Në American Airlines Arena, që të gjithë e kishin me nxitim, pasi për ekipin nga Florida ky ishtë I dyti vit radhazi që lojtarët e Miami Heat luajtën në shtëpi pikërisht ditën e Super Bowl-it.

Pasi kishte triumfuar plot 9 herë në 11 përballjet e fundit ndaj Toronto Raptors, skuadra e Erik Spoelstra-s e mori lehtë takimin dhe si rrjedhojë 12’ I parë u mbyll me një avantazh modest prej 4 pikësh në favor të ekipit vendas, I cili luajti pak a shumë në të njëjtën mënyrë edhe në vazhdimin e pjesës së parë duke shkuar në interval me rezultatin 53-48.

Miami shtoi ritmin në periodën e tretë dhe falë disa lojërave të mira të Chris Bosh e Dwyane Wade u shkëput ndjeshëm duke dhënë iluzionin e një fitoreje të lehtë. Të bindur se kishin bërë mjaftueshëm, Heat lëshuan ndjeshëm në lojë dhe në fakt shpesh kush nxiton gabon. Jerryd Bayless dribloi Mike Miller duke realizuar falë një depërtimi të thjeshtë pas të cilit ekipi kanadez kompletoi një break 12-0, që e çoi rezultatin 2’20” para fundit në 85-82. Bayless madje kishte në duar edhe mundësinë për të barazuar ndeshjen, por tentativa e tij për tre nuk gjeti retinën. LeBron u pa shpeshherë I nervozuar e duke u kërkuar llogari gjyqtarëve për të shpejtuar lojën, megjithatë “Mbreti James” më pas mori iniciativën dhe I zgjidhi gjërat ashtu siç di vetë, teksa rrëmbeu një top në gjysmëfushën e tij dhe pasi përshkoi gjithë parketin shkundi koshin e Raptors, pas një zhytje spektakolare me të dyja duart.

Përfundimisht Miami pas rezultati 95-89 siguroi fitoren e 6 radhazi ndaj Torontos dhe tashmë skuadra nga Florida shkon në 18 fitore dhe 6 humbje duke u shkëputur nga Philadelphia, gjithsesi Heat vazhdojnë ta shikojnë veten pas ekipit të Chicago Bulls që ruan vendin e parë në Konferencën e Lindjes me dy ndeshje më shumë. LeBron James e përfundoi takimin me 30 pikë, Wade me 25, ndërsa Chris Bosh duket se e kurseu ish-skuadrën e tij teksa u mjaftua me vetëm 12 pikë. Në krahun tjetër shënuesi më i mirë ishte DeMar DeRozan I cili realizoi 25 pikë, ndërsa Bayless dhe Kleiza e mbyllën sfidën me nga 17 pikë secili. Kjo ishte humbja e tretë në 4 ndeshjet e fundit për skuadrën kanadeze që vazhdon të jetë e gozhduar në pozicionin e fundit në Divizionin e Atlantikut. Në takimin tjetër ekipi i Boston Celtics fitoi brenda në TD Garden ndaj Memphis Grizzlies me rezultatin 98-80.

Derrick Rose është këndellur vonë në ndeshje për t’i ndihmuar skuadrës së tij Chicago Bulls të shënojë fitore të ngushtë 105-102 ndaj New York Knicks në Madison Square Garden.

Knicks (8 fitore dhe 14 humbje këtë sezon) arritën të rikthehen nga disavantazhi prej 11 pikësh në mes të ndeshjes për të barazuar në 75-75 në çerekun e tretë, para se MVP i NBA-së të marrë situatën në duar për të shënuar 15 pikë në çerekun e katërt.

Rose shënoi gjithsej 32 pikë dhe 13 asistime në ndeshjen e mbrëmshme, derisa Carlos Boozer dhe Kyle Korver shënuan secili nga 16 pikë për Bulls, që tash kanë 19 fitore dhe gjashtë disfata.

Amar’e Stoudemire ishte më i spikaturi te skuadra vendase, New York Knicks, me 34 pikë, më të lartat në ndeshje, derisa Carmelo Anthony shënoi 26 pikë.

Me sfidën ndërmjet New York Knicks dhe Boston Celtics në Madison Square Garden ka filluar sezoni i ri në ligën më të fortë të basketbollit në botë- NBA.

Në këtë përballje, e cila ishte dramatike, sidomos në fund, fitores iu gëzuan Knicksat, me rezultat 106-104. Vendasit në çerekun e parë avancuan me 11 pikë, ndërsa dy çerekët e radhës u takuan mysafirëve, mirëpo në fund më të suksesshëm rezultuan basketbollistët e New York Knicks për të fituar me diferencë të ngushtë prej dy pikësh.

Nga ana tjetër, edhe Miami Heat ka fituar si mysafir i Dallas Mavericks me rezultat 105-94. Mysafirët ishin dominues në tre çerekët e parë të përballjes, ndërsa çereku i fundit i takoi skuadrës vendase, e cila megjithatë nuk arriti ta tejkalojë diferencën e lartë të krijuar në pjesët e mëparshme.

Edhe Chicago Bulls kanë arritur që me një pikë diferencë (88-87) të fitojnë në udhëtim kundër L. A. Lakers.

“Do të të vras!” Këto kanë qenë fjalët kërcënuese të Shaquille O’Neal ndaj Kobe Bryant gjatë një debati të nxehtë në dhomat e zhveshjes, kur mes dy basketbollistëve më të mirë të Los Angeles Lakers marrëdhënia ishte prishur. 

Këtë gjë e bën të ditur vetë Shaq në biografinë e tij me titull “Shaq Uncut: My Story” (Shaq pa censurë: historia ime) që do të dalë në shitje në datën 15 nëntor në Shtetet e Bashkuara të Amerikës.

Kërcënimi ka ndodhur para fillimit të sezonit 2003-2004 dhe Shaq ishte i nxehur për shkak të një interviste që Kobe Bryant kishte dhënë për mediat duke deklaruar se kolegu i tij ishte “i shëndoshë dhe aspak në formë”.

“Nëse do të thuash sërish diçka të tillë për mediat do të të vras!”, pati thënë një nga qendrat më të mira në historinë e NBA.

Shaq e konsideron në librin e tij Bryant-in si “fëmijë mburravec”.

Magic Johnson është pesonazhi i radhës i NBA që futet në listën e “armiqve” të LeBron James. 

Ish-basketbollisti i Los Angeles Lakers theksoi para studentëve të një universiteti amerikan se LeBron James, ylli i Miami Heat, nuk mund të krahasohet aspak me Kobe Bryant, yllin e Lakers.

“Gjithmonë do të ketë lojtarë të mëdhenj në NBA, gjithmonë do të ketë basketbollistë që do të fitojnë unazën e kampionit, përveç Lebron James”, tha duke qeshur Magic Johnson.

Kur iu kërkua të krahasonte dy lojtarët më të mirë të momentit në basketbollin amerikan (LeBron James dhe Kobe Bryant), ish-lojtari legjendar i Lakers tha: “Po bëni shaka? Bryant ka fituar tituj, ndërsa LeBron asgjë. Nuk ka krahasim këtu.”

Deklarata shokuese nga një ish anëtar i një bande amerikane. Shaquille O’Neal duket se ka urdhëruar për vrasje dhe për disa krime.

Akuzat arrijnë nga një shok i vjetër i Shaq, Robert Ross, i cili fillimisht tregon për urdhrat që ia kishte dhënë basketbollisti që u pensionua këtë vit për ta shpartalluar një bandë rivale në vitin 2008.

Siç njofton ueb faqja amerikane tmz.com, në dokumentet e prezantuara në Tribunalin Superior në Los Angeles, Ross akuzon O’Nealin se ka organizuar dhe financuar një seri të vrasjeve dhe dhunës ndaj personave që i kishte në sy të keq.

“Për disa vite, O’Neal i kishte kërkuar disa favore Rossit. I kishte kërkuar ta vrasë një anëtar të një bande të Crisp, të cilit i kishte munguar respekti për O’Neal dhe për gruan e tij, Shaunie. Ai kishte urdhëruar po ashtu vrasjen e një gruaje, e cila kishte mbetur shtatzënë, ndërsa kishte kërkuar vrasjen edhe të një producenti diskografik. O’Neal kishte kërkuar edhe lëndimin në duar të një lojtari të NBA-së”, shkruan në akuzën e Ross.

Dallas Mavericks u ka dhënë fund tre dekadave frustruese duke u shpallur për herë të parë kampion i NBA-së, pasi mposhti me rezultat 105-95 Miami Heat në ndeshjen e gjashtë finale.

Jason Terry erdhi nga stoli për të shënuar 27 pikë dhe për të udhëhequr te Mavericks. Ylli tjetër i ekipit, Dirk Nowitzki, i cili ka një mesatare prej 26 pikësh për ndeshje dhe është emëruar MVP i ndeshjeve finale, shënoi 21 pikë në takimin e mbrëmshëm.

Kampionët e rinj të NBA-së filluan serinë finale prej shtatë ndeshjeve me disavantazh 2-0 në dy ndeshjet e para si mysafir i Miamit, por arritën të përmbysin rezultatin në 3-2 në ndeshjet e zhvilluara si nikoqir.

Mavericks duhej të fitonin njërën nga dy ndeshjet e mbetura (të gjashtë dhe të shtatë finale), dhe nuk lëshuan rastin për të mbyllur dilemën e fituesin që në ndeshjen e gjashtë, e cila u zhvillua në Miami.

Mavericks kishin arritur në finale edhe në vitin 2006 por kishin humbur pikërisht ndaj Miamit.

Ndoshta Dallasi nuk do ta fitojë titullin, por ky ekip nuk do të dorëzohet deri në fund, në finale të play-offit në NBA. Mavericks fituan në ndeshjen e katërt me rezultat 86:83 ndaj Miamit, për ta barazuar serinë finale në 2-2 me ndeshje.

Ylli gjerman, Dirk Nowitzki edhe pse kishte temperaturë 38 gradë celsius, realizoi 21 pikë, duke kontribuuar më së shumti në fitoren e ekipit të tij. Por, Dallasin e ndihmuan edhe Terry (17) e Marion (16) dhe monstruozi Chandler (13 pikë e 16 kërcime).

Mavs ishin në disavantazh prej 9 pikësh në periudhën e fundit, por edhe një herë bënë kthesë sensacionale në fund. Tek Miami, më i dalluari ishte Wade, i cili realizoi 32 pikë e Bosh (24). LeBron James nuk e kishte natën e tij.

Dallas – Miami 86:83
Dallas: Nowitkzi 21
Miami: Wade 32

Legjenda e basketbollit amerikan, 39-vjeçari Shaquille O’Neal njoftoi tërheqjen nga ky sport pas 19 vitesh mbushur me suksese.

Lajmi u njoftua nga vetë Shaquille O’Neal për fansat e tij nëpërmjet një video në rrjetin social Twitter.

“Ja dolëm mbanë, plot 19 vjet dhe dua t’ju falënderoj, ndaj po ju njoftoj juve të parët: do të tërhiqem”, thotë O’Neal në videon e shpërndarë në faqen e tij të Twitter.

Ndërkohë, një zëdhënës i Boston Celtics, skuadra ku luan aktualisht O’Neal, tha për mediat se basketbollisti nuk kishte njoftuar skuadrën për planet e tij, transmeton TCH.

Për 19 vite ma radhë O’Neal ka luajtur në gjashtë skuadra në NBA, Orlando Magic, Los Angeles Lakers, Miami Heat, Phoenix Suns, Cleveland Cavaliers dhe Boston Celtics.

httpv://www.youtube.com/watch?v=ewBnHq04CRg
Gjatë karrierës së tij ai ka arritur të fitojë katër tituj kampionë të NBA-së dhe u zgjodh “lojtari më i çmuar” i ligës amerikane të basketbollit në vitin 2000.

Basketbollistët e Majamit e kanë nisur në mënyrën më të mirë të mundshme serinë e ndeshjeve finale të plej-off-it në ligën NBA, duke e mundur Dallasin prej 92:84.

Majami ka treguar lojë më të mirë se basketbollistët e Dallasit. Angazhimi i tyre ishte më i madh si dhe gabimet e tyre ishin më të pakëta.

Xhejms me 24 pikë, Vade (22) dhe Bosh (19), ishin basketbollistët më të dalluar tek skuadra e Majamit. Ndërsa në radhët e Dallasit u dallua Novicki me 27 pikë të realizuara.