Zëdhënësi i Federatës së Boksit të Kosovës, Latif Demolli, tha se në fillim të muajit gusht do të nis përgatitjet kombëtarja e Kosovës në boks.

“Kemi dy ballafaqime të boksit në shtator me dy klubet hungareze, Debrecenin e Kecmencin. Prandaj, në fillim të muajit gusht kemi paraparë të nisim përgatitjet që të jemi sa më të gatshëm për ballafaqimet e Euroligës. Bordi i Federatës së Boksit të Kosovës do të mbaj mbledhjen gjatë këtyre ditëve dhe do të vendosin edhe vendin e zhvillimit të përgatitjeve. Gjasat janë që përgatitjet t’i zhvillojmë në Shqipëri”, tha Demolli.

Në ditët e ardhshme përzgjedhësi Xhevdet Peci do të shpallë emëroren e boksierëve për përgatitjet.