Ndonëse i ka dështuar në minutat e fundit të afatit kalimtar transferimi i shumë përfolur drejt AS Roma nga Vest Hemi i Londrës, Valon Behrami është i bindur se do të luajë për skuadrën e tij aktuale deri në janar.

“Behrami është i sigurt se do të luajë këtë vjeshtë pa problem te Vest Hemi”, tha menaxheri i tij, Alessandro Beltrami. Deri sa vet futbollisti është i dëshpëruar për mos realizimin dëshirës së tij.

“Jam vërtetë i dëshpëruar. Vërtetë u munduam, por puna nuk u krye për qëllime ekonomike”, tha Behrami për mediat zvicerane.