Spanja mbrojti titullin e kampionit të Evropës në basketboll duke mposhtur në finale Francën me rezultat 98:85. Juan Carlos Navarro me 27 pikë ishte realizatori më i mirë dhe u shpall MVP i EuroBasket 2011. Trekolorët humbën rastin e artë për titullin e parë historik.

Një Spanjë e shkëlqyeshme e udhëhequr nga Juan Carlos Navarro i cili realizoi 27 pikë dhe Pau Gasol e Jose Calderon që kontribuuan me nga 17 pikë secili, mposhti në finale Francën me rezultat 98-85 dhe mbrojti titullin e kampionit të Evropës në EuroBasket 2011.

Pas dominimit dy vite më parë në Katowice kundër Serbisë, Sergio Scariolo dhe basketbollistët e tij rrëmbyen kreun e podiumit dhe medaljen e artë duke i mohuar Francës titullin e parë historik.

Spanja u udhëhoq nga Navarro i cili edhe u shpall basketbollisti më i mirë i EuroBasket 2011 dhe u bë skuadra e parë që fitoi tituj të njëpasnjëshëm nga ish-Jugosllavia më 1995 dhe 1997. Plejmejkeri Tony Parket ishte realizatori më i mirë i Francës me 26 pikë. Të dyja ekipet finaliste kanë siguruar pjesëmarrjen në Lojërat Olimpike, Londra 2012.

Rusia fitoi medaljen e bronztë
Rusia ia mohoi Maqedonisë medaljen e parë historike në një tjetër përballje të jashtëzakonshme mes tyre që do të mbetet në kujtesë për një kohë të gjatë.

Rusia e mposhti Maqedoninë me rezultat 72:68 në ndeshjen e vlefshme për pozitën e tretë dhe medaljen e bronztë në EuroBasket 2011. Pas triumfit të mëhershëm ndaj maqedonasve në ndeshjen e rrethit të dytë të garës falë shënimit të sekondat e fundit nga Sergey Monya, kësaj radhe nuk ishte Rusia, por Maqedonia ajo që kishte rastin të siguron fitoren në çastet e fundit.

Ata humbën një mundësi të artë në sekondat e fundit të përballjes por Damjan Stojanovski nuk i rezistoi barrës së presionit dhe gaboi. Ata u dënuan nga Aleksey Shved i cili ruajti përqendrimin nga gjuajtjet e lira dhe siguroi fitoren për Rusinë dhe medaljen e bronztë. BoMcCalebb ishte realizatori më i mirë te Maqedonia me 22 pikë ndërsa Rusia u udhëhoq nga Andrei Kirilenko me 18 pikë.

Finalja: 

Spanja – Franca98:85

Ndeshja për medaljen e bronztë: 

Rusia – Maqedonia72:68

Basketbollistët e Francës janë kualifikuar për në gjysmëfinale të kampionatit evropian në Lituani, pasi në ndeshjen e tretë çerekfinale ishin më të mirë se Greqia me rezultat 64:56.

“Trekolorët” deri te fitorja arritën me mjaft vështirësi, pasi që mbrojtja greke bllokoi me sukses yllin e NBA-së, Toni Parker. Por, gjithçka ndryshoi në çerekun e katërt.

Në këtë pjesë të lojës francezët erdhën në epërsi 56:50, ndërsa gabimet e grekëve nisën të shpeshtohen, pasi sulmet e tyre përfundonin pa sukses.

Në fund vendosi gjakftohtësia e francezëve, të cilët nuk bënë veprime të panevojshme të ngjashme me ato të palës kundërshtare.

Parker ishte lojtari më efikas në radhët e Francës me 18 pikë, tri më pak shënoi Batum, derisa Burusis me 17 pikë ishte lojtari më efikas dhe më i disponuar për në lojë në radhët e Greqisë.

Greqia do të luajë nesër me humbësin e takimit Serbi-Rusi.

Spanja është kualifikuar në gjysmëfinale të Eurobasket 2011 pas fitores së lehtë ndaj Sllovenisë dhe për finalën do të luftojë ndaj fqinjit tonë lindor, Maqedonisë, që shokoi në fund të takimit nikoqiren Lithuaninë.

Spanja në fillim kishte vështirësi me Slloveninë, por më pas iberikët u rikthyen në takim duke mbyllur takimin me fitore të thellë prej 86-64.

Nga ana tjetër ndeshje shumë më dramatike u zhvillua në arenën Kaunas, e cila ishte e mbushur nga tifozët vendas. Megjithatë, kjo nuk pati rol për maqedonasit të cilët e siguruan fitoren pesë sekonda pa përfunduar takimi me një pikë disavantazh.

Heroi i këtij takimi ishte Vlado Illievski që shënoi tri pikët e arta për Maqedoninë që për herë të parë si shtet kualifikohet në gjysmëfinale të ndonjë Eurobasketi. Ndeshja përfundoi me rezultat 65-67, pasi lituanët nuk arritën ta rikthejnë rezultatin.

Në gjysmëfinale të Eurobasketit të premtën takohen Maqedonia me Spanjën, kurse gjysmëfinalja tjetër do të vendoset në duelet Francë – Greqi dhe Rusi – Serbi.

Spanjollët të cilët kishin fituar përball Serbisë për medalje të artë dy vite më parë në Poloni por më pas në mungesë të Pau Gasolit u mposhtën prej tyre vitin e kaluar në çerekfinale të Kampionatit botëror, ishin në epërsi prej fillimit deri në fund të udhëhequr nga 26 pikët e Gasol.

Vëllai i tij Mark shtoi 20 të tjera. Serbia duhet të mposht Turqinë për të kaluar në çerekfinale por mbetet të shihet se cili do të jetë vetëbesimi i ekipit pas humbjeve të njëpasnjëshme nga Franca, Lituania dhe Spanja.

Në ndeshjen tjetër të këtij grupi, Gjermania shtoi gjasat për kualifikim në çerekfinale pas fitores ndaj Turqisë me rezultat 73:67.

Grupi E

Spanja – Serbia84:59
Gjermania – Turqia73:67
Lituania – Franca

Franca mposhti ngushtë Turqinë (68:64) të mërkurën në Vilnius në kuadër të Grupit E. Fitore në kuadër të këtij grupi, të mërkurën shënoi edhe Spanja, që ishte më e mirë se Gjermania (77:68).

Vëllezërit Marc e Pau Gasol së bashku kanë shënuar 43 pikë për t’ia siguruar fitoren e radhës Përfaqësueses së Spanjës. Marc Gasol ishte më i dalluari me 24 pikë, kurse qendra e LA Lakers, Pau Gasol, ndeshjen e përfundoi me 19 pikë, të cilat i shënoi në pjesën e dytë. Pikë dyshifrore të Spanja shënoi edhe plejmejkeri Juan Carlos Navarro (14). Navarro pati edhe pesë asistime.

“Gjermania asnjëherë nuk u dorëzua dhe luajti një lojë shumë fizike. Në bëmë një punë të madhe falë kundërsulmeve dhe kjo fitore është e rëndësishme për ne”, ka thënë përzgjedhësi i Spanjës, Sergio Scariolo.

Te Gjermania shënuesi më i mirë ishte qendra e Dallas Mavericks, Dirk Nowitzki. Ai ndeshjen e përfundoi me 19 pikë dhe shtatë kërcime, kurse Chris Kaman i LA Lakers regjistroi “double-double” prej 15 pikëve e 12 kërcimeve.

Përfaqësuesja gjermane rrezikon të mos paraqitet në çerekfinale të këtij evropiani, pasi dy ndeshjet e ardhshme me Turqinë dhe Lituaninë duhet patjetër t’i fitojë nëse do të mbetet edhe në garë për titull.

“Bëmë të pamundurën për t’ia vështirësuar punët Spanjës. Jam shumë i kënaqur me paraqitjen tonë. Gabimet e shumta, sidomos në finish të ndeshjes na kushtuan shumë”, tha trajneri i Gjermanisë, Dirk Bauermann.

Ndërkohë, edhe Franca vuajti për të mposhtur Turqinë. Më efikasi te Franca ishte Tony Parker me 20 pikë, derisa te Turqia u dallua Hidayet Turkoglu me 19 pikë.

Pas përfundimit të raundit të parë, në fazën e të tetës së finales formohen grupe të reja, ndeshjet e të cilave do të zhvillohen në qytetin kryesorë të Lituanisë, Vilnus. Maqedonia dhe Rusia do të startojnë me nga 4 pikë, Sllovenia dhe Greqia me nga 3, ndërsa Gjeorgjia dhe Finlanda me nga 2 pikë.

Maqedonia ndeshjen e parë në fazën e dytë do ta zhvillojë të premten kundër Gjeorgjisë, ndërsa të shtunën takohet me Slloveninë. Basketbollistët e Maqedonisë të hënën do të përballen me Rusinë. Në grupin e dytë të të tetave të finales Franca nis me ecuri më të mirë dhe do të ketë 4 pikë. Serbia, Lituania, Spanja dhe Turqia kanë nga tre pikë, ndërsa Gjermania në rrethin e dytë hynë me 2 pikë.

Garat në Kampionatin Evropian vazhdojnë të mërkurën kur në program është super dueli Gjermani-Spanjë. Turqia ndeshet me Francën, ndërsa Serbia do të luajë kundër vendasve, Lituanisë.

GRUPI F
1. Maqedonia 4
2. Rusia 4
3. Sllovenia 3
4. Greqia 3
5. Gjeorgjia 2
6. Finlanda 2

GRUPI E
1. Franca 4
2. Serbia 3
3. Lituania 3
4. Spanja 3
5. Turqia 3
6. Gjermania 2

GRUPI E
Gjermania-Spanja
Serbia-Lituania
Turqia-Franca

Përfaqësuesja e Francës në basketboll ka regjistruar fitore mjaft të vështirë prej 97-96 kundër Serbisë për të kryesuar Grupin B në xhiron e fundit të fazës së parë të Eurobasketit që mbahet në Lituani.

Francezët edhe një herë dëshmuan se janë fizikisht dominues dhe po ashtu konfirmuan se, krahas spanjollëve, janë favoritët kryesorë për ta fituar kampionatin.

Ata që shënuan më shumë për Francën në këtë takim ishin Tony Parker (24 pikë) dhe Nicolas Batum (18 pikë), ndërsa Marko Keselj (25 pikë) dhe Nenad Krstic (22 pikë) ishin më të vërejturit te Serbia.

Basketbollisti pejan i kombëtares së Polonisë, Dardan Berisha shkëlqeu sërish, por paraqitja e tij e mirë nuk i mjaftoi Polonisë përballë Britanisë së Madhe e cila i mposhti me rezultat 81:88 në ndeshjen e tyre të fundit në Grupin A dhe i eliminoi nga EuroBasket 2011. Edhe pse pësoi një lëndim në çerekun e parë që i pamundësoi të ketë minutazh të plotë në parket, basketbollisti pejan edhe njëherë ishte realizatori më i mirë i Polonisë me 19 pikë, 4 kërcime dhe 5 asistime.

Rezultatet

Lituani – Portugali  98-69

Greqi – Kroaci  74-69

Maqedoni – BeH  75-63

Ukrainë – Belgjikë  74-61

Rusi – Sloveni  65-64

Francë – Serbi  97-96

B. e Madhe – Poloni  88-81

Edhe pse pësoi një lëndim në çerekun e parë që i pamundësoi të ketë minutazh të plotë në parket, basketbollisti pejan edhe njëherë ishte realizatori më i mirë i Polonisë me 19 pikë, 4 kërcime dhe 5 asistime.

Përfaqësuesja e Francës në basketboll ka regjistruar fitore mjaft të vështirë prej 97-96 kundër Serbisë për të kryesuar Grupin B në xhiron e fundit të fazës së parë të Eurobasketit që mbahet në Lituani.

Francezët edhe një herë dëshmuan se janë fizikisht dominues dhe po ashtu konfirmuan se, krahas spanjollëve, janë favoritët kryesorë për ta fituar kampionatin.

Ata që shënuan më shumë për Francën në këtë takim ishin Tony Parker (24 pikë) dhe Nicolas Batum (18 pikë), ndërsa Marko Keselj (25 pikë) dhe Nenad Krstic (22 pikë) ishin më të vërejturit te Serbia.

Përkundër fitores komode kundrejt Portugalisë me rezultat 85-73, Britania e Madhe ka gjasa të vogla për t’u kualifikuar në fazën tjetër të Kampionatit Evropian të basketbollit.

Fitorja e parë e Britanisë së Madhe në këtë turne erdhi falë pikëve të Luol Deng (31) dhe Mike Lenzly (17).

Mirëpo, për t’u kualifikuar në fazën e dytë, Britania e Madhe duhet ta mposhtë Poloninë me diferencë prej 58 pikësh, pasi kjo përfaqësuese fitoi përballë Turqisë me një pikë diferencë (84-83).

Heroi i Polonisë ishte shqiptari Dardan Berisha, i cili regjistroi 21 pikë dhe ishte po ashtu vendimtari për fitoren në 12 sekondat e fundit.

Lideri i Grupit A, Spanja ka regjistruar edhe fitoren e katërt nga katër ndeshje, duke e mposhtur nikoqirin, Lituaninë, me rezultat 91-79 dhe në këtë mënyrë siguron pozitën e parë në grup kur ka mbetur edhe një ndeshje për t’u zhvilluar.

Edhe Franca në kuadër të Grupit B e ka e ka regjistruar fitoren e katërt, ndërsa viktima e radhës ishte Italia, të cilën e mposhti me rezultat 91:84