Sulmuesi i Interit, kamerunasi Samuel Eto’o, ka pranuar se i mungon skuadra e Barcelonës, shkruan të mërkurën gazeta italiane “Tuttosport”.

Eto’o para fillimit të këtij edicioni kaloi tek Interi në këmbim me Zlatan Ibrahimoviqin. Megjithëkëtë, ai është i bindur se tek Interi do t’i shijojë sukseset që pati edhe me Barcelonën.

“Ishte vështirë të largohem nga Spanja pas 13 vjetëve dhe më mungon jeta që kisha në Barcelonë. Mirëpo, unë jam adaptuar në Milano dhe pres që me Interin të fitoj tituj, siç bëra me Barcelona”, ka thënë Eto’o.