencë me sulmues të njohur, jam i vetëdijshëm se do të jetë vështirë, pasi që do ekip ka lojtarë të mirë. Por besoj se do t’ia dalë”.

Genclerbirligi është duke kryer një fazë përgatitore jashtë Turqisë.

“Aktualisht jemi në fazën përgatitore në Austri, ku do t’I zhvillojmë katër ndeshje miqësore ndër to edhe me Arsenalin e Londrës. Është një dallim i madh ndërmjet Vorsklës dhe Genclerit, këtu punohet shumë, më shumë se në Ukrainë, kemi një trajner gjerman, Thomas Dol që kërkon punë, kurse edhe klubi është më i madh dhe më shumë i organizuar”, tha Curri.

Te skuadra kuqezi prishtinasi do të bartë fanellën me numër 5. “Kam kërkuar fanellën me numër 5, sikur në kohët kur luaja në Prishtinë. Është numër që më ka pëlqyer gjithmonë”.

Te kjo skuadër janë edhe Labinot Harbuzi dhe Bekim Balaj i transferuar këtë verë nga Vllaznia e Shkdorës. “Kryesisht jemi bashkë. Labinoti ka pasur një operacion të vogël në Suedi dhe e gjithë skuada presim të kthehet së shpejti në fushë”.

Futbollisti 26 vjear tha se ndjehet i kënaqur se do të luajë në një kampionat me Lorik Canën. “Besoj se do të kemi një derbi shqiptar, që do të jetë ineteresant. Më erdhi shumë mirë që Loriku erdhi në Turqi”, tha ai.

(b. s.)

b o x

T: Cavcav e njeh karakterin shqiptar

Pronari i klubit Genclerbirligi, Ilhan Cavcav është me prejardhje shqiptare, ndërsa Curri tregon për takimin e parë me të.

“Kur u takova për kontratë, më tregoi se babai i tij ishte nga Prishtina. Ndër të tjera më tha se e njef shumë mirë karakterin shqiptar”, tha anëtari i rregullt i kombëtares shqiptare, me të cilën ka luajtur 30 ndeshje deri më tani dhe ka shënuar një gol.

Kombëtarja të vazhdojë ritmin e fitoreve

Mesfushori i kthyer në qendërmbrojtës, beson se me fanellën e dytë kuqezi, atë të kombëtares pret rezultate të mira edhe në kualifikime.

“Besoj që jemi në një fazë tëe mirë, tri takimet e fundit miqësore i kemi fituar dje kjo na ka shtuar vetbesimin. Do të mundohemi të vazhdojmë këtë ritëm dhe të mos pësojmë humbje. Ndonëse, kualifikimet janë tjetër nga ndeshjet miqësore, ku presioni i rezultatit është më i madh. Është grup i vështirë i kualifikimeve, por mendoj se edhe ne duhet të kemi synimet e tona dhe duhet të japim maksimumin në do ndeshje. Jam i bindur se këtë edicion të garave do të tregojmë lojë edhe më të mirë”, tha prishtinasi.

Pas përfundimit të gjitha ndeshjeve të xhiros së parë kualifikuese, tashmë dihen edhe çiftet e xhiros së dytë të garës më prestigjioze të futbollit ekipor në kontinentin e vjetër, Liga e Kampionëve.

Në ndeshjet e kthimit të xhiros së parë u arritën këto rezultate: Renova – Omonia Nicosia 0:2, Dinamo Tirana – FC Sheriff 1:0, HB Tórshavn – RB Salzburg 1:0, TNS – Bohemians 4:0, NK Koper – Dinamo Zagreb 3:0, Rudar P. – Litex Lovech 0:4, Olimpi Rustavi – Aktobe 1:1, Jeunesse Esch – AIK Stockholm 0:0, Pyunik – Partizan B. 0:1, HJK Helsinki – Ekranas 2:0, Zilina – Birkirkara 3:0, Debrecen – Tallinna Levadia 3:2, Lech Poznan – Inter Baku 0:1, Sparta P. -L. Metalurgs 2:0, Zhelezniqar – Hapoel Tel Aviv 0:1, Rosenborg – Linfield 2:0, Hafnarfjordur – BATE Borisov 0 :1.

Në xhiron e dytë kualifikuese të Ligës së Kampionëve, që luhet më 28 korrik dhe 3 gusht, takohen: AIK – Rosenborg, Omonia – Salzburg, Sheriff – Dinamo Zagreb, Lovech – Zilina, Dinamo Kiev – Gent, Unirea Urziceni – Zenit Petersburg, Sparta P.- Lech Poznan, TNS – Anderlecht, Aktobe – H. Tel-Aviv, BATE – Copenhagen, Debrecen – Basel, Young Boys – Fenerbahçe, Partizan – HJK Helsinki, Ajax – PAOK, Braga – Celtic.

Deri në fazën grupore të edicionit të sivjetëm të Ligës së Kampionëve, do të luhet edhe një xhiroë me nga dy ndeshje, ku takimet e para luhen më 17/18 gusht, kurse ato të kthimit më 24/25 gusht. Faza grupore fillon më 14 shtator, ndërsa kjo garë përfundon me finalen e 28 majti të vitit 2011.

Sulmuesi shqiptar i Palermos, Edgar Çani është huazuar nga kjo skuadër te ekipi i Modenës. Për Çanin dihej që nuk do të kishte hapësirë për lojë te Palermo, kështu që dhënia e tij me hua ishte përsëri zgjedhja më e mirë për të.

Sezonin e kaluar ai u huazua te Padova dhe Piacenza. Te Padova shënoi 2 gola në 19 ndeshje, ndërsa te Piacenza pati një paraqitje më të mirë me 4 gola në 13 ndeshje. Modena është skuadra e katërt tek e cila huazohet shqiptari prej viti 2008 kur luan te Palermo, ai ka kaluar një kohë huazimi edhe te Ascoli.

Sulmuesi 22 vjeçar i lindur në Tiranë, pritet të jetë një ndihmesë e madhe për sulmin e ekipit “kanarin” në edicionin e ardhshëm të garave në Serie B. Një stinor tjetër në Serie B, me një skuadër si Modena që synon kualifikimin në elitë, do të jetë një ndihmesë e madhe për rritjen profesionale të shqiptarit, i cili ende nuk ka vendosur të paraqitet në fanellën e kombëtares shqiptare të futbollit.

Drejtuesit e Flamurtarit të Prishtinës edhe më tutje mbeten pezull në zgjedhjen e çështjes së kryetrajnerit.

Jusuf Tortoshi, kryetrajner aktual, është në pushime verore, ndërsa Naim Pevqeli, ndihmëstrajner vazhdon përgatitjet me futbollistët. Drejtori Agim Hasani, tha se ende nuk dihet do të mbetet apo jo kryetrajner Tortoshi.

“Çështja e trajnerit është pezull”, tha Hasani. Flamurtari është përforcuar me futbollistët e Lepencit, Përparim Livorekën e Milaim Berishën, ndërsa negociojnë me dy futbollistët e KEK-ut: Fidan Hasanin e Virtyt Hashanin. “Me Hasanin dhe Hashanin jemi afër marrëveshjes”, tha Hasani. /botasot