Basketbollistet e Bashkimit nga Prizreni në njëfarë mënyre ia kanë frikën skuadrës së Penzës nga Peja.

Prizrenaset udhëheqin me rezultat 1:0 në fitore në finalen e play-offit dhe mëtojnë që në ndeshjen e dytë në Pejë të shënojnë fitore dhe të kremtojnë titullin e kampionit në konkurrencën e femrave.

Penza ka skuadër solide, e cila është edhe fituese e kupës dhe shpreson se fitorja do të mbetet në Pejë dhe në këtë mënyrë do të kërkojnë në ndeshjen e tretë titullin për herë të parë në historiku e tyre. Kjo ndeshje do të zhvillohet të mërkurën me fillim në orën 19.00 dhe luhet në palestrën e sportit “Karagaçi” në Pejë.